პაციენტები და ელექტრონული ბარათი: რეგისტრაცია, ძებნა, ბავშვი და მშობელი, ბარათის ჩანართები

რეესტრი

გვერდი „პაციენტები“ — „რეესტრი — ძებნა პირადი ნომრით, სახელით, გვარით ან ტელეფონით“. ზემოთ სამი ციფრი: პაციენტების რაოდენობა (სანიმუშო კლინიკაში — 431), „დავალიანებით“ და „ავანსით“. ფილტრი: „ყველა“, „დავალიანებით“, „ავანსით“. სვეტები: პაციენტი (ასაკი, ალერგია), პირადი ნომერი, ტელეფონი, დაზღვევა, ვიზიტები, ბოლო ვიზიტი, დავალიანება, ავანსი.

• ძებნა მუშაობს პირველივე ასოდან ან ციფრიდან; სახელი და გვარი ნებისმიერი თანმიმდევრობით; ტელეფონი +995-ით ან მის გარეშე.
• „Excel“ — ეკრანზე გაფილტრული სიის ჩამოტვირთვა.
• სტრიქონზე დაჭერა ხსნის ელექტრონულ ბარათს; სტომატოლოგიური სამუშაოსთვის იქიდან — „სტომატოლოგიური ბარათი“ (თავი სტომატოლოგიური ბარათი).

შენიშვნა: ავანსიანი პაციენტები სტომატოლოგიაში ბევრია — ესენი ძირითადად ისინი არიან, ვინც გეგმის პირველადი შენატანი გადაიხადა და მკურნალობა ჯერ არ დასრულებულა (თავი სალარო).

რეგისტრაცია

1. „ახალი პაციენტი“ (გვერდზე „პაციენტები“ ან „დღეს“; ასევე ვიზიტისა და ჩაწერის ფორმიდან — „+ ახალი პაციენტის რეგისტრაცია“).
2. „პირადი ნომერი ∗“ — 11 ციფრი. ღილაკი „RS“ RS.ge-დან სახელსა და გვარს მოიტანს (საჭიროა ინტერნეტი და RS.ge-ს სერვის-მომხმარებელი პარამეტრებში); თუ ამ ნომრით პაციენტი უკვე არის, პროგრამა მის ბარათს გახსნის.
3. „სახელი ∗“, „გვარი ∗“. აკრეფისას ქვემოთ ჩნდება „უკვე რეგისტრირებულია — დააჭირეთ გასახსნელად“: ერთი და იგივე ადამიანი ორჯერ რომ არ დარეგისტრირდეს.
4. „დაბადების თარიღი“ (ასაკი იქვე ჩანს — 12 წლამდე ბავშვს კბილების რუკა სარძევე კბილებით გაეხსნება), „სქესი“, „ტელეფონი“, „ქალაქი“, „მისამართი“, „ელ. ფოსტა“.
5. „დაზღვევა“ და „პოლისის ნომერი“ (თავი დაზღვევა და თანაგადახდა).
6. „სამუშაო / სასწავლო ადგილი“, „საკონტაქტო პირი“, „კავშირი“ (დედა, მამა, მეუღლე…), „საკონტაქტო პირის ტელეფონი“.
7. „SMS შეხსენება ვიზიტამდე“ და „სიახლეები და შეთავაზებები (SMS)“ — პაციენტის თანხმობის მიხედვით.
8. სამედიცინო ბლოკი: „სისხლის ჯგუფი“, „ალერგიები“, „ქრონიკული დაავადებები“, „შენიშვნა (განსაკუთრებული მითითებები)“.
9. „რეგისტრაცია“ — „პაციენტი დარეგისტრირდა“ და იხსნება მისი ბარათი.

ყურადღება: სტომატოლოგიაში ალერგიის ველი განსაკუთრებით მნიშვნელოვანია — ადგილობრივი ანესთეტიკი (ლიდოკაინი, არტიკაინი), ლატექსი, ანტიბიოტიკი. ალერგია წითლად ჩანს სტომატოლოგიური ბარათის თავში და ვიზიტის ფორმაში. ქრონიკულში ჩაწერეთ ის, რაც ქირურგიისთვის მნიშვნელოვანია (ანტიკოაგულანტი, დიაბეტი, ბისფოსფონატები).

ყურადღება: ორივე SMS გადამრთველი ახალ ფორმაში ჩართულია. სარეკლამო SMS-ზე („სიახლეები და შეთავაზებები“) ჯერ ჰკითხეთ პაციენტს და, თუ თანახმა არ არის, გამორთეთ.

უცხოელი: ჩართეთ „უცხო ქვეყნის მოქალაქე (პასპორტით)“ — პირადი ნომრის ნაცვლად იწერება პასპორტის ან სხვა დოკუმენტის ნომერი.

ბავშვი: ბავშვს ხშირად ტელეფონი არ აქვს — ჩაწერეთ მშობელი „საკონტაქტო პირად“ და მისი ტელეფონი. მკურნალობის გეგმაზე ხელს მშობელი აწერს (თანხმობის ფანჯარაში შეცვალეთ „ხელმომწერი“). მშობლისა და ბავშვის ბარათების ერთმანეთთან მიბმა (ოჯახი, საერთო ანგარიში) 2.38-ში არ არის.

შეცდომები: „პირადი ნომერი უნდა შედგებოდეს 11 ციფრისგან“, „ამ პირადი ნომრით პაციენტი უკვე რეგისტრირებულია“, „დაბადების თარიღი არასწორია“.

ელექტრონული ბარათი

ბარათი იხსნება პაციენტზე დაჭერით (რეესტრი, ვიზიტი, კალენდარი, დებიტორები) ან სტომატოლოგიური ბარათიდან — „ელ. ბარათი“. სათაურში — სახელი, „ელექტრონული ბარათი № … · რეგისტრაცია …“.

მარცხენა სვეტი: პირადი ნომერი, ასაკი, სქესი; ალერგია წითელ ჩარჩოში (ან „ალერგია არ აღინიშნება“); ქრონიკული, სისხლის ჯგუფი, დაბადება, კონტაქტი, საკონტაქტო პირი; დაზღვევა და დამატებითი პოლისები; მომავალი — უახლოესი ჩაწერები და გამოძახება.

ღილაკები: „სტომატოლოგიური ბარათი“ (Dent-ში მთავარი), „ახალი ვიზიტი“, „ჩაწერა“, „გადახდა“ (როცა ვალი აქვს), „ავანსი“, „ინვოისი“, „რედაქტირება“.

ოთხი ციფრი (ვინც ფულს იღებს, მას უჩანს): „გადასახდელი“, „გადახდილი“, „დავალიანება“, „ავანსი“.

ჩანართები

რედაქტირება და წაშლა

• „რედაქტირება“ — იგივე ფორმა. რეგისტრატორი და ადმინისტრატორი ცვლის ყველაფერს; სტომატოლოგი ხედავს ღილაკს „სამედიცინო მონაცემები“ და ცვლის მხოლოდ სისხლის ჯგუფს, ალერგიას, ქრონიკულ დაავადებებს და შენიშვნას. ყოველი ცვლილება აუდიტში იწერება.
• „წაშლა“ — ადმინისტრატორი ან მენეჯერი, უფლებით „ჩანაწერების წაშლა“. „ვიზიტების ან გადახდების მქონე პაციენტი არ იშლება“.

შენიშვნა: ორი ბარათის გაერთიანება (თუ ერთი ადამიანი ორჯერ დარეგისტრირდა) 2.38-ში არ არის — კბილების რუკა და გეგმა ორ ბარათზე გაიყოფა. რეგისტრაციისას ყოველთვის მიაქციეთ ყურადღება სიას „უკვე რეგისტრირებულია“.