გვერდი „კალენდარი“ — „ჩაწერა ექიმებთან“. რეგისტრატურა და ექთანი ყველა ექიმს ხედავს, ექიმი — მხოლოდ საკუთარ სვეტს. ზემოთ: „დღე“ / „კვირა“, ისრები (წინა / შემდეგი), „დღეს“ და თარიღის ველი; ქვემოთ — ფილტრი „ყველა განყოფილება“ (MED Pro-ში — ფილიალიც) და ფერების ლეგენდა.

დღე

თითო ექიმი — ერთი სვეტი: სახელი, სპეციალობა, კაბინეტი, დღის ჩაწერების რაოდენობა და დატვირთვის ზოლი. ექიმის სამუშაო საათები ღიაა, დანარჩენი — დაშტრიხული; წითელი ხაზი — ახლანდელი დრო.

ჩაწერის ფერი = სტატუსი:

სტატუსი	ნიშნავს	ვინ ცვლის
ჩაწერილი	დრო დაჯავშნილია	—
მოვიდა	პაციენტი რეგისტრატურაშია; ვიზიტი გაიხსნა ჩაწერილი სერვისით	რეგისტრატორი („მოვიდა“)
ვიზიტზეა	ექიმთან შევიდა	ექიმი ან რეგისტრატორი („ვიზიტის დაწყება“)
დასრულდა	ვიზიტი დასრულდა — თავისით, ვიზიტის „დასრულებისას“	ექიმი
არ მოვიდა	პაციენტი არ გამოცხადდა	რეგისტრატორი („არ მოვიდა“)
გაუქმდა	ჩაწერა გაუქმდა	რეგისტრატორი („გაუქმება“)

ბლოკზე პატარა ნიშნები: ფარი — ალერგია, ტელეფონი — ტელეფონით ჩაწერა, გლობუსი — ონლაინ ჩაწერა, ვარსკვლავი — პირველი ვიზიტი. ბლოკზე მაუსის მიტანა აჩვენებს დროს, პაციენტს, სერვისს და კაბინეტს.

ჩაწერა

დააჭირეთ ექიმის სვეტში ცარიელ უჯრას სასურველ დროზე (ან „დღეს“ გვერდზე / ბარათში — „ჩაწერა“).
ფანჯარაში „ჩაწერა“ — თარიღი და დრო უკვე შევსებულია. „პაციენტი“: აკრიფეთ პირადი ნომერი, სახელი ან ტელეფონი და აირჩიეთ სიიდან.
ახალი ადამიანი, რომელიც ტელეფონით რეკავს? ორი გზა: „+ ახალი პაციენტის რეგისტრაცია“, ან ველები „ან სახელი (რეგისტრაციის გარეშე)“ და „ტელეფონი“ — რეგისტრაცია მოსვლისას.
„ექიმი“, „სერვისი“ (ჩანს ამ ექიმის სერვისები; ცარიელი — „კონსულტაცია“), „დრო“, „წუთი“ (სერვისის ხანგრძლივობით), „კაბინეტი“ („ექიმის კაბინეტი“ ნაგულისხმევად), „შენიშვნა“.
„ჩაწერა“ — „ჩაწერილია“.

შემოწმებები:

ექიმი ამ დროს უკვე დაკავებულია → „ექიმი ამ დროს დაკავებულია (11:30)“ — ჩაწერა არ კეთდება.
კაბინეტი სხვა ექიმს უჭირავს → „კაბინეტი „102“ ამ დროს დაკავებულია (…)“.
დრო ექიმის საათების გარეთაა → ჩაწერა კეთდება, მაგრამ ჩნდება გაფრთხილება „ჩაწერილია — ექიმის სამუშაო საათების გარეთ (10:00–17:00)“ ან „ექიმს ამ დღეს სამუშაო საათები არ აქვს“.

მოვიდა, ვიზიტის დაწყება, არ მოვიდა

ჩაწერილზე დაჭერა ხსნის მის ფანჯარას: სტატუსი, პაციენტი (ალერგია ჩანს), ექიმი, სერვისი, დრო, წუთი, კაბინეტი, შენიშვნა და ღილაკები:

„მოვიდა“ — იხსნება ვიზიტი ჩაწერილი სერვისით, სტატუსი „მოვიდა“. თუ ჩაწერა სახელით იყო, ჯერ დაარეგისტრირეთ პაციენტი („ჯერ აირჩიეთ ან დაარეგისტრირეთ პაციენტი“).
„ვიზიტის დაწყება“ (მოსულზე) — სტატუსი „ვიზიტზეა“ და ვიზიტის ფანჯარა.
„არ მოვიდა“, „გაუქმება“ — და მათზე „აღდგენა“, თუ შეცდომა მოხდა. ჩაწერას, რომელსაც ვიზიტი უკვე აქვს, ჯერ ვიზიტი უნდა გაუქმდეს („ჩაწერას უკვე აქვს ვიზიტი — გააუქმეთ ვიზიტი“).
„შენახვა“ — დროის, ექიმის, სერვისის შეცვლა.

ჩაწერილი პაციენტი: „გაუქმება“, „არ მოვიდა“, „შენახვა“ და „მოვიდა“

იგივე „მოვიდა“ არის გვერდზე „დღეს“, დღის განრიგში.

გადატანა

ჩაწერის ბლოკი გადაათრიეთ სხვა დროზე ან სხვა ექიმის სვეტში — „გადატანილია: 14:30“. სხვა ექიმზე გადატანისას ჩაწერა ახალი ექიმის კაბინეტს იღებს; ღია ვიზიტიც ახალ ექიმზე გადადის. იგივე შემოწმებები მოქმედებს (დაკავებული ექიმი, კაბინეტი, საათები). დასრულებული ან გაუქმებული ჩაწერა აღარ იცვლება.

კვირა

„კვირა“ ორნაირია:

„ყველა ექიმი — დატვირთვა“: ცხრილი — ექიმები × შვიდი დღე; თითო უჯრაში ჩაწერების რაოდენობა, საათები და დატვირთვის ზოლი (მწვანე → ნარინჯისფერი → წითელი 85%-დან). უჯრაზე დაჭერა ამ ექიმის დღეს ხსნის.
ერთი ექიმი (ფილტრი „ექიმი“): მისი შვიდი დღე სვეტებად — ისევე, როგორც დღის ხედი.

კვირის დატვირთვა: ექიმები × დღეები, ჩაწერების რაოდენობა და დატვირთვა

კარდიოლოგის კვირა: ორშაბათიდან კვირამდე, მისი საათები და ჩაწერები

ბოლოს არჩეული ხედი, განყოფილება და ექიმი ამ კომპიუტერზე ინახება.

შენიშვნა: კალენდარი ყოველ წუთში ახლდება — სხვა კომპიუტერიდან გაკეთებული ჩაწერა მალე გამოჩნდება. ერთ დროზე ორი ჩაწერა ერთ ექიმთან მაინც ვერ გაკეთდება. პაციენტების რიგის ეკრანი (ტელევიზორი მოსაცდელში) და ხმოვანი გამოძახება Activi MED-ში არ არის — ეს ცალკე პროდუქტია, Activi Queue.

ვერ იპოვეთ პასუხი? დააჭირეთ პროგრამაში დახმარების ღილაკს, მოგვწერეთ ან დაგვირეკეთ: 599127000.