სადაზღვევო ინვოისები: მზღვეველის წილის ინვოისი, ამონაწერი, ანაზღაურება და ჩამოწერა

მზღვეველის წილს პაციენტი არ იხდის — კლინიკა მას პერიოდულად (ჩვეულებრივ, თვეში ერთხელ) ინვოისით უგზავნის სადაზღვევო კომპანიას, ის კი გადმორიცხავს. ინვოისები და ამონაწერი MED Clinic-ის ნაწილია (Start-ში ჩანართები დაკეტილია). გვერდი „დაზღვევა“ → ჩანართები „ინვოისები“ და „ამონაწერი“ (ადმინისტრატორი და მენეჯერი).

რა შედის ინვოისში

ინვოისში შედის მზღვეველის წილი იმ ვიზიტებიდან, რომლებიც:

• დასრულებულია („მიმდინარე“ ვიზიტი არ შედის — ჯერ დაასრულეთ);
• ამ მზღვეველითაა და მისი წილი 0-ზე მეტია;
• არჩეულ პერიოდშია და ჯერ არც ერთ ინვოისში არ შესულა.

ინვოისში შესული ვიზიტი იკეტება: მისი სერვისები, ექიმი და დაზღვევა აღარ იცვლება, ვიზიტი აღარ უქმდება და ხელახლა აღარ იხსნება („ვიზიტი უკვე შესულია სადაზღვევო ინვოისში“).

ახალი ინვოისი

1. „ახალი ინვოისი“ (ან მზღვეველის ბარათზე „ინვოისი“).
2. „კომპანია“ და პერიოდი (მაგ. „ეს თვე“ ან თარიღები).
3. ქვემოთ ჩანს ვიზიტები: თარიღი, პაციენტი და პირადი ნომერი, პოლისი, ექიმი, ჯამი, კომპანიის წილი.
4. „ინვოისის შექმნა · 218,00 ₾“.

ინვოისი იღებს ნომერს MED-2026-0006 (წელი და რიგითი ნომერი) და სტატუსს „ღია“. ცარიელ პერიოდზე: „ამ პერიოდში გადასახდელი ვიზიტები არ არის“.

ინვოისის ნახვა და ბეჭდვა

სიაში ინვოისზე დაჭერა ხსნის მას: კლინიკის თავფურცელი, მზღვეველი, ხელშეკრულების ნომერი, პერიოდი და ვიზიტების ცხრილი — თარიღი, პაციენტი, პირადი ნომერი, პოლისი, დიაგნოზის კოდი, სერვისები, ექიმი, ჯამი, კომპანიის წილი. ღილაკები: „ბეჭდვა“, „Excel“, ღია ინვოისზე — „წაშლა“.

წაშლა ღია ინვოისს შლის და მის ვიზიტებს ათავისუფლებს — ისინი შემდეგ ინვოისში ისევ მოხვდება. გადახდილი ინვოისი არ იშლება.

ანაზღაურება

როცა კომპანია გადმორიცხავს:

1. სიაში, ინვოისის სტრიქონზე — „გადახდილია“.
2. „მიღებული თანხა“ — ნაგულისხმევად ინვოისის სრული თანხა; თუ კომპანიამ ნაკლები აანაზღაურა, ჩაწერეთ რეალური თანხა — „ჩამოიწერება 58,00 ₾ (კომპანიამ არ აანაზღაურა)“.
3. მეთოდი: „გადმორიცხვა“ ან „ნაღდი“ → „დადასტურება“.

ინვოისი ხდება „გადახდილი“, თანხა კი ჩეკად ტარდება („დაზღვევის ანაზღაურება — … (ინვოისი …)“) და ბუღალტერიაში შემოსავლად აღირიცხება.

სანიმუშო კლინიკის აგვისტო:

სექტემბრის სამი ინვოისი (MED-2026-0004…0006, სულ 23 127,80 ₾) 1 ოქტომბერს შეიქმნა და ღიაა.

ყურადღება: ჩამოწერილი თანხა (კომპანიამ რომ არ აანაზღაურა) პაციენტზე არ გადადის და ვიზიტების მიხედვით არ ნაწილდება — ის უბრალოდ აღარ ითვლება მისაღებად. კომპანიის უარი კონკრეტულ ვიზიტზე (მაგ. დიაგნოზი პოლისით არ იფარება) პროგრამაში ცალკე არ აღირიცხება; ასეთი ვიზიტი ინვოისამდე მოხსენით ამ მზღვეველიდან ან შეუცვალეთ დაზღვევა.

შენიშვნა: გადმორიცხვით მიღებული თანხა სალაროს დახურვის X/Z-რეპორტში „ბარათის“ სვეტში ჩანს (კლინიკის ანგარიშებში — სწორად, „გადმორიცხვად“). მაგალითად, 22 სექტემბრის Z-ში „ბარათი“ მოიცავს „ფარი“-ს 6 723,80 ₾-ს. Z-რეპორტის შედარებისას ბანკის ამონაწერთან ეს გაითვალისწინეთ.

ამონაწერი

ჩანართი „ამონაწერი“ — ერთი კომპანიის ყველა ვიზიტი პერიოდში (ინვოისში შესული და შეუსვლელი), კომპანიის საკუთარ ჩანაწერებთან შესადარებლად: ვიზიტი, თარიღი, პაციენტი, პოლისი, დიაგნოზი, სერვისები, ექიმი, ჯამი, კომპანიის და პაციენტის წილი, ინვოისის ნომერი. ზემოთ: ვიზიტები და პაციენტები, მომსახურება, კომპანიის წილი („ასანაზღაურებელი ახლა …“), პაციენტის წილი. „ბეჭდვა“ და „Excel“.

მზღვეველის ბარათზე

„კომპანიები“ ჩანართში თითო მზღვეველზე სამი თანხაა: „ინვოისის გარეშე“ (დასრულებული ვიზიტები, ინვოისი ჯერ არ შექმნილა), „გადაუხდელი ინვოისი“ და „მიღებული“. „დებიტორებში“ კომპანიის ვალი = „ინვოისის გარეშე“ + „გადაუხდელი ინვოისი“ (სანიმუშო კლინიკაში 2 ოქტომბერს — 24 056,60 ₾).