ექიმის თვის გამომუშავება: საკომისიო სერვისებიდან და გადატანა ხელფასში — კარდიოლოგის სექტემბრის მაგალითი

ბევრ კლინიკაში ექიმი იღებს პროცენტს მის მიერ გაწეული სერვისებიდან. Activi MED ამას ითვლის თავად და, თუ ლიცენზიაში ბუღალტერიაა, თვის ბოლოს ხელფასის უწყისში გადააქვს. საკომისიო MED Clinic-ის ნაწილია.

როგორ ითვლება

• პროცენტი — ექიმის ბარათიდან: „საკომისიო % (მის სერვისებზე)“ (თავი ექიმები და სამუშაო საათები).
• ბაზა — ექიმის სტრიქონების თანხა (რაოდენობა × ფასი − ფასდაკლება) — დაზღვევის წილის ჩათვლით. არ აქვს მნიშვნელობა, პაციენტმა უკვე გადაიხადა თუ არა, ან მზღვეველმა მთლიანად აანაზღაურა თუ ნაწილობრივ.
• ვიზიტები — მხოლოდ დასრულებული, ვიზიტის თარიღით, თვის მიხედვით. მიმდინარე (დაუსრულებელი) ვიზიტი საკომისიოში არ შედის — ექიმებს სთხოვეთ, ვიზიტები დღის ბოლოს დაასრულონ.
• ვისზე — სტრიქონი ეკუთვნის ვიზიტის ექიმს, მათ შორის ვიზიტიდან დანიშნული ანალიზი და ექიმის მიერ დამატებული კვლევა (ეკგ, ექოსკოპია).

შენიშვნა: თუ ვიზიტში სხვა ექიმის მიერ გაწეული სერვისიც დაემატა (მაგ. ექოსკოპისტის), 2.38-ში სტრიქონზე ცალკე ექიმი ვერ მიეთითება — ის ვიზიტის ექიმს დაეთვლება. სხვა სპეციალისტის სერვისი ცალკე ვიზიტად გააფორმეთ მის სახელზე. ასევე: საკომისიოს ცალკე პროცენტი სერვისზე ან ფიქსირებული თანხა ვიზიტზე არ არის — ერთი პროცენტი ექიმზე.

ანგარიში „საკომისიო → ხელფასი“

„ანგარიშები“ → „საკომისიო → ხელფასი“: თვე (მაგ. „სექტემბერი, 2026“), თითო ექიმი — ვიზიტები, მომსახურება, %, საკომისიო; ქვემოთ „სულ“. ღილაკები „Excel“ და „ხელფასში გადატანა“. თუ ამ თვის ხელფასის უწყისი უკვე არსებობს, იქვე წერია „ამ თვის ხელფასი: პროექტი“.

მაგალითი: გიორგი მაისურაძე, კარდიოლოგი, სექტემბერი

საკომისიო 35%. სექტემბერში 110 დასრულებული ვიზიტი:

17 855 ₾-დან პაციენტების წილი იყო 10 235,20 ₾, მზღვეველების — 7 619,80 ₾ (ანგარიში „ექიმები“). საკომისიო ორივედან ერთნაირად ითვლება.

ხელფასში გადატანა

1. „ხელფასში გადატანა“ → დადასტურება „2026-09: ექიმების საკომისიო ჩაიწეროს ხელფასის უწყისში პრემიად?“.
2. „ხელფასში გადავიდა: 6 ექიმი · 15 715,25 ₾“.

პროგრამამ შექმნა სექტემბრის ხელფასის უწყისი (პროექტი) და თითო ექიმის სტრიქონზე საკომისიო პრემიად ჩაწერა, შენიშვნით „MED საკომისიო 35% × 17855.00“. ხელფასი თანამშრომლის ბარათიდან (გიორგის — 1 200 ₾) იქვე რჩება, საპენსიო და საშემოსავლო კი ხელფასის გვერდის წესით ითვლება:

კლინიკა დამატებით იხდის დამსაქმებლის საპენსიო 2%-ს (148,99 ₾). სექტემბრის უწყისი სულ: დარიცხული 22 915,25 ₾, ხელზე 17 965,54 ₾.

უწყისი იხსნება ბუღალტერიის გვერდზე „ხელფასი და დივიდენდი“: იქ მოწმდება, საჭიროებისას იცვლება, ტარდება და გაიცემა (თავი ბუღალტერია).

წესები:

• ხელახლა გადატანა ჯერ პროექტ უწყისში იმავე თვეს საკომისიოს ჩაანაცვლებს (ორჯერ არ დაემატება).
• თუ თვის ხელფასი უკვე გატარებულია, გადატანა ვეღარ ხდება: „ამ თვის ხელფასი უკვე გატარებულია — საკომისიო ხელით დაამატეთ“.
• ექიმი, რომელიც თანამშრომლის ანგარიშზე მიბმული არ არის, უწყისში ცალკე სტრიქონად, თავისი სახელით ჩნდება.
• ბუღალტერია ლიცენზიაში არ არის? ღილაკი დაკეტილია („ხელფასები — ბუღალტერიის მოდული“) — საკომისიო გამოიტანეთ Excel-ით.