SMS შეხსენებები, განმეორებითი ვიზიტები, კამპანიები და ონლაინ ჩაწერა activi.ge-ზე

ორივე ნაწილი MED Clinic-შია და ნაგულისხმევად გამორთულია: სანამ კლინიკა მათ თავისი ანგარიშით არ ჩართავს, პროგრამა ქსელში არაფერს აგზავნის. გვერდები — „SMS / შეხსენებები“ და „ონლაინ ჩაწერა“ (ადმინისტრატორი, მენეჯერი, რეგისტრატორი; პარამეტრებს ცვლის ადმინისტრატორი და მენეჯერი).

SMS: პროვაიდერის მიერთება

SMS იგზავნება კლინიკის საკუთარი SMS პროვაიდერით — Activi SMS-ს არ ყიდის. საჭიროა პროვაიდერთან ხელშეკრულება და მისი API-ის მონაცემები.

„SMS / შეხსენებები“ → ჩანართი „პროვაიდერი“:

1. „პროვაიდერი“ — „ნებისმიერი HTTP გეითვეი“ ან მზა ვარიანტი. „მზა ვარიანტები გადამოწმებას საჭიროებს (UNVERIFIED) — შეამოწმეთ თქვენი პროვაიდერის დოკუმენტაციით“.
2. „მისამართი (URL)“, „მეთოდი“ (GET, POST, JSON), „ნომრის ფორმატი“ (9955XXXXXXXX ან ადგილობრივი), „გამგზავნის სახელი“.
3. „პარამეტრები“ — „ერთი ხაზი — ერთი: სახელი={to} / {text} / {sender} / {user} / {key}“.
4. „მომხმარებელი (თუ სჭირდება)“, „გასაღები / პაროლი“ — „გასაღები ინახება მხოლოდ კლინიკის სერვერზე და ბრაუზერში არ ჩანს“.
5. „წარმატების ნიშანი პასუხში (regex, არასავალდებულო)“.
6. „შემოწმება“: „რას მიიღებს პროვაიდერი“ (მოთხოვნა გასაღების დაფარვით, არაფერი იგზავნება) და „სატესტო SMS“ სატესტო ნომერზე.
7. ჩართეთ „SMS ჩართულია“ → „შენახვა“.

„ავტომატური შეტყობინებები“: „შეხსენება ვიზიტამდე (საათით; 0 — არა)“ — ნაგულისხმევად 24; „გამოძახება ვადამდე (დღე; 0 — მხოლოდ ხელით)“; „ღამით არ ვგზავნით — დან / მდე“ (21:00–09:00: ღამით დამდგარი შეტყობინება დილას წავა); „თვის ლიმიტი (0 — არა)“.

ყურადღება: SMS-ის ღირებულებას იხდის კლინიკა საკუთარ პროვაიდერთან. სანიმუშო კლინიკაში SMS გამორთულია და სურათებზე პროვაიდერი შევსებული არ არის.

შაბლონები

ჩანართი „შაბლონები“ — ხუთი ტექსტი, თითოეული ირთვება და იცვლება: „შეხსენება ვიზიტამდე“, „ონლაინ ჯავშანი დადასტურდა“, „ონლაინ ჯავშანი ვერ დადასტურდა“, „განმეორებითი ვიზიტი“, „კამპანია“. ჩასასმელი ველები: {first_name}, {patient}, {date}, {time}, {doctor}, {service}, {clinic}, {phone}, {address}. ქვემოთ ჩანს ნიმუში და სიმბოლოების / SMS-ების რაოდენობა (ქართული ტექსტი უფრო მოკლე SMS-ებად იყოფა).

მაგალითად შეხსენება: „{first_name}, შეგახსენებთ: {date} {time} — {doctor}, {clinic}. გაუქმება: {phone}“.

ჟურნალი

ჩანართი „ჟურნალი“ — ყველა SMS: სტატუსი („რიგში“, „იგზავნება“, „გაგზავნილი“, „ვერ გაიგზავნა“, „გაუქმებული“), სახე („შეხსენება“, „გამოძახება“, „კამპანია“, „ონლაინ ჯავშანი“, „ხელით“), ნომერი, ტექსტი; თვის მრიცხველი; „ახალი SMS“ — ხელით გაგზავნა. ვერ გაგზავნილი რამდენჯერმე ცდილობს ხელახლა; ხელით — „ხელახლა“ ან „გაუქმება“.

პაციენტის თანხმობა

პაციენტის ბარათში ორი გადამრთველი: „SMS შეხსენება ვიზიტამდე“ და „სიახლეები და შეთავაზებები (SMS)“ (თავი პაციენტები და ელ. ბარათი). შეხსენება არ ეგზავნება, ვისაც პირველი გამორთული აქვს; კამპანია — ვისაც მეორე. თანხმობა შეიძლება ხელმოწერილი ფორმითაც („თანხმობა შეტყობინებების მიღებაზე“).

განმეორებითი ვიზიტები (გამოძახება)

ჩანართი „გამოძახებები“ — პაციენტები, ვისაც ექიმმა განმეორებითი ვიზიტი დაუნიშნა (თავი რეცეპტი, მიმართვა, თანხმობა, ფორმები): ვადა, პაციენტი, ტელეფონი, მიზეზი, ექიმი, სტატუსი; ფილტრი პერიოდით, ვადაგადაცილებული — წითლად. მონიშნეთ და „SMS შეხსენება (N)“, ან ჩაწერეთ კალენდარში — ჩაწერის შემდეგ სტატუსი „ჩაწერილი“; ფილტრი: „მოსალოდნელი“, „ჩაწერილი“, „შესრულებული“, „გაუქმებული“, „ყველა“.

კამპანიები

ჩანართი „კამპანიები“ — მასობრივი SMS (მაგ. „ოქტომბერში ფარისებრი ჯირკვლის ექოსკოპია ფასდაკლებით“): „სახელი (თქვენთვის)“, „ტექსტი“, ფილტრი — ასაკი (დან / მდე), სქესი, დაზღვევა, ექიმი, სერვისი, „დიაგნოზი (დსკ-10 კოდით)“, ბოლო ვიზიტი (მანამდე / მას შემდეგ), „გაგზავნის დღე (ცარიელი — ახლავე)“ — მარჯვნივ ჩანს ადრესატების რაოდენობა → „კამპანიის გაგზავნა“. იგზავნება მხოლოდ მათთან, ვისაც მობილური აქვს და სარეკლამო SMS-ზე უარი არ უთქვამს, ერთ ნომერზე — ერთხელ.

ყურადღება: სანიმუშო კლინიკაში 529 ადრესატია, რადგან რეგისტრაციის ფორმაში სარეკლამო SMS ნაგულისხმევად ჩართულია. კამპანიამდე დარწმუნდით, რომ პაციენტებს ამაზე თანხმობა მართლაც აქვთ მიცემული.

ონლაინ ჩაწერა activi.ge-ზე

კლინიკა იღებს საკუთარ გვერდს https://activi.ge/book/კოდი — პაციენტი იქ ირჩევს ექიმს, სერვისს და თავისუფალ დროს და ტოვებს სახელსა და ტელეფონს; რეგისტრატურა მოთხოვნას პროგრამაში ადასტურებს.

„ონლაინ ჩაწერა“ → „პარამეტრები“:

1. „კლინიკის კოდი (მისამართში)“ — „ლათინური ასოები, ციფრები, ტირე — მაგ. medi-clinic“; ქვემოთ ჩანს გვერდის მისამართი.
2. „დღე წინასწარ“ (მაგ. 14), „მინ. წინასწარ (წთ)“ (მაგ. 60 — ერთ საათზე ადრე ჩაწერა არ შეიძლება), „ფასები — ჩანს“.
3. „ექიმები გვერდზე“ და „სერვისები გვერდზე“ — მონიშნეთ.
4. ჩართეთ „ონლაინ ჩაწერა ჩართულია“ → „შენახვა“.

„რა ჩანს საიტზე“ — წინასწარ ნახვა: ექიმები და მათი თავისუფალი დღეები (დღე · თავისუფალი დროების რაოდენობა). პროგრამა საიტზე აქვეყნებს მხოლოდ თავისუფალ დროს — სამუშაო საათებიდან, უკვე ჩაწერილის გარეშე; „პაციენტების მონაცემები არ ქვეყნდება“. „უსაფრთხოება“: კავშირი HTTPS-ით, კლინიკის საიდუმლო ტოკენით („ტოკენის განახლება“).

მოთხოვნები (ჩანართი „მოთხოვნები“): პროგრამა საიტს ყოველ 2 წუთში ამოწმებს; ახალი მოთხოვნა ჩანს სახელით, ტელეფონით, ექიმით, სერვისით და დროით; თუ ტელეფონით პაციენტი უკვე არის, პროგრამა მას შესთავაზებს.

• „დადასტურება“ — კალენდარში ჩნდება ჩაწერა (გლობუსის ნიშნით, „ონლაინ ჩაწერა“); SMS ჩართულზე პაციენტს მიდის „ჩაწერა დადასტურებულია“.
• „უარი“ — მიზეზით; პაციენტს მიდის „ვერ დაგიდასტურებთ — დაგვიკავშირდით“.

შენიშვნა: ონლაინ ჩაწერა საჭიროებს ინტერნეტს მთავარ კომპიუტერზე და ჩართულ პროგრამას — გამორთული კომპიუტერის დროს საიტზე ბოლოს გამოქვეყნებული დროები ჩანს, მოთხოვნები კი ჩართვისას შემოვა. სანიმუშო კლინიკაში ონლაინ ჩაწერა მომზადებულია, მაგრამ ჩართული არ არის.