HMIS, EHR და ელექტრონული რეცეპტი: სახელმწიფო სისტემები კლინიკის საკუთარი წვდომით

Activi MED-ში სამი სახელმწიფო კავშირია, სამივე MED Pro-ში და სამივე ნაგულისხმევად გამორთულია:

ყურადღება: ეს სისტემები მუშაობს მხოლოდ კლინიკის საკუთარი ოფიციალური წვდომით — მომხმარებლით, პაროლით, მისამართით და გასაღებებით, რომლებსაც ჯანდაცვის სამინისტრო კლინიკას აძლევს. Activi ასეთ წვდომას არ გასცემს და არც მის გარეშე აკავშირებს. სანამ კავშირი ჩართული არ არის, პროგრამა ქსელში არაფერს აგზავნის. პაროლი და გასაღებები ინახება მხოლოდ კლინიკის სერვერზე და ბრაუზერში არ ჩანს. პირველი ჩართვა გააკეთეთ Activi-ის მხარდაჭერასთან ერთად, სატესტო გარემოზე, და გადაამოწმეთ სამინისტროს მოქმედი სპეციფიკაციით. ამ სახელმძღვანელოს სანიმუშო კლინიკა არც ერთ სახელმწიფო სისტემას არ დაკავშირებია.

HMIS — ფორმა 025

გვერდი „HMIS (სამინისტრო)“ (ადმინისტრატორი და მენეჯერი): „ფორმა 025 (ამბულატორია), მიწოდებები და სტატუსები, წლიური ფორმა — statistics.moh.gov.ge“. გამორთულ მდგომარეობაში ზემოთ წერია „HMIS გამორთულია“: „ვიზიტების გადამოწმება და შესწორება შეგიძლიათ ახლაც; გასაგზავნად ჩართეთ კავშირი კლინიკის საკუთარი HMIS მომხმარებლით და პაროლით“.

ჩანართი „ფორმა 025“ — თვე, ციფრები („დასრულებული ვიზიტი“, „მზადაა გასაგზავნად“, „შესავსები“, „გაგზავნილი“) და ვიზიტების სია: თარიღი, ექიმი, პაციენტი, პირადი ნომერი, დსკ-10, „შემოწმება“ და HMIS სტატუსი („გასაგზავნი“, „გაგზავნილი“, „შეცდომა“). ფანქარი ხსნის ფორმა 025-ის ველებს — პროგრამის მიერ შევსებულს შეგიძლიათ შეასწოროთ (შესწორება ვიზიტს არ ცვლის და აუდიტში იწერება). მიმდინარე (დაუსრულებელი) ვიზიტი არ ითვლება.

შენიშვნა: HMIS-ს სჭირდება პაციენტის მონაცემები, რომლებიც Activi MED-ის ბარათში ცალკე ველად არ არის — მაგ. რეგიონი, განათლება, შემთხვევის ტიპი. ამიტომ სიაში ყველა ვიზიტზე ჩანს „აკლია: რეგიონი, განათლება, შემთხვევის ტიპი“. მათ ავსებთ ფორმა 025-ში (ფანქარი) ან „პარამეტრებში“ — კოდების შესაბამისობით. გაგზავნამდე ეს აუცილებლად გადაამოწმეთ HMIS-ის ცნობარებით.

სხვა ჩანართები:

• „მიწოდებები“ — რა გაიგზავნა, HMIS-ის ნომრით; შესწორებული ვიზიტის ხელახლა გაგზავნა და წაშლა.
• „შედარება HMIS-თან“ — რაც HMIS-ში ჩანს და რაც პროგრამაში გაგზავნილად წერია.
• „წლიური ფორმა“ — კლინიკის წლიური ანგარიშის ციფრები და გაგზავნა.
• „ფორმა 066“ — „სტაციონარი“: ფორმა მზადაა, მაგრამ სტაციონარის მოდული პროგრამაში ჯერ არ არის — ამ ჩანართში მხოლოდ ახსნაა.
• „ჟურნალი“ — ყოველი შესვლა, გაგზავნა და შეცდომა, თანამშრომლის სახელით.
• „პარამეტრები“ (ადმინისტრატორი) — იგივეა, რაც „კლინიკის პარამეტრები“ → „კონექტორები“.

HMIS-ის ჩართვა

„კლინიკის პარამეტრები“ → „კონექტორები“ (მხოლოდ ადმინისტრატორი, MED Pro) → ბარათი „HMIS — სამინისტროს სტატისტიკა (ფორმა 025)“:

1. „სერვისის მისამართი (asmx)“ — ნაგულისხმევია სამინისტროს სტატისტიკის სერვისი; შეცვალეთ მხოლოდ სამინისტროს მითითებით.
2. „HMIS მომხმარებელი“ და „პაროლი“ — კლინიკის საკუთარი.
3. „კოდების შესაბამისობა“ — „გადაამოწმეთ HMIS-ის ცნობარით“ (სქესი, დოკუმენტი, განათლება, შემთხვევის ტიპი, რეგიონები…).
4. „კავშირის შემოწმება“ — მხოლოდ შესვლის შემოწმება („კავშირი დამყარდა — HMIS-მა შესვლა დაადასტურა“); ვიზიტები არ იგზავნება.
5. „ჩართვა“ → „შენახვა“.

ამის შემდეგ „ფორმა 025“-ში მონიშნეთ ვიზიტები → „გაგზავნა“. ერთდროულად მხოლოდ ერთი გაგზავნა მიდის („HMIS-თან სხვა გაგზავნა მიმდინარეობს — დაელოდეთ“); HMIS-ის უარი ჩანს მისივე სიტყვებით.

EHR და ელექტრონული რეცეპტი

იმავე „კონექტორებში“ ორი ბარათი — „ელექტრონული ჯანმრთელობის ჩანაწერი (EHR)“ და „ელექტრონული რეცეპტი“ — ნიშნით „UNVERIFIED“: „სისტემის მისამართი“ („სამინისტროს მიერ მოცემული“), „კლიენტის ID“, „დაწესებულების კოდი“, „საიდუმლო გასაღები“, „ჩართვა“.

„ელექტრონული ჯანმრთელობის ჩანაწერი და ელექტრონული რეცეპტი მუშაობს მხოლოდ იმ მისამართით და გასაღებებით, რომლებსაც ჯანდაცვის სამინისტრო აძლევს კლინიკას. სანამ ჩართული არ არის, პროგრამა ქსელში არაფერს აგზავნის. ინტეგრაციის ფორმატი გადამოწმებას საჭიროებს ოფიციალური სპეციფიკაციით (UNVERIFIED).“

ჩართვის შემდეგ დასრულებულ ვიზიტში ჩნდება ღილაკი „EHR“ (გაგზავნილზე — „EHR ✓“). სანამ ფორმატი ოფიციალურად არ გადამოწმდება, ნუ ჩართავთ — დაგვიკავშირდით.

შენიშვნა: ნაბეჭდი რეცეპტი (თავი რეცეპტი, მიმართვა, თანხმობა, ფორმები) ელექტრონული რეცეპტის კონექტორზე არ არის დამოკიდებული და MED Clinic-სა და MED Pro-ში მუშაობს.