სტომატოლოგიური ბარათი: პაციენტის ძებნა, ბარათის თავი, ექიმის არჩევა და ჩანართები

სტომატოლოგიური ბარათი სტომატოლოგის მთავარი ეკრანია: ერთ ადგილას — პაციენტის კბილების რუკა, მკურნალობის გეგმა, დღევანდელი ვიზიტი და სპეციალიზებული ნაწილები. მენიუში — „მთავარი“ → „სტომატოლოგიური ბარათი“.

პაციენტის პოვნა

გვერდი „სტომატოლოგიური ბარათი“ — „კბილების რუკა, მკურნალობის გეგმა, ვიზიტი და სპეციალიზებული მოდულები — ერთ ეკრანზე“:

• ძებნის ველი „პაციენტის ძებნა — სახელი, გვარი, პირადი ნომერი ან ტელეფონი…“ — ნაპოვნზე დაჭერა ბარათს ხსნის;
• „დღის ჩანაწერები“ — დღევანდელი ჩაწერები დროით, სერვისით, ექიმით და სტატუსით (ექიმი ხედავს მხოლოდ თავისას); დაჭერა პაციენტის ბარათს ხსნის;
• „ბოლოს გახსნილი“ — ამ კომპიუტერზე ბოლოს გახსნილი 8 ბარათი.

ბარათი სხვა გზითაც იხსნება:

• „დღეს“ გვერდის ძებნიდან — Activi Dent-ში ნაპოვნ პაციენტზე დაჭერა სწორედ სტომატოლოგიურ ბარათს ხსნის;
• ელ. ბარათიდან — ღილაკი „სტომატოლოგიური ბარათი“ ან ჩანართი „კბილები“ → „სტომატოლოგიური ბარათის გახსნა“;
• „მკურნალობის გეგმები“, „ორთოდონტია“, „იმპლანტები“ სიებიდან — სტრიქონზე დაჭერა ბარათს შესაბამის ჩანართზე ხსნის.

ბარათის ზემოთ — „← პაციენტები“ (უკან, ძებნაზე) და ველი „სხვა პაციენტი — სახელი, პირადი № ან ტელეფონი…“.

ბარათის თავი

ექიმის არჩევა: ექიმის ანგარიშით შესულს ველი თავისით მისია და არ იცვლება. ასისტენტი, რეგისტრატორი, მენეჯერი ირჩევს ექიმს სიიდან — არჩევანი ამ კომპიუტერზე ინახება (კრესლოსთან მდგარ კომპიუტერზე ერთხელ ირჩევთ).

„გადახდა / ავანსი“ ხსნის გადახდის ფანჯარას: თუ პაციენტს ვალი აქვს — ვალის გადახდა, თუ არა — ავანსის მიღება (თავი სალარო).

ჩანართები

ჩანართზე რიცხვი — რამდენი ჩანაწერია (მაგ. „მკურნალობის გეგმა 2“, „რენტგენი და ფოტო 3“). დაკეტილ ჩანართზე ჩანს ნიშანი „Dent Clinic“ (თავი პაკეტები).

დღევანდელი ვიზიტი

ჩანართი „დღევანდელი ვიზიტი“ პოულობს პაციენტის დღევანდელ ღია ვიზიტს. თუ ასეთი არ არის — „დღეს ვიზიტი ჯერ არ არის“ („ვიზიტი იხსნება კალენდრიდან („მოვიდა“) ან აქედან. პროცედურები ავტომატურად ხვდება ანგარიშში.“) და ღილაკი „ვიზიტის დაწყება“ — ახალი ვიზიტი არჩეული ექიმით.

ღია ვიზიტზე ჩანს მისი სტომატოლოგიური ნაწილი (პროცედურები, ანესთეზია, დიაგნოზები — თავი ვიზიტი) და ღილაკი „ვიზიტის ფორმა / გადახდა“ — MED-ის სრული ვიზიტის ფორმა: ჩივილი, ანამნეზი, დაზღვევა, ჯამები, გადახდა და დასრულება.

ელ. ბარათის ჩანართი „კბილები“

Activi Dent-ში პაციენტის ელექტრონულ ბარათს (MED-ის) პირველ ჩანართად ემატება „კბილები“: პატარა რუკა ლეგენდით და ღილაკი „სტომატოლოგიური ბარათის გახსნა“. დანარჩენი ჩანართები — ისტორია, ვიზიტები, ფაილები, დოკუმენტები, სერვისები, გადახდები, ავანსები, აუდიტი — MED-ისაა (თავი პაციენტები და ელ. ბარათი).

შენიშვნა: რუკაზე სარძევე კბილები ავტომატურად ჩანს 12 წლამდე პაციენტზე (დაბადების თარიღით), უფროსზე — მუდმივი. ბარათში რუკის ზემოთ გადამრთველით ხელით შეიცვლება („მუდმივი“ / „სარძევე“), მაგრამ ელ. ბარათის ჩანართში, გეგმის ფორმაში, ვიზიტის რუკაზე და ამობეჭდილ გეგმაზე რეჟიმი ყოველთვის ასაკით ირჩევა.