ვიზიტი — პაციენტის ერთი მოსვლა ექიმთან: ვინ, როდის, რა გაკეთდა, რა დიაგნოზით და რა ეღირება. Activi Dent-ში ვიზიტი MED-ისაა (ფორმა №025, დაზღვევა, გადახდა, დასრულება), ზედ კი ემატება სტომატოლოგიური ნაწილი — პროცედურები კბილების მიხედვით.

ვიზიტის გახსნა

გზა	როდის
„მოვიდა“ კალენდარში ან „დღეს“ გვერდზე	ჩაწერით მოსული პაციენტი — ჩვეულებრივი გზა; ვიზიტი იხსნება ჩაწერის ექიმით და სერვისით
სტომატოლოგიური ბარათი → „დღევანდელი ვიზიტი“ → „ვიზიტის დაწყება“	ჩაწერის გარეშე, არჩეული ექიმით
რუკა → „შესრულდა დღეს“ ან გეგმა → „შესრულდა“	ვიზიტი თავისით იქმნება, თუ დღეს ამ ექიმთან ღია ვიზიტი არ არის
„ახალი ვიზიტი“ („დღეს“, „ვიზიტები“, ელ. ბარათი)	MED-ის ვიზიტის ფორმა

ერთ დღეს ერთ ექიმთან ერთი ღია ვიზიტი იხმარება — ყველა პროცედურა მასში ჯდება.

ყურადღება: ჩაწერის სერვისი „მოვიდა“-ზე ვიზიტის ანგარიშში კბილის გარეშე სტრიქონად ჯდება. ეს კარგია კონსულტაციისთვის („სტომატოლოგის კონსულტაცია“, „კონსულტაცია მკურნალობის გეგმით“), მაგრამ თუ ჩაწერისას აირჩევთ, მაგალითად, „კომპოზიტურ ბჟენს“, ვიზიტში ჩნდება სტრიქონი „კომპოზიტური ბჟენი“ 80 ₾ კბილის გარეშე — რუკაზე არაფერი იწერება, მასალა არ ჩამოიწერება, და როცა ექიმი იმავე ბჟენს კბილზე დაამატებს, ანგარიშში ორი სტრიქონი იქნება. სამკურნალო ჩაწერაზე სერვისი დატოვეთ ცარიელი (შენიშვნაში ჩაწერეთ, რა იგეგმება), ან ზედმეტი სტრიქონი ვიზიტის ფორმაში მოხსენით.

სტომატოლოგიური მანიპულაციები

ბლოკი „სტომატოლოგიური მანიპულაციები“ — სტომატოლოგიური ბარათის ჩანართში „დღევანდელი ვიზიტი“ ან MED-ის ვიზიტის ფორმაში (ქვემოთ). სათაურში — „3 პროცედურა · 414,00 ₾“.

ვიზიტის სტომატოლოგიური ნაწილი: სწრაფი ღილაკები, რუკა, „ჩატარდა“, „გეგმიდან“, ანესთეზია და დიაგნოზი კბილებით

პროცედურის დამატება

რუკაზე მონიშნეთ კბილი (ზედაპირი — დისკზე; რამდენიმე კბილი — Ctrl / Shift). ქვემოთ წერია „კბ. 37 · OD“.
დააჭირეთ:

სწრაფ ღილაკს ზემოთ (მაგ. „+ ადგილობრივი ანესთეზია“, „+ კომპოზიტური ბჟენი“, „+ ენდოდონტიური მკურნალობა“, „+ კბილის ექსტრაქცია — მარტივი“, „+ პროფესიული ჰიგიენა“) — სწრაფი ღილაკები „სტომატოლოგიის პარამეტრებში“ ირჩევა;
ან სერვისს სიიდან (ძებნა „პროცედურა — კოდი ან დასახელება“) → +.

პროცედურა ჩნდება მარჯვნივ, სიაში „ჩატარდა“: კბილი, სახელი, ზედაპირები, რა დარჩა რუკაზე (ფერადი ნიშანი), ფასი.

რას აკეთებს პროგრამა ერთი დაჭერით: ანგარიშის სტრიქონი („… — კბ. 37 (OD)“, ფასი ზედაპირებით / არხებით), რუკაზე „შესრულებული“ ჩანაწერი, მასალების ჩამოწერა, შეხსენება (თუ სერვისს „შემოწმება“ აქვს), ავანსიდან დაფარვა (თუ პაციენტს ავანსი აქვს).

შეცდომები: „მონიშნეთ კბილი“ (კბილით ან ზედაპირით დათვლილ სერვისზე); „ვიზიტი დასრულებულია — პროცედურა ემატება მხოლოდ მიმდინარე ვიზიტს“; „ვიზიტი უკვე შესულია სადაზღვევო ინვოისში“; „… მარაგში არ იყო საკმარისი (ნაშთი)“ — პროცედურა მაინც ემატება.

გეგმიდან

სიაში „გეგმიდან“ — პაციენტის შეთავაზებული, დათანხმებული და მიმდინარე გეგმების დაგეგმილი პუნქტები (კბილი, პროცედურა, გეგმის სახელი, ფასი ფასდაკლებით; პირველი 12). ✓ — „შესრულება ამ ვიზიტზე“: პუნქტი ხდება ამ ვიზიტის სტრიქონი გეგმის ფასით, გეგმაში კი — „შესრულებული“ (თავი მკურნალობის გეგმა).

ანესთეზია

„ანესთეზია“: სახე — „გარეშე“, „ინფილტრაციული“, „გამტარებლობითი“, „ინტრალიგამენტური“, „აპლიკაციური“; „პრეპარატი“ (მაგ. „არტიკაინი 4% 1:100 000“); „კარპ.“ — კარპულების რაოდენობა (0–20).

შენიშვნა: ანესთეზიის ჩანაწერი სამედიცინოა და ფულს არ ეხება. თუ კლინიკა ანესთეზიას ცალკე ახდევინებს, დაამატეთ სერვისი „ადგილობრივი ანესთეზია“ (T-01, 15 ₾) — სწრაფი ღილაკით. ამ სერვისზე მიბმული კარპულა მარაგიდანაც ჩამოიწერება.

დიაგნოზი კბილების მიხედვით (დსკ-10)

„+ დამატება“ — ახალი სტრიქონი (კბილი თავისით ივსება მონიშნულით): „კბ.“, კოდი (აკრეფისას ჩნდება სია — სტომატოლოგიური კოდები K00–K14 თავში, მაგ. K04.0 პულპიტი), „დიაგნოზი“ (ტექსტი ივსება კოდით; შეგიძლიათ დააზუსტოთ). ერთ ვიზიტზე — 40-მდე დიაგნოზი, თითო კბილზე.

ვიზიტის „საერთო“ დიაგნოზი (MED-ის ველი, რომელიც ფორმა 025-ზე, ანგარიშებსა და ვიზიტების სიაში ჩანს) თავისით ივსება პირველი კოდიანი სტრიქონით — „პულპიტი (კბ. 36)“, თუ ექიმს ის ცალკე არ ჩაუწერია.

„სტომატოლოგიური შენიშვნა“ — სამუშაო სიგრძეები, მასალა, რეკომენდაცია. ბოლოს — „შენახვა“ (აქტიურია, როცა რამე შეიცვალა): „სტომატოლოგიური ჩანაწერი შენახულია“.

ანესთეზიას, დიაგნოზს და შენიშვნას ავსებს ვიზიტის ექიმი, ასისტენტი, ადმინისტრატორი ან მენეჯერი; რეგისტრატორს ისინი დაკეტილი აქვს.

6 თვეში შემოწმება

ღილაკი „6 თვეში შემოწმება“ (Dent Clinic; რიცხვი — „სტომატოლოგიის პარამეტრებიდან“) ქმნის გამოძახებას — „შეხსენება: 2027-04-02“. გამოძახებები ჩანს „SMS / შეხსენებები“ → „გამოძახებები“ და პაციენტის ბარათში (თავი SMS და ონლაინ ჩაწერა).

ჰიგიენის შემდეგ გამოძახება თავისით იქმნება (თუ ჩართულია „ჰიგიენის შემდეგ შეხსენება ავტომატურად“), მაგრამ მხოლოდ მაშინ, როცა პაციენტს უკვე ღია გამოძახება არ აქვს.

პროცედურის გაუქმება

სიაში „ჩატარდა“ — ნაგვის ურნა: „„…“ ამოიშლება ვიზიტიდან და რუკიდან.“ → „ამოშლა“. სტრიქონი ანგარიშიდან ქრება, რუკის ჩანაწერი — წაშლილად აღინიშნება, გეგმის პუნქტი ისევ „დაგეგმილი“ ხდება. მასალა მარაგში არ ბრუნდება.

მხოლოდ ღია ვიზიტში: „დასრულებული ვიზიტის პროცედურა არ უქმდება — ჯერ გახსენით ვიზიტი ხელახლა“ (ადმინისტრატორი ან მენეჯერი — „ხელახლა გახსნა“). თუ პროცედურა უკვე გადახდილია და ჯამი გადახდილზე ნაკლები ხდება, ჯერ გადახდა უნდა დაბრუნდეს.

ვიზიტის ფორმა

ღილაკი „ვიზიტის ფორმა / გადახდა“ (ბარათის ჩანართში) ან ვიზიტზე დაჭერა კალენდრიდან, „დღეს“ ან „ვიზიტების“ გვერდიდან ხსნის MED-ის ვიზიტის ფორმას: მარცხნივ — პაციენტი, ალერგია, ექიმი, თარიღი, დაზღვევა, სამედიცინო ჩანაწერი (ჩივილები, ანამნეზი, ობიექტური, დიაგნოზი, დანიშნულება); მარჯვნივ — „მომსახურება“: ყველა სტრიქონი (სტომატოლოგიურიც) დაზღვევისა და პაციენტის წილით და ჯამები. ქვემოთ — სტომატოლოგიური ნაწილი.

ახალ (ჯერ შეუნახავ) ვიზიტში სტომატოლოგიური ნაწილის ნაცვლად წერია: „შეინახეთ ვიზიტი — შემდეგ აქ დაემატება პროცედურები კბილების მიხედვით.“

ღილაკი	რას აკეთებს
შენახვა	ინახავს ჩანაწერს და სერვისებს
დასრულება	ვიზიტი „დასრულებულია“: სტრიქონები აღარ იცვლება, ჩაწერა „დასრულდა“, ვიზიტი შედის საკომისიოში და სადაზღვევო ინვოისში. საჭიროა მინიმუმ ერთი სტრიქონი
გადახდა · …	რეგისტრატორისთვის — პაციენტის წილის მიღება (თავი სალარო)
A4	ვიზიტის ფურცელი
ხელახლა გახსნა	დასრულებულზე (ადმინისტრატორი, მენეჯერი), თუ ინვოისში ჯერ არ შესულა
გაუქმება	უფლებით „შეკვეთის / ჯავშნის გაუქმება“; გადახდის მქონე ვიზიტი არ უქმდება

ვიზიტის ფორმის „მომსახურებაში“ სტომატოლოგიური სტრიქონის ✕-ით მოხსნაც შეიძლება, მაგრამ ასე რუკის ჩანაწერი და გეგმის პუნქტი ადგილზე რჩება — სტომატოლოგიური პროცედურა ყოველთვის სტომატოლოგიური ნაწილიდან გააუქმეთ (ნაგვის ურნა სიაში „ჩატარდა“).

ვიზიტების სია

გვერდი „ვიზიტები“ — MED-ის: პერიოდი, ექიმი, სტატუსი („მიმდინარე“, „დასრულებული“, „გაუქმებული“), ძებნა პაციენტით, პირადი ნომრით, დიაგნოზის კოდით ან #ნომრით; ზემოთ — მომსახურება, დაზღვევის წილი, პაციენტის წილი, გადახდილი, დავალიანება; „Excel“ (Dent Clinic).

შენიშვნა: ვიზიტის სტომატოლოგიური ჩანაწერი — პროცედურები, ანესთეზია, დიაგნოზები კბილებით — ვიზიტის A4 ფურცელზე არ იბეჭდება: ფურცელზე ჩანს MED-ის ველები (ჩივილები, დიაგნოზი…) და სერვისები, რომელთა სახელშიც კბილის ნომერი და ზედაპირი წერია. სრული სტომატოლოგიური სურათისთვის ამობეჭდეთ მკურნალობის გეგმა.

ვერ იპოვეთ პასუხი? დააჭირეთ პროგრამაში დახმარების ღილაკს, მოგვწერეთ ან დაგვირეკეთ: 599127000.