ბუღალტერია: როგორ ტარდება გადახდა, ავანსი და განვადება, მასალების ჩამოწერა, ტექნიკოსის ხარჯი, მზღვეველის ანაზღაურება და საკომისიო

Activi Dent-ში ჩაშენებულია ბუღალტერია — ორმაგი ჩანაწერით. ყოველი გადახდა, ავანსი, შენატანი, მზღვეველის ანაზღაურება, გაუქმება, მასალების მიღება და ავტომატური ჩამოწერა, ტექნიკოსის ხარჯი და ნაღდის მოძრაობა თავისით ტარდება. ეს თავი მოკლე მიმოხილვაა; მოდულის სრული აღწერა — Activi ბუღალტერია.

როდის ჩანს

მენიუს ჯგუფი „ბუღალტერია“ ჩანს საცდელ პერიოდში ყოველთვის, ლიცენზიით — თუ მასში შედის მოდული „ბუღალტერია“; თანამშრომელს — თუ აქვს უფლება „ბუღალტერია: ნახვა“ (ადმინისტრატორს და მენეჯერს — ნაგულისხმევად). სტომატოლოგებს, ასისტენტს და რეგისტრატორს ის არ უჩანს.

პირველად გახსნისას — „ორგანიზაციის დაყენება“: სახე, დასახელება და ს/კ, დღგ, ვალუტა, მარაგის მეთოდი, დაწყების თარიღი, ანგარიშთა გეგმა → „დაყენება“.

როგორ ტარდება კლინიკის ფული

სამედიცინო მომსახურება დღგ-სგან თავისუფალია — გატარებაში დღგ არ არის.

ყურადღება: კლინიკის ფული ფულადი მეთოდით ტარდება — შემოსავალი აღირიცხება, როცა ფული შემოვა. სტომატოლოგიაში ეს განსაკუთრებით შესამჩნევია: გეგმის პირველადი შენატანი და განვადება მაშინვე შემოსავალია, თუმცა სამუშაო (იმპლანტი, გვირგვინი) შეიძლება თვეების შემდეგ შესრულდეს. ავტომატურად არ აღირიცხება: - ავანსი ვალდებულებად (2150) — ის 4000-ზე ჯდება; - მზღვეველის წილი დასრულებული ვიზიტებიდან (მოთხოვნა) — მხოლოდ ანაზღაურებისას; - პაციენტის ვალი მოთხოვნად (1200); - ჩამოწერილი თანხა (მზღვეველმა რომ არ აანაზღაურა). თუ კლინიკა დარიცხვის მეთოდით აწარმოებს აღრიცხვას, ბუღალტერმა თვის ბოლოს ეს ხელით გაატაროს („სამეურნეო ოპერაციები“). საწყისი ციფრები — „ანგარიშები“ → „დღის სვოდკა“ (მიღებული ავანსი და ავანსიდან დაფარული), „დაზღვევა“, „დებიტორები“, „ავანსები“.

შენიშვნა: ტექნიკოსის ხარჯი ყოველთვის სალაროდან (1000) ტარდება. ბანკით გადახდილი ტექნიკოსის ანგარიში ბუღალტერიაში გაასწორეთ (თავი ტექნიკური ლაბორატორია). მასალების მიღება მომწოდებლისგან — ჩვეულებრივი შესყიდვაა (1300 / მომწოდებელი).

ყოველი გატარება ჩანს „ჟურნალში“: „გაყიდვა #401 — სტომატოლოგია — მკურნალობის გეგმა, პირველადი შენატანი, პაციენტი #229“, „ჩამოწერა #914 — სხვა (სტომატოლოგია — ვიზიტი #841, კომპოზიტური ბჟენი (ფოტოპოლიმერი) — კბ. 17 (MO))“, „ხარჯი — სტომატოლოგიური ლაბორატორია (DL-2026-0002 …)“.

მენიუს გვერდები

ბუღალტერიის პარამეტრები — „პარამეტრები“ → ჩანართი „ბუღალტერია“.

Activi ბუღალტერია სხვა კომპიუტერზე

თუ ბუღალტერი ცალკე პროგრამით — Activi ბუღალტერია — მუშაობს, მას შეუძლია კლინიკის ბუღალტერია ქსელით წაიკითხოს (მხოლოდ წაკითხვით): კლინიკის ადმინისტრატორი „პარამეტრები“ → „ინტეგრაციები“ → „ბუღალტერიასთან დაკავშირება“ → „კოდის მიღება“ (მოქმედებს 10 წუთი), ბუღალტერი თავის პროგრამაში — „სერვისების ჩაბმა“ → „პროგრამის დაკავშირება“.

ბუღალტერიასთან დაკავშირებული კითხვებით: info@activi.ge ან კონტაქტის გვერდი.