Activi

კონფიდენციალურობის პოლიტიკა

რას ვაგროვებთ საიტზე

საიტი არ იყენებს სარეკლამო ან მეთვალყურე ქუქი-ფაილებს. როცა ფორმას ავსებთ, ვინახავთ მხოლოდ იმას, რაც თავად ჩაწერეთ (სახელი, ტელეფონი, ელ. ფოსტა, კომპანია, შეტყობინება), და ტექნიკურ ინფორმაციას ბოროტად გამოყენების თავიდან ასაცილებლად (IP მისამართი, ბრაუზერი). ## საიტის ვიზიტები

ვიზიტებს ვითვლით ქუქი-ფაილების გარეშე. როცა საიტის გვერდს ხსნით, ვინახავთ: თქვენს IP მისამართს, IP-დან განსაზღვრულ მიახლოებით ადგილმდებარეობას (ქვეყანა, რეგიონი, ქალაქი), ბრაუზერს, ოპერაციულ სისტემას და მოწყობილობის ტიპს, ეკრანის ზომას, დროის სარტყელს და ენას, ნანახ გვერდებს და იმას, საიდან მოხვედით (წინა საიტის მისამართი და, თუ ბმულში იყო, utm-ნიშნები). ადგილმდებარეობას ვადგენთ ჩვენსავე სერვერზე, DB-IP-ის ღია ბაზით (IP geolocation by DB-IP) — მონაცემი სხვა სერვისს არ ეგზავნება.

ამ ჩანაწერებს ვინახავთ 90 დღე, შემდეგ ავტომატურად იშლება; რჩება მხოლოდ დღის ჯამები (რამდენი ვიზიტორი, რომელი გვერდები). მათ ვიყენებთ მხოლოდ საიტის სტატისტიკისთვის და ბოროტად გამოყენებისგან დასაცავად.

რისთვის ვიყენებთ

ფორმაში ჩაწერილ მონაცემებს — მხოლოდ თქვენს მოთხოვნაზე პასუხისთვის: დაკავშირება, პროგრამის დაყენება, ფასის შეთავაზება. ვიზიტების მონაცემებს — საიტის სტატისტიკისა და დაცვისთვის. მონაცემებს მესამე პირებს არ ვუზიარებთ და არ ვყიდით.

პროგრამების მონაცემები

თქვენი ბიზნესის მონაცემები (გაყიდვები, კლიენტები, საწყობი) ინახება თქვენს კომპიუტერზე. ლიცენზიის შემოწმებისას ჩვენს სერვერზე იგზავნება მხოლოდ ლიცენზიის კოდი და მოწყობილობის იდენტიფიკატორი. ღრუბლოვანი ბექაპი — თუ ჩართავთ — ინახება დაშიფრულად.

ინსტალაციის შეტყობინება (ლიცენზიის გარეშე)

სანამ პროგრამას ლიცენზია არ აქვს (საცდელი პერიოდი, ვადაგასული ან არასწორი ლიცენზია), ის პირველ ჩართვაზე და შემდეგ დღეში არაუმეტეს ერთხელ ჩვენს ლიცენზიის სერვერს უგზავნის ტექნიკურ მონაცემებს: მოწყობილობის იდენტიფიკატორს და კომპიუტერის სახელს, პროგრამას და ვერსიას, ოპერაციულ სისტემას, საცდელი პერიოდის დარჩენილ დღეებს, ინსტალაციის შემთხვევით ნომერს და — თუ პარამეტრებში შევსებულია — ობიექტის სახელს, საიდენტიფიკაციო კოდს, ტელეფონს და მისამართს; სერვერი ინახავს მოთხოვნის IP მისამართსაც. ეს გვჭირდება, რომ ვიცოდეთ, სად არის პროგრამა დაყენებული, დაგეხმაროთ გამართვაში და შემოგთავაზოთ ლიცენზია. გაყიდვები, კლიენტები და სხვა ბიზნეს-მონაცემები არ იგზავნება; ლიცენზიის გააქტიურების შემდეგ ეს შეტყობინება აღარ იგზავნება.

თქვენი უფლებები

შეგიძლიათ მოითხოვოთ თქვენი მონაცემების ნახვა ან წაშლა — მათ შორის ვიზიტების ჩანაწერების (მიუთითეთ თქვენი IP მისამართი): მოგვწერეთ info@activi.ge.