ანგარიშები: დღის სვოდკა, ექიმები, სერვისები, დაზღვევა, დატვირთვა, შემოსავალი, პაციენტები, ლაბორატორია, ექსპორტი

გვერდი „ანგარიშები“ (ადმინისტრატორი და მენეჯერი) — „სვოდკა, ექიმები, სერვისები, დაზღვევა — ნებისმიერი პერიოდისთვის“. ზემოთ — პერიოდი: „დღეს“, „7 დღე“, „30 დღე“, „ეს თვე“, „3 თვე“, „წელი“ ან თარიღები; ძირითად ოთხ ანგარიშზე — „CSV“ და „Excel“. ჩანართები ორ ჯგუფადაა: ძირითადი (ყველა პაკეტში) და დამატებითი (ზოგი — MED Clinic ან MED Pro).

ყველა ანგარიში ითვლის ვიზიტის თარიღით; გაუქმებული ვიზიტები არ ითვლება.

დღის სვოდკა

ექვსი ციფრი: ვიზიტები (და პაციენტები), სერვისები (და მომსახურების თანხა), ახალი პაციენტები, შემოსავალი (მათ შორის „დაზღვევიდან“), ახალი დავალიანება („ამოღ.“ — ძველი ვალიდან ამოღებული), ავანსი („დაიფარა“ — ავანსიდან დაფარული). ქვემოთ:

• „შემოსავალი გადახდის მეთოდით“ — ნაღდი, ბარათი, გადმორიცხვა (აქ გადმორიცხვა ცალკეა, Z-რეპორტისგან განსხვავებით), სულ;
• „პაციენტი და დაზღვევა“ — მომსახურება (ფასდაკლებამდე), ფასდაკლება, პაციენტის წილი, დაზღვევის წილი, ვიზიტებზე გადახდილი, ახალი დავალიანება / ამოღებული;
• „ექიმების მიხედვით“ — გრაფიკი.

სანიმუშო სექტემბერი: მომსახურება 49 685,00 ₾ = პაციენტის წილი 26 557,20 ₾ + დაზღვევის 23 127,80 ₾. ფული: ნაღდი 15 003,70, ბარათი 12 276,30, გადმორიცხვა 21 432,70 (აქედან 21 162,70 — მზღვეველების აგვისტოს ინვოისები) = 48 712,70 ₾.

შენიშვნა: „შემოსავალი“ აქ მიღებული ფულია (ფულადი მეთოდი), „მომსახურება“ — გაწეული სერვისები. სექტემბერში მზღვეველებმა გადაიხადეს აგვისტოს ინვოისები, სექტემბრის 23 127,80 ₾ კი ოქტომბერში შემოვა.

ექიმები

თითო ექიმზე: ვიზიტები, პაციენტები, სერვისების რაოდენობა, ფასდაკლება, ჯამი, პაციენტის და დაზღვევის წილი; MED Clinic-ში — საკომისიოს % და თანხა (Start-ში: „ექიმების საკომისიოს ანგარიში — ხელმისაწვდომია MED Clinic-ში“). სტრიქონი ეკუთვნის ექიმს, რომელიც ვიზიტის სტრიქონზე წერია (ჩვეულებრივ — ვიზიტის ექიმს).

სერვისები და დაზღვევა

• „სერვისები“ — თითო სერვისი (კოდი, კატეგორია, რაოდენობა, ჯამი, პაციენტის და დაზღვევის წილი) და კატეგორიები ფერადი ზოლებით.
• „დაზღვევა“ — თითო მზღვეველი: ვიზიტები, პაციენტები, ჯამი, მზღვეველის და პაციენტის წილი, ინვოისში შესული, მისაღები, მიღებული, ჩამოწერილი.

დატვირთვა (MED Pro)

რამდენად იყო დაკავებული ექიმების სამუშაო დრო: დატვირთვა (ჩაწერების დრო / სამუშაო საათები), ჩაწერა, არ გამოცხადდა (%). ცხრილში — თითო ექიმი: დატვირთვის ზოლი, სამუშაო და ჩაწერილი საათები, ჩაწერები, ვიზიტები, ონლაინ ჩაწერები. მარჯვნივ — „ჩაწერები — კვირის დღე × საათი“: რომელ საათებშია კლინიკა ყველაზე დატვირთული.

შემოსავალი

„შემოსავალი“ — ჯამი დაჯგუფებით: განყოფილება (Pro), ექიმი, სერვისი, კატეგორია, მზღვეველი, ფილიალი (Pro); გრაფიკი, წილი %-ით და Excel.

პაციენტები (MED Pro)

ვიზიტით მოსული პაციენტები: ახალი (პირველი ვიზიტი ამ პერიოდში) და განმეორებითი, ვიზიტი პაციენტზე, არ გამოცხადდა; გრაფიკი დღეების მიხედვით; ასაკობრივი ჯგუფები და სქესი.

ლაბორატორია, ხარჯები, ექსპორტი

• „ლაბორატორია“ (Clinic) — დანიშნულებები, საშუალო დრო პასუხამდე, ნორმიდან გადახრილი შედეგები (%), კვლევები რაოდენობით და თანხით, გარე ლაბორატორიაში გაგზავნილი.
• „ხარჯები“ — პერიოდის ხარჯების ჟურნალი და კატეგორიები (ხარჯი იწერება გვერდზე „ხარჯები“).
• „ექსპორტი“ (Clinic) — ყველა პაციენტი და ყველა ვიზიტი (პერიოდით) Excel-ში: ბუღალტრისთვის, ანალიტიკისთვის ან სხვა სისტემაში გადასატანად. ყოველი ექსპორტი აუდიტში იწერება.

„საკომისიო → ხელფასი“ — თავი ექიმის თვის გამომუშავება.

შენიშვნა: ანგარიშები ითვლის ვიზიტების და გადახდების მიხედვით; კლინიკის მოგება (შემოსავალი მინუს ხელფასები, ქირა, მასალები) აქ არ ჩანს — ის ბუღალტერიის ანგარიშგებაშია (თავი ბუღალტერია). მზა სახელმწიფო სტატისტიკური ფორმები (მაგ. წლიური) — თავი HMIS, EHR და ელ. რეცეპტი.