ბეჭდვა: რეკვიზიტები, ჩეკის პრინტერი, მკურნალობის გეგმა და სხვა A4 დოკუმენტები, PDF, ბარათის ტერმინალი, ფისკალური აპარატი

ყველაფერი ამ თავში არის „პარამეტრებში“ (ადმინისტრატორი), გარდა A4 ბეჭდვისა, რომელიც თითოეულ დოკუმენტთანაა.

რეკვიზიტები

„პარამეტრები“ → „მაღაზია“ (კლინიკისთვისაც ასე ჰქვია):

• „მაღაზიის დასახელება“ — კლინიკის სახელი (მაგალითში — სტომატოლოგია „ქარვის ღიმილი“); „მისამართი“, „ტელეფონი“, „საიდენტიფიკაციო კოდი (ს/კ)“ — ჩეკის, ინვოისის, გეგმის და ფორმების თავში;
• „ჩეკის ბოლო ტექსტი“ (მაგ. „გისურვებთ ჯანსაღ ღიმილს!“);
• „გადახდის მეთოდები“, „ავტომატური ჩეკის ბეჭდვა გადახდისას“, „დღე ავტომატურად დაიხუროს 00:00-ზე“;
• „მხარდაჭერის კონტაქტები“ — ჩანს დაბლოკვის ეკრანზე.

იურიდიული დასახელება, ლიცენზიის ნომერი, დირექტორი, ბანკი, IBAN და ბეჭედი — „კლინიკის პარამეტრები“ → „კლინიკა“ (თავი კლინიკის პარამეტრები).

ჩეკის პრინტერი

„პარამეტრები“ → „ინტეგრაციები“ → „ჩეკის პრინტერი“ → „ბეჭდვის რეჟიმი“:

USB და ქსელურში: „ქაღალდის სიგანე“ (58 / 80 მმ), „ჩეკის ავტომატური მოჭრა“, „ბეჭდვისას ფულის უჯრის გახსნა“, „ტესტური ბეჭდვა“ → „შენახვა“.

ჩეკები: გადახდა („სამედიცინო მომსახურება — ვიზიტი #… (პაციენტი)“), ავანსი და განვადების შენატანი („სტომატოლოგია — მკურნალობის გეგმა, პირველადი შენატანი, პაციენტი #…“), ორთოდონტიის თვის შენატანი, მზღვეველის ანაზღაურება, დაბრუნება, X / Z-რეპორტი.

A4 დოკუმენტები და PDF

თითოეული იხსნება გვერდად ღილაკებით:

• „ბეჭდვა“ — Windows-ის ბეჭდვის ფანჯარა (აირჩიეთ A4 პრინტერი; ჩეკის პრინტერი აქ არ გამოდგება);
• „PDF“ — მხოლოდ დაინსტალირებულ პროგრამაში: „PDF შენახულია: …“. ბრაუზერიდან — ბეჭდვის ფანჯარაში „Save as PDF“.

რჩევა: მკურნალობის გეგმა ფერად პრინტერზე ამობეჭდეთ — რუკაზე კარიესი, ბჟენი, გვირგვინი და დაგეგმილი სამუშაო ფერებით განსხვავდება. შავ-თეთრზეც იკითხება, მაგრამ ნაკლებად.

შენიშვნა: ელ-ფოსტით პაციენტისთვის გეგმის ან სხვა დოკუმენტის პირდაპირ გაგზავნა პროგრამიდან 2.38-ში არ არის — შეინახეთ PDF და გაგზავნეთ ჩვეულებრივი ფოსტით.

ბარათის ტერმინალები

ბარათი „გადახდის ტერმინალები“ → „ტერმინალის დამატება“:

• „ტიპი“: „ხელით (ცალკე მდგარი)“ — თანხას რეგისტრატორი ტერმინალზე კრეფს და პროგრამაში ადასტურებს; „ინტეგრირებული“ — თანხა ტერმინალზე თავად მიდის;
• „ბანკი“: საქართველოს ბანკი (BOG), თიბისი (TBC), კრედო, ლიბერთი, სხვა ან „სიმულატორი (ტესტი)“; „დასახელება“, „აქტიური“.

ინტეგრირებულისთვის: „აპარატის მოდელი“, „კავშირი“ (IP, COM ან DualConnector), „კავშირის შემოწმება“, „ტესტი 1 ₾“.

მეთოდი „ბარათი“ ჩართულ ტერმინალზე მიდის — ვიზიტის გადახდაზეც, განვადებისა და ორთოდონტიის შენატანზეც; „გადმორიცხვა“ ტერმინალს არ იყენებს.

ფისკალური აპარატი

ბარათი „ფისკალური აპარატი“: „აპარატი“ (Daisy Expert, Daisy Expert SX, სხვა), „კავშირი“ (COM ან IP), „ოპერატორი“ და პაროლი, „კავშირის შემოწმება“, „ფისკალური ბეჭდვა ჩართულია“ → „შენახვა“. ჩართვის შემდეგ პაციენტის გადახდის, ავანსისა და განვადების ჩეკი ფისკალურ აპარატზეც იბეჭდება.

ყურადღება: ფისკალური აპარატის პირველი ჩართვა გააკეთეთ Activi-ის მხარდაჭერასთან ერთად და შეამოწმეთ სატესტო ჩეკზე. სამედიცინო მომსახურება დღგ-სგან თავისუფალია — შეამოწმეთ, რომელი დღგ-ს ჯგუფით ბეჭდავს მას თქვენი აპარატი.

RS.ge

ბარათი „RS.ge — ზედნადებები და ანგარიშ-ფაქტურები“: „სერვის-იუზერი (su)“, „სერვისის პაროლი (sp)“, „შენახვა“, „კავშირის შემოწმება“. სტომატოლოგიაში ის გამოიყენება პაციენტის სახელის მოსაძებნად პირადი ნომრით (ღილაკი „RS“ რეგისტრაციისას) და მასალების მიღების ზედნადებებისთვის.