თანამშრომლები და როლები: რეგისტრატორი, ექიმი, ექთანი, ლაბორანტი, მენეჯერი — უფლებები და პაროლები

თითოეული თანამშრომელი საკუთარი სახელითა და პაროლით შედის — ასე აუდიტის ჟურნალში ჩანს, ვინ ნახა და ვინ შეცვალა პაციენტის ბარათი, ვინ მიიღო ფული და ვინ შეიტანა ანალიზის პასუხი. თანამშრომლებს მართავს მხოლოდ ადმინისტრატორი, გვერდზე „თანამშრომლები“.

როლები

საწყისი ანგარიშები: admin / 1111, manager / 2222, cashier / 3333 (რეგისტრატორი). სანიმუშო კლინიკაში დამატებულია: ანა მესხი (რეგისტრატორი), ხატია ნოზაძე (ექთანი), სალომე ქავთარაძე (ლაბორანტი) და ექვსი ექიმი.

ახალი თანამშრომელი

1. „ახალი თანამშრომელი“.
2. „სახელი, გვარი“, „მომხმარებლის სახელი“ (ლათინურად, მაგ. giorgi), „პაროლი“.
3. „როლი“: „ადმინისტრატორი“, „მენეჯერი“, „რეგისტრატორი“, „ექიმი“, „ექთანი“, „ლაბორანტი“ — ქვემოთ ჩნდება როლის აღწერა.
4. ბუღალტერიისთვის: „ხელფასი — ბრუტო თვეში (₾)“ და „საპენსიო სქემის მონაწილე (2% + 2%)“ (ექიმის საკომისიო ამ ხელფასს ემატება — თავი ექიმის თვის გამომუშავება).
5. „შენახვა“.

ექიმის ანგარიში შექმნის შემდეგ მიაბით ექიმის ბარათს: „კლინიკის პარამეტრები“ → „ექიმები“ → ექიმი → „პროგრამის ანგარიში“ (თავი ექიმები და სამუშაო საათები). მიუბმელი ექიმის ანგარიშით ვიზიტი ვერ შეიქმნება: „თქვენი ანგარიში ექიმის ბარათზე არ არის მიბმული — მიმართეთ ადმინისტრატორს“.

კლინიკის უფლებები

გადამრთველი „ინდივიდუალური უფლებები“ — გამორთულზე თანამშრომელს როლის უფლებები აქვს; ჩართვისას მონიშვნები იცვლება. კლინიკისთვის მნიშვნელოვანი:

ექიმის კლინიკური წვდომა უფლებით კი არა, კლინიკის პარამეტრით წყდება: „ექიმი — მხოლოდ თავის პაციენტებს“ ან „ექიმები — ყველა ჩანაწერს“ (თავი კლინიკის პარამეტრები). საკუთარ ვიზიტს ექიმი ყოველთვის ხედავს და წერს.

წვდომის შეზღუდვა გვერდებზე

გადამრთველი „წვდომის შეზღუდვა კონკრეტულ განყოფილებებზე“ აჩენს ყველა გვერდს; მონიშნეთ მხოლოდ საჭირო („თუ არცერთი არ მონიშნავთ, გამოჩნდება ყველა (როლის მიხედვით)“). შეზღუდვა როლზე მეტს ვერ მისცემს — მხოლოდ ავიწროებს. მაგალითად, რეგისტრატორი, რომელიც მხოლოდ ჩაწერას აკეთებს — „დღეს“, „პაციენტები“, „კალენდარი“.

ანგარიშის გამორთვა და ბლოკი

• „ანგარიში აქტიურია“-ს გამორთვა თანამშრომელს შესვლას უკრძალავს; მისი ღია სესიები მაშინვე იხურება, ჩანაწერები რჩება. თანამშრომლის წაშლა შეუძლებელია (აუდიტი უნდა დარჩეს). წასულ ექიმს გამორთეთ ანგარიშიც და ექიმის ბარათიც.
• 5 არასწორი პაროლის შემდეგ ანგარიში 15 წუთით იბლოკება — „ბლოკის მოხსნა“.

ჩემი პროფილი და პაროლი

ზედა ზოლში სახელზე დაჭერა → „ჩემი პროფილი“ → „პაროლის შეცვლა“ („მიმდინარე პაროლი“, „ახალი პაროლი“, „გაიმეორეთ ახალი პაროლი“). „შეცვლის შემდეგ სხვა მოწყობილობებზე სესიები დაიხურება.“ „აქტიური სესიები“ — სად ხართ შესული; „სხვების გათიშვა“.

დავიწყებული პაროლი: თანამშრომლისას — ადმინისტრატორი „თანამშრომლები“ → ფანქარი → „ახალი პაროლი“. ადმინისტრატორისას — დაუკავშირდით მხარდაჭერას: აღდგენის ხელსაწყო (reset-admin.bat data-cloudmed) მხოლოდ ადმინისტრატორის პაროლს აბრუნებს 1111-ზე, პაციენტები და ვიზიტები არ იცვლება (თავი დახმარება).

რჩევა: ერთ კომპიუტერზე რამდენიმე თანამშრომელი? ყოველმა თავისი სახელით იმუშაოს და ცვლის ბოლოს გავიდეს („გასვლა“). ეკრანის ავტომატური დაბლოკვა პროგრამაში არ არის — ექიმის კაბინეტში კომპიუტერი პაციენტის თვალწინ ღია არ დატოვოთ (Windows: Win + L).