განახლებები: ახალი ვერსია, როდის და როგორ განვაახლოთ

Activi MED ახალ ვერსიას თავად ამოწმებს, მაგრამ თავისით არაფერს აყენებს — განახლებას იწყებთ თქვენ, მოსახერხებელ დროს.

როგორ გაიგებთ ახალ ვერსიაზე

პროგრამა ამოწმებს ჩართვისას და ყოველ საათში (ინტერნეტი სჭირდება). ახალი ვერსიისას (ადმინისტრატორი და მენეჯერი):

• ერთხელ ჩნდება ფანჯარა „ხელმისაწვდომია ვერსია …“ ცვლილებების აღწერით და ღილაკებით „მოგვიანებით“ და „განახლება ახლა“;
• ზედა ზოლის ქვემოთ რჩება შეტყობინება ღილაკით „განახლება“;
• იგივე ჩანს „პარამეტრები“ → „ლიცენზია“.

სავალდებულო განახლება ასეა მონიშნული და ყოველ ჩართვაზე ჩნდება („მოგვიანებით“-ის ნაცვლად — „დღის ბოლოს“); ის მაინც მხოლოდ თქვენი თანხმობით დგება.

ხელით შემოწმება: მენიუს ბოლოში — „Activi MED v… · შემოწმება“.

განახლება ნაბიჯ-ნაბიჯ

1. აირჩიეთ დრო, როცა მიღება არ მიმდინარეობს — სამუშაო დღის ბოლოს ან დილით, პირველ ჩაწერამდე. ექიმებს სთხოვეთ, ღია ვიზიტები შეინახონ.
2. „განახლება ახლა“ — ვერსია ჩამოიტვირთება (პროცენტით), შემდეგ „ინსტალაცია მიმდინარეობს — პროგრამა გადაიტვირთება…“.
3. დაახლოებით ერთ წუთში პროგრამა ისევ იხსნება — შედით ჩვეულებრივ.

განახლების დროს მთავარი კომპიუტერი ერთი წუთით მიუწვდომელია: ექიმების, ლაბორატორიის და რეგისტრატურის სხვა კომპიუტერები ამ დროს ვერ მუშაობს და შემდეგ ხელახლა უკავშირდება. შენახული ვიზიტები, ანალიზები და ჩაწერები ბაზაშია — განახლების შემდეგ იმავე მდგომარეობაში იქნება; შეუნახავი ტექსტი (ფორმაში აკრეფილი, ჯერ „შენახვის“ გარეშე) დაიკარგება.

მონაცემები

ბაზა Windows-ის მომხმარებლის საქაღალდეშია (%APPDATA%\CloudPos\data-cloudmed) — განახლებისას არაფერი იკარგება: პაციენტები, ვიზიტები, ფაილები, ფასები, თანამშრომლები, ლიცენზია.

რჩევა: რამდენიმე კომპიუტერისას ჯერ განაახლეთ მთავარი, შემდეგ — დანარჩენი Activi MED-ები. ბრაუზერით მომუშავე ტაბლეტებს განახლება არ სჭირდება — ისინი მთავარი კომპიუტერის ვერსიას ხსნიან (საჭიროებისას გვერდი განაახლეთ).

თუ განახლება ვერ მოხერხდა

• „განახლება ვერ მოხერხდა“ — შეამოწმეთ ინტერნეტი და სცადეთ ხელახლა.
• ჩამოტვირთეთ ინსტალერი activi.ge/download-დან (Activi-MED-Setup-….exe) და გაუშვით ძველზე — მონაცემები ადგილზე დარჩება.