დახმარება და Activi Remote: მოთხოვნა მხარდაჭერას, დისტანციური დახმარება

ღილაკი „დახმარება“

ზედა ზოლის სამაშველო რგოლი — „დახმარება“ — ნებისმიერი გვერდიდან უგზავნის შეტყობინებას Activi-ის მხარდაჭერას. ის ყველა თანამშრომლისთვის ხელმისაწვდომია.

1. „რას ეხება“ — „სალარო / ჩეკი“, „პრინტერი“, „ბარათის ტერმინალი“, „პროდუქცია / მარაგი“, „RS.ge“, „შესვლა / პაროლი“, „სხვა“ (კალენდარი, ვიზიტი, ანალიზი — „სხვა“).
2. „რა ხდება“ — ორიოდე სიტყვით (მაგ. „ფორმა 100 არ იბეჭდება“).
3. სამუშაო გაჩერებულია? — „სასწრაფოა“.
4. „რომელ ნომერზე დაგირეკოთ“ — კლინიკის ტელეფონი; შეცვალეთ საჭიროებისამებრ.
5. დაინსტალირებულ პროგრამაში ერთვის ეკრანის სურათი — იმ ეკრანის, რომელიც „დახმარების“ დაჭერისას იყო გახსნილი.
6. „გაგზავნა“ — „მოთხოვნა მიღებულია — დაგირეკავთ ნომერზე …“.

იგზავნება: კლინიკის სახელი, პროგრამის ვერსია, Activi Remote-ის ნომერი და ეკრანის სურათი; ბაზიდან პაციენტების მონაცემები — არა. გაგზავნას ინტერნეტი სჭირდება.

ყურადღება: თუ „დახმარების“ დაჭერისას ეკრანზე პაციენტის ბარათი, ვიზიტი ან ანალიზი იყო, ის ეკრანის სურათში მოხვდება. ასეთ შემთხვევაში დააჭირეთ „არ დაერთოს“ — ან ჯერ დახურეთ ბარათი, გადადით, მაგალითად, „დღეს“ გვერდზე და მერე დააჭირეთ „დახმარებას“.

Activi Remote

ინსტალაციისას პროგრამასთან ერთად დგება Activi Remote. დახმარებისთვის დაგვირეკეთ და უკარნახეთ ამ კომპიუტერის ნომერი — თქვენი ნებართვის გარეშე ჩართვა შეუძლებელია („მიღება“). ნომერი ჩანს „დახმარების“ ფორმაში და „პარამეტრები“ → „ლიცენზია“ → „დისტანციური დახმარება“.

დისტანციური სესიის დროს მხარდაჭერა ხედავს თქვენს ეკრანს — სესიამდე დახურეთ პაციენტის ბარათები, რომლებიც პრობლემას არ ეხება. სესიის შეწყვეტა ნებისმიერ დროს შეგიძლიათ.

თუ პროგრამა ვერ მოიძებნა — დააყენეთ Activi MED ხელახლა ან ჩამოტვირთეთ Activi Remote.

შენიშვნა: დისტანციური დახმარება და ეკრანის სურათი მხოლოდ დაინსტალირებულ პროგრამაშია; ბრაუზერში „დახმარება“ ეკრანის სურათს ვერ დაურთავს — მიმართეთ მთავარი კომპიუტერიდან.

შეცდომების ავტომატური შეტყობინება

გადამრთველი „შეცდომის შემთხვევაში ავტომატურად გვაცნობოს…“ (ადმინისტრატორი; ნაგულისხმევად ჩართული) — იგზავნება მხოლოდ შეცდომის ტექსტი, ვერსია და კლინიკის სახელი.

სხვა გზები

• activi.ge — კონტაქტი, ინსტალერი (activi.ge/download);
• ელ. ფოსტა: info@activi.ge;
• საკუთარი IT-სპეციალისტის კონტაქტი — „პარამეტრები“ → „მაღაზია“ → „მხარდაჭერის კონტაქტები“ (ჩანს დაბლოკვის ეკრანზე).

რჩევა: დარეკვამდე მოამზადეთ Activi Remote-ის ნომერი და ვერსია (მენიუს ბოლოში, მაგ. „Activi MED v2.38.0“), ვიზიტის, ჩეკის ან ანალიზის ნომერი, რომელსაც პრობლემა ეხება. პაციენტის სახელი და დიაგნოზი ტელეფონით საჭირო არ არის — ნომერი საკმარისია.