პროგრამის ფანჯარა: მენიუ, გვერდი „დღეს“, რას ხედავს რეგისტრატორი, სტომატოლოგი და ასისტენტი

ამ თავში აღწერილია მთავარი ფანჯარა: სად რა არის, რას ხედავს თითოეული როლი და როგორ მოვარგოთ ფანჯარა სამუშაოს.

გვერდითა მენიუ

მენიუ ჯგუფებადაა დაყოფილი. რომელ პუნქტს ხედავს თანამშრომელი, დამოკიდებულია მის როლზე და ადმინისტრატორის მიერ მიცემულ წვდომაზე (თავი თანამშრომლები და როლები):

მენიუს ბოლოში ჩანს კლინიკის სახელი, ბაზის სტატუსი („აქტიური · ლოკალური ბაზა“ ან „ქსელის ბაზა · …“) და ვერსია „Activi Dent v2.38.0 · შემოწმება“ — დაჭერით პროგრამა ახალ ვერსიას ამოწმებს (თავი განახლებები).

სტომატოლოგისა და ასისტენტის ხედი

• სტომატოლოგი ხედავს: „დღეს“, „პაციენტები“, „სტომატოლოგიური ბარათი“, „მკურნალობის გეგმები“, „ვიზიტები“, „კალენდარი“, „ორთოდონტია“, „იმპლანტები“, „ტექნიკური ლაბორატორია“ და „ჩემი პროფილი“. „დღეს“ გვერდზე სათაურია „გამარჯობა, ეკა“, ჩანს მხოლოდ მისი ჩაწერები და ვიზიტები (და „ჩემი ვიზიტები დღეს“), დღის შემოსავალი და დებიტორები კი არა. კალენდარში — მხოლოდ მისი სვეტი; სტომატოლოგიურ ბარათში ველი „ექიმი“ თავისით მისია.
• ასისტენტი ხედავს იმავე გვერდებს, მაგრამ ყველა ექიმის კალენდარს; შეუძლია ჩაწერა, რეგისტრაცია, რუკაზე ჩაწერა და პროცედურის დამატება ექიმის ვიზიტში. ფულს არ ეხება.

მენიუს ჩაკეცვა

ლოგოს გვერდით ღილაკი მენიუს სამ მდგომარეობას შორის ცვლის: სრული (ხატულები და წარწერები), ხატულები (ვიწრო ზოლი — რუკას და გეგმას მეტი ადგილი რჩება) და დამალული (ზედა ზოლში ჩნდება ☰ „მენიუ“). არჩეული მდგომარეობა ამ კომპიუტერზე ინახება.

რჩევა: მკურნალობის გეგმის ფორმა ფართოა: 1440 პიქსელის სიგანის ეკრანზე და სრულ მენიუსთან ერთად ცხრილის ბოლო სვეტი („ჯამი“) შეიძლება ნაწილობრივ დაიმალოს. ჩაკეცეთ მენიუ „ხატულებზე“ ან გამოიყენეთ უფრო ფართო ეკრანი.

ზედა ზოლი

მარცხნიდან მარჯვნივ:

• გვერდის სათაური — სად იმყოფებით;
• საათი და თარიღი — პროგრამის დრო (ზუსტი დროის სერვერით შემოწმებული, იხ. ქვემოთ);
• დახმარება (სამაშველო რგოლის ხატულა) — შეტყობინება მხარდაჭერისთვის (თავი დახმარება);
• თემის შეცვლა (მთვარე / მზე) — მუქი და ღია თემა;
• თქვენი სახელი და როლი — დაჭერით იხსნება „ჩემი პროფილი“;
• გასვლა — სისტემიდან გამოსვლა.

ზოლის ქვემოთ საჭიროებისას ჩნდება შეტყობინებები: საცდელი პერიოდის ან ლიცენზიის ვადის შესახებ („საცდელი პერიოდი — დარჩა 24 დღე“) და ახალი ვერსიის შესახებ.

გვერდი „დღეს“

რეგისტრატურის მთავარი გვერდი (სათაური „დღეს კლინიკაში“). ზემოთ — „ახალი პაციენტი“, „ჩაწერა“ და „ახალი ვიზიტი“, ქვემოთ — ძებნა „პაციენტის ძებნა — პირადი ნომერი, სახელი, გვარი ან ტელეფონი“. Activi Dent-ში ნაპოვნ პაციენტზე დაჭერა ხსნის მის სტომატოლოგიურ ბარათს.

სტომატოლოგიური საქმეები — ექვსი ღილაკი (დაჭერით შესაბამის გვერდზე გადადის):

შენიშვნა: ღილაკი „განვადება — გადასახდელი“ გადადის „მკურნალობის გეგმებზე“, მაგრამ ამ გვერდზე განვადების ცალკე სია არ არის — ვადაგადაცილებული შენატანი ჩანს თითოეული გეგმის „გადახდის გრაფიკში“ (წითლად) და ორთოდონტიის გვერდზე („ვადაგადაცილებული“). 2.38-ში ყველა გადასახდელი შენატანის ერთიანი სია პროგრამაში არ ჩანს.

ქვემოთ ოთხი ბარათი:

ქვემოთ — „დღის განრიგი“ (ყველა დღევანდელი ჩაწერა; ჩაწერილზე — „მოვიდა“, ვიზიტიანზე — „ვიზიტი“), „ახლა მიმდინარე“ (ღია ვიზიტები და პაციენტის წილი), „დებიტორები“ და ნაღდი / ბარათი / გადმორიცხვა / ახალი პაციენტები. გვერდი თავისით ახლდება ყოველ წუთში.

შენიშვნა: „დღის განრიგში“ ჩაწერა, რომელსაც სერვისი არ აქვს (სამკურნალო ვიზიტი გეგმით), სერვისის ადგილას აჩვენებს სიტყვას „კონსულტაცია“ — ეს მხოლოდ წარწერაა, ვიზიტს კონსულტაცია არ ემატება. სტატუსი „ვიზიტზეა“ კი 2.38-ში ტექნიკური სიტყვით ჩანს — in_visit.

მუქი თემა, სრული ეკრანი, მალსახმობები

• მუქი თემა — ზედა ზოლის მთვარის ღილაკი; იგივე „პარამეტრები“ → „მონაცემები“ → „თემა“. კბილების რუკა მუქ თემაშიც იკითხება.
• სრული ეკრანი — F11 ჩართვა / გამორთვა; რომ პროგრამა სრულ ეკრანზე საერთოდ არ გაიხსნას — „პარამეტრები“ → „სალაროს ვიზუალი“ → „ეკრანი“ → „სრულ ეკრანზე გაშვება“.
• Esc — ფანჯრის დახურვა; Enter — შესვლა, გადახდის დადასტურება.
• კბილების რუკაზე: Ctrl ან Shift + დაჭერა — რამდენიმე კბილის მონიშვნა.

შენიშვნა: პროგრამის ენა ქართულია; ენის ან შრიფტის ზომის ცალკე პარამეტრი არ არის.

პროგრამის დრო

ვიზიტის, გადახდის, რუკის ჩანაწერისა და აუდიტის დრო პროგრამის საათით ითვლება, რომელიც ზუსტი დროის სერვერით მოწმდება (ნაგულისხმევად time.google.com, ყოველ 30 წუთში) — ასე ჩანაწერი სწორ დროს ატარებს მაშინაც, როცა კომპიუტერის საათი ჩამორჩება. მდგომარეობა ჩანს „პარამეტრები“ → „მონაცემები“ → ბარათში „დრო“.