სალარო: პაციენტის გადახდა, ნაწილობრივი გადახდა, ავანსი, დავალიანება, გაუქმება და ინვოისი პაციენტზე ან კომპანიაზე

ფულს იღებს რეგისტრატორი, ადმინისტრატორი და მენეჯერი (უფლება „კლინიკა: გადახდების მიღება“). ექიმი, ექთანი და ლაბორანტი ფულს არ ეხებიან — ექიმის ვიზიტში ღილაკი „გადახდა“ არ ჩანს. პაციენტი იხდის მხოლოდ თავის წილს; მზღვეველის წილი სადაზღვევო ინვოისით მოდის (თავი სადაზღვევო ინვოისები).

გადახდა ვიზიტიდან

1. ვიზიტის ფანჯარაში — „გადახდა · 32,20 ₾“ (ახალ ვიზიტზე პროგრამა ჯერ ვიზიტს შეინახავს).
2. ფანჯარაში „გადახდა“: „ვიზიტის დავალიანება“ და „ავანსი“; „თანხა“ უკვე შევსებულია.
3. მეთოდი: „ნაღდი“, „ბარათი“ ან „გადმორიცხვა“.
4. „გადახდა · 32,20 ₾“ — „გადახდა მიღებულია“, ეკრანზე ჩნდება ჩეკი (ბეჭდვით, თუ ჩეკის პრინტერი გამართულია).

ბარათით გადახდისას პროგრამა მუშაობს ისევე, როგორც სხვა Activi სალაროები: ინტეგრირებული ტერმინალი თანხას თავად იღებს, ხელით ტერმინალზე — დაადასტურეთ გადახდა (თავი ბეჭდვა, პრინტერი და ტერმინალი).

ნაწილობრივი გადახდა: თანხა ვალზე ნაკლებია — „ნაწილობრივი გადახდა — დარჩება დავალიანება …“. დანარჩენი პაციენტის ვალად რჩება.

მეტი თანხა: „ზედმეტი 67,80 ₾ დარჩება ავანსად“ — ჩეკი ერთია, ზედმეტი პაციენტის ავანსი ხდება.

გადახდა ბარათიდან (ყველა ვალი)

პაციენტის ბარათში „გადახდა“ (ჩანს, როცა ვალი აქვს) — „სულ დავალიანება“: თანხა ნაწილდება პაციენტის ძველიდან ახლისკენ ყველა გადაუხდელ ვიზიტზე. ასე იხდის პაციენტი, რომელიც ვალის გადასახდელად მოვიდა.

ავანსი

„ავანსი“ (ბარათში ან გადახდის ფანჯრის ჩანართი „ავანსი“) — წინასწარ შემოტანილი თანხა, მაგ. ფიზიოთერაპიის კურსის საფასური: „ავანსის მიღება · 200,00 ₾“.

ავანსიდან დაფარვა: როცა პაციენტს ავანსიც აქვს და ვალიც, გადახდის ფანჯარაში ჩნდება ღილაკი „ავანსიდან დაფარვა · …“ — ფული არ მოძრაობს, ჩეკი არ იბეჭდება, ვიზიტი დაფარულად ითვლება („ავანსიდან დაიფარა …“). ბარათის ჩანართში „ავანსები“ ჩანს „ავანსის ნაშთი“.

შენიშვნა: ავანსის დაბრუნება პაციენტისთვის (ფულის უკან გაცემა) ცალკე ღილაკით არ ხდება — თუ ავანსი ჯერ არ გამოყენებულა, გააუქმეთ მისი გადახდა (იხ. ქვემოთ); ნაწილობრივ გამოყენებული ავანსის ნაშთის დაბრუნება 2.38-ში პირდაპირ არ კეთდება — მიმართეთ ბუღალტერს (ნაღდის გატანა სალაროდან).

დავალიანება

ვალი ჩნდება, როცა ვიზიტის პაციენტის წილი სრულად არ არის გადახდილი. სად ჩანს:

• „დღეს“ → „პაციენტების დავალიანება“ და „დებიტორები“;
• პაციენტის ბარათი → „დავალიანება“, ჩანართი „ვიზიტები“ (სვეტი „ვალი“);
• „გადახდები / დებიტორები“ → „დებიტორები“: პაციენტები (ტელეფონი, ბოლო ვიზიტი, თანხა) და სადაზღვევო კომპანიები — რას გვმართებენ.

შენიშვნა: პროგრამა ვალისთვის ჯარიმას ან ვადას არ ითვლის და პაციენტს ავტომატურად არ ახსენებს — მოვალეების სია Excel-ით ჩამოტვირთეთ და დაურეკეთ, ან გაუგზავნეთ SMS ხელით (თავი SMS და ონლაინ ჩაწერა).

გვერდი „გადახდები / დებიტორები“

ოთხი ჩანართი:

გადახდის გაუქმება

შეცდომით მიღებული გადახდა (არასწორი თანხა, მეთოდი, პაციენტი) უქმდება ბარათის ჩანართში „გადახდები“ — სტრიქონის ბოლოს „გაუქმება“ (უფლება „გაყიდვის დაბრუნება“, ნაგულისხმევად — ადმინისტრატორი და მენეჯერი). „… გაუქმდება — ჩეკი დაბრუნდება (ერთი ჩეკის ყველა ნაწილი)“: ვიზიტი ისევ ვალში გადადის, ჩეკი დაბრუნებულად ითვლება სალაროს დახურვაში. იგივე ხდება, თუ კლინიკის ჩეკი „ჩეკები“ გვერდიდან დაბრუნდა.

სანიმუშო კლინიკაში 2 ოქტომბერს, 11:41-ზე, რეგისტრატორმა 3 ₾-იანი ვალი შეცდომით ბარათით მიიღო; ადმინისტრატორმა ეს გადახდა გააუქმა და 11:43-ზე იგივე თანხა ნაღდით გატარდა — სალაროს დახურვაში ჩანს „დაბრუნებები 3,00 ₾ · 1 ჩეკი“.

ყურადღება: ავანსის გადახდა, რომელიც უკვე სხვა ვიზიტზე „ავანსიდან“ დაიფარა, არ უქმდება — „ამ გადახდის ავანსი უკვე გამოყენებულია — ჯერ გააუქმეთ მისი გამოყენება“.

ინვოისი პაციენტზე ან კომპანიაზე

როცა პაციენტის მომსახურებას კომპანია (დამსაქმებელი) იხდის, ან პაციენტს ანგარიში სჭირდება:

1. ბარათში — „ინვოისი“.
2. „პაციენტზე“ ან „კომპანიაზე“ („კომპანია ∗“, „საიდენტიფიკაციო კოდი“, „მისამართი“).
3. „გადახდის ვადა“, მონიშნეთ ვიზიტები (ვალიანი — უკვე მონიშნულია) → „ინვოისი · …“.
4. იხსნება A4 ინვოისი (PI-2026-0001) კლინიკის რეკვიზიტებით, ბანკით და IBAN-ით, ვიზიტებით და სერვისებით → „ბეჭდვა“ / „PDF“.

შენიშვნა: პაციენტის / კომპანიის ინვოისი მხოლოდ დოკუმენტია: კომპანიის გადმორიცხვა ფორმდება ჩვეულებრივ გადახდად პაციენტის ბარათიდან (მეთოდი „გადმორიცხვა“). კომპანიის, როგორც ცალკე მოვალის, აღრიცხვა და ინვოისის „გადახდილად“ მონიშვნა 2.38-ში არ არის.