რეცეპტი, მიმართვა, ინფორმირებული თანხმობა, ფორმები IV-100/ა და IV-200-ა, განმეორებითი ვიზიტი

ეს დოკუმენტები MED Clinic-ის ნაწილია (თავი პაკეტები). ყველა იქმნება ერთი ზოლიდან — ვიზიტის ფანჯარაში ან პაციენტის ბარათში: „ანალიზი · ფაილი · რეცეპტი · მიმართვა · ფორმა 100 · თანხმობა · გამოძახება“ (ბარათში ასევე „ფორმა 200-ა“). ვიზიტიდან შექმნილი დოკუმენტი ამ ვიზიტს ებმის და ექიმი მას თავისი ანგარიშით აფორმებს.

შექმნილი დოკუმენტები ბარათის ჩანართში „დოკუმენტებია“ (რეცეპტები, მიმართვები, თანხმობები, ფორმები) — დაჭერით ხელახლა იბეჭდება.

რეცეპტი

1. „რეცეპტი“.
2. თითო მედიკამენტზე: „მედიკამენტი (საერთაშორისო დასახელება)“, ფორმა (ტაბლეტი, კაფსულა, სუსპენზია…), „დოზა (5 მგ)“, „ერთჯერადი (1 ტაბ.)“, „სიხშირე (დღეში 2-ჯერ)“, „დღე“, „რაოდ.“, „შენიშვნა (ჭამის შემდეგ…)“.
3. „+ კიდევ მედიკამენტი“ — მაქსიმუმ 20 ერთ რეცეპტზე. ფანჯარაში ჩანს პაციენტის ალერგია.
4. „შენიშვნა რეცეპტზე“ → „შენახვა და ბეჭდვა“.

ნაბეჭდ რეცეპტზე — კლინიკა და ლიცენზია, პაციენტი, მედიკამენტები, ექიმის სახელი, სპეციალობა, სერტიფიკატის ნომერი, ხელმოწერა და ბეჭედი.

ყურადღება: ეს არის კლინიკის ნაბეჭდი რეცეპტი. ელექტრონულ რეცეპტს სახელმწიფო სისტემაში პროგრამა არ აგზავნის — ამის კონექტორი მზადაა მხოლოდ შაბლონად, გადამოწმებული არ არის და კლინიკის ოფიციალურ წვდომას საჭიროებს (თავი HMIS, EHR და ელ. რეცეპტი). წამლების ცნობარი (რეესტრი) პროგრამაში არ არის — სახელი იწერება ხელით.

მიმართვა

„მიმართვა“: „სპეციალისტი“ (მაგ. კარდიოლოგი), „დაწესებულება / ექიმი“, „დიაგნოზი (დსკ-10)“, „მიზეზი, ჩატარებული კვლევები“, „სასწრაფო“ → „შენახვა და ბეჭდვა“. ბეჭდვაზე — პაციენტი, ვის მიმართავს, დიაგნოზი, მიზეზი, ექიმის ხელმოწერა და ბეჭედი.

ინფორმირებული თანხმობა

1. „თანხმობა“ — ჩანართებით ტიპი: „მკურნალობა“, „პერს. მონაცემები“, „შეტყობინებები“ (SMS), „პროცედურა“.
2. ტექსტი ივსება კლინიკის სახელით; „ტექსტი (შეგიძლიათ შეცვალოთ)“ — მაგ. „______________“-ის ნაცვლად პროცედურის სახელი.
3. „ხელმომწერი (პაციენტი / წარმომადგენელი)“.
4. პაციენტი ხელს აწერს ეკრანზე — თითით, კალმით ან მაუსით („მოაწერეთ ხელი აქ“); „გასუფთავება“ — თავიდან.
5. „შენახვა“ ან „შენახვა და ბეჭდვა“.

ხელმოწერილი თანხმობა ბარათში აღინიშნება „ხელმოწერილი“; ბეჭდვაზე — ტექსტი, პაციენტის ხელმოწერა თარიღით და პასუხისმგებელი თანამშრომელი.

შენიშვნა: თანხმობების ტექსტები Activi-ის მიერაა დაწერილი ზოგადი ნიმუშად. კლინიკის იურისტმა ისინი გადახედოს — საჭიროებისას ტექსტი ყოველ ჯერზე იცვლება შენახვამდე. საკუთარი შაბლონების შენახვა 2.38-ში არ არის.

ფორმა № IV-100/ა — ცნობა ჯანმრთელობის მდგომარეობის შესახებ

1. ვიზიტიდან ან ბარათიდან — „ფორმა 100“.
2. ფორმა თავად ივსება ბარათიდან და ვიზიტიდან: დაწესებულება, პაციენტი, დაბადება, სქესი, პირადი ნომერი, მისამართი, სამუშაო ადგილი, ვიზიტის თარიღი, დიაგნოზი დსკ-10-ით, მოკლე ანამნეზი (ჩივილები + ანამნეზი), ჩატარებული კვლევები (მზა ანალიზების შედეგები გადახრების ნიშნით), დაავადების მიმდინარეობა (ობიექტური მონაცემები), მკურნალობა.
3. შეავსეთ ან შეასწორეთ: „ცნობა გაიცა წარსადგენად“, „მდგომარეობა ცნობის გაცემისას“, „სამკურნალო და შრომითი რეკომენდაციები“ → „შენახვა და ბეჭდვა“.

ფორმას ენიჭება ნომერი (100-2026-0001) და იბეჭდება მკურნალი ექიმის ხელმოწერით და ბეჭდით, ხელმძღვანელის სახელით (კლინიკის დირექტორი) და კლინიკის ბეჭდით.

ფორმა № IV-200-ა — ამბულატორიული ბარათი

ბარათის ზოლიდან „ფორმა 200-ა“: პაციენტის მონაცემები, ბარათის ნომერი, საკონტაქტო პირი, სისხლის ჯგუფი, ალერგია, ქრონიკული დაავადებები, დაზღვევა, ვიზიტების ცხრილი (თარიღი, ექიმი, ჩივილი, დიაგნოზი, მკურნალობა — ბოლო 60) და ანალიზები. ნომერი — 200ა-2026-0001.

შენიშვნა: ექიმი ფორმაში სხვა ექიმის ვიზიტებს ვერ ხედავს, თუ კლინიკაში „ექიმი — მხოლოდ თავის პაციენტებს“ არის არჩეული. შენახული ფორმა იცვლება („რედაქტირება“) — ყოველი ცვლილება აუდიტში იწერება.

ბეჭდვა და PDF

ყველა დოკუმენტი იხსნება A4 გვერდად ღილაკებით „ბეჭდვა“ და (დაინსტალირებულ პროგრამაში) „PDF“ — „PDF შენახულია: …“. ბრაუზერიდან PDF-ის მისაღებად ბეჭდვის ფანჯარაში აირჩიეთ „Save as PDF“.

განმეორებითი ვიზიტი (გამოძახება)

„გამოძახება“: „1 თვეში“, „3 თვეში“, „6 თვეში“, „12 თვეში“ ან „ან თარიღი“; „მიზეზი“ (მაგ. „წნევის კონტროლი, ანალიზები“), „ექიმი“ → „ჩაწერა“.

„ვადის მოახლოებისას პაციენტი გამოჩნდება სიაში „SMS / შეხსენებები → გამოძახებები“ — იქიდან იგზავნება SMS და ხდება ჩაწერა“ (თავი SMS და ონლაინ ჩაწერა). ბარათის მარცხენა სვეტში, „მომავალში“, ჩანს უახლოესი გამოძახება; ვადაგადაცილებული — წითლად.