პაკეტები MED Start, MED Clinic და MED Pro: რას ხსნის თითოეული

Activi MED იყიდება სამ პაკეტად: MED Start, MED Clinic და MED Pro. პაკეტი ლიცენზიაშია ჩაწერილი და პროგრამა თავად წყვეტს, რომელი ნაწილი გაიხსნას. ფასები და კომპიუტერების რაოდენობა თითო პაკეტში — activi.ge/med.

შენიშვნა: საცდელ პერიოდში (30 დღე) და ლიცენზიით, რომელშიც პაკეტი საერთოდ არ წერია (ძველი ლიცენზიები), ყველაფერი ღიაა — Pro-ს ჩათვლით. ამ სახელმძღვანელოს სურათები ასეთ პროგრამაშია გადაღებული; დაკეტილი ნაწილის სურათები ქვემოთაა.

რა არის თითოეულ პაკეტში

სამედიცინო მასალების საწყობი („მედიკამენტები / სახარჯი“, „მარაგი“), სალაროს დახურვა, თანამშრომლები, ქსელი, ბექაპი და ბუღალტერია (თუ ის ლიცენზიაშია) პაკეტზე არ არის დამოკიდებული.

ყურადღება: EHR-ისა და ელექტრონული რეცეპტის კავშირი პროგრამაში მომზადებულია, მაგრამ ოფიციალურ სპეციფიკაციასთან გადამოწმებული არ არის და ნაგულისხმევად გამორთულია. HMIS-თან და ამ სისტემებთან კავშირს კლინიკა რთავს მხოლოდ საკუთარი ოფიციალური წვდომით, Activi-ის მხარდაჭერასთან ერთად — თავი სახელმწიფო სისტემები.

როგორ ჩანს დაკეტილი ნაწილი

დაკეტილი ნაწილი მენიუდან არ ქრება — ჩანს, რას აკეთებს და რომელ პაკეტში იხსნება. ჩანართზე ან ღილაკზე ჩნდება ბოქლომიანი ნიშანი „MED Clinic“ ან „MED Pro“, გვერდზე კი ბარათი ტექსტით „ხელმისაწვდომია MED Clinic-ში — პაკეტის შესაცვლელად დაუკავშირდით Activi-ს (activi.ge/med)“.

ელექტრონულ ბარათში Start-ზე ჩანართები „ლაბორატორია“, „ფაილები“ და „დოკუმენტები“ დაკეტილია, ვიზიტის ფორმაში კი არ ჩანს ზოლი „რეცეპტი · მიმართვა · ფორმა 100 · თანხმობა · გამოძახება · ანალიზი · ფაილი“. დანარჩენი — რეგისტრაცია, კალენდარი, ვიზიტი, დიაგნოზი, დაზღვევა და გადახდა — Start-შიც სრულად მუშაობს.

თუ ვინმე დაკეტილ მოქმედებას მაინც სცდის (მაგ. ძველი ბმულით), პროგრამა უარს ამბობს შეტყობინებით „ხელმისაწვდომია MED Clinic-ში“ — მონაცემი არ იცვლება.

პაკეტის შეცვლა

პაკეტს ცვლის Activi ლიცენზიაში — ახალი კოდი საჭირო არ არის: „პარამეტრები“ → „ლიცენზია“ → „გადამოწმება“, და ახალი ნაწილები მაშინვე იხსნება (თავი ლიცენზია). მონაცემები არ იკარგება არც პაკეტის გაზრდისას, არც შემცირებისას: თუ Clinic-იდან Start-ზე გადახვალთ, ლაბორატორიის შედეგები, ფაილები და ფორმები ბაზაში რჩება, მხოლოდ მათი გახსნა იკეტება.

რჩევა: დაიწყეთ საცდელი პერიოდით — ის ყველაფერს ხსნის. 30 დღეში ნახავთ, რომელ ნაწილებს იყენებს კლინიკა სინამდვილეში, და პაკეტს მერე აირჩევთ.