ბუღალტერია: როგორ ტარდება პაციენტის გადახდა, ავანსი, მზღვეველის ანაზღაურება და ექიმების საკომისიო

Activi MED-ში ჩაშენებულია ბუღალტერია — ორმაგი ჩანაწერით. ყოველი გადახდა, ავანსი, მზღვეველის ანაზღაურება, გაუქმება, მასალების მიღება და ჩამოწერა, ხარჯი და ნაღდის მოძრაობა თავისით ტარდება. ეს თავი მოკლე მიმოხილვაა; მოდულის სრული აღწერა — Activi ბუღალტერია.

როდის ჩანს

მენიუს ჯგუფი „ბუღალტერია“ ჩანს საცდელ პერიოდში ყოველთვის, ლიცენზიით — თუ მასში შედის მოდული „ბუღალტერია“; თანამშრომელს — თუ აქვს უფლება „ბუღალტერია: ნახვა“ (ადმინისტრატორს და მენეჯერს — ნაგულისხმევად). ექიმებს, ექთანს, რეგისტრატორს და ლაბორანტს ის არ უჩანს.

პირველი დაყენება

პირველად გახსნისას გვერდი „ბუღალტერია“ გთავაზობთ „ორგანიზაციის დაყენებას“: ორგანიზაციის სახე, დასახელება და ს/კ, დღგ-ს გადამხდელობა, საბაზო ვალუტა, მარაგის მეთოდი, აღრიცხვის დაწყების თარიღი და ანგარიშთა გეგმა → „დაყენება“ ან „მოგვიანებით“.

როგორ ტარდება კლინიკის ფული

სამედიცინო მომსახურება დღგ-სგან თავისუფალია — გატარებაში დღგ არ არის.

ყურადღება: კლინიკის ფული ბუღალტერიაში ფულადი მეთოდით ტარდება — შემოსავალი აღირიცხება მაშინ, როცა ფული შემოვა. ამიტომ ქვემოთ ჩამოთვლილი ავტომატურად არ აღირიცხება და, თუ კლინიკა დარიცხვის მეთოდით აწარმოებს აღრიცხვას, ბუღალტერმა თვის ბოლოს ხელით გაატაროს („სამეურნეო ოპერაციები“).

• ავანსი მაშინვე შემოსავლად აღირიცხება (არა ვალდებულებად, 2150-ზე), თუმცა მომსახურება ჯერ გაწეული არ არის;
• მზღვეველის წილი დასრულებული ვიზიტებიდან (მოთხოვნა) ბუღალტერიაში ავტომატურად არ ჩნდება — მხოლოდ ანაზღაურებისას, შემოსავლად;
• პაციენტის ვალი მოთხოვნად (1200) არ აღირიცხება;
• ჩამოწერილი თანხა (მზღვეველმა რომ არ აანაზღაურა) ბუღალტერიაში არ ჩანს.

საწყისი ციფრები აიღეთ ანგარიშებიდან: „დაზღვევა“ (ინვოისის გარეშე + გადაუხდელი ინვოისი), „დებიტორები“, „ავანსები“.

ყოველი გატარება ჩანს „ჟურნალში“: „გაყიდვა #782 — კლინიკა — გადახდა, პაციენტი #469“, „გაყიდვა #907 — კლინიკა — სადაზღვევო ინვოისი MED-2026-0001 (გადმორიცხვა)“.

მენიუს გვერდები

ბუღალტერიის პარამეტრები (ორგანიზაცია, ანგარიშთა გეგმა, ანალიტიკა, პერიოდები, საწყისი ნაშთები, წვდომა) — „პარამეტრები“ → ჩანართი „ბუღალტერია“.

Activi ბუღალტერია სხვა კომპიუტერზე

თუ ბუღალტერი ცალკე პროგრამით — Activi ბუღალტერია — მუშაობს, მას შეუძლია კლინიკის ბუღალტერია ქსელით წაიკითხოს (მხოლოდ წაკითხვით): კლინიკის ადმინისტრატორი „პარამეტრები“ → „ინტეგრაციები“ → „ბუღალტერიასთან დაკავშირება“ → „კოდის მიღება“ იღებს ერთჯერად კოდს (მოქმედებს 10 წუთი), ბუღალტერი კი თავის პროგრამაში — „სერვისების ჩაბმა“ → „პროგრამის დაკავშირება“ — წერს მისამართს და კოდს. კლინიკის მონაცემებს ბუღალტერია ვერ ცვლის.

ბუღალტერიასთან დაკავშირებული კითხვებით მოგვწერეთ: info@activi.ge ან კონტაქტის გვერდიდან.