ბექაპი: ავტომატური ასლები, სარეზერვო ფაილი, რენტგენები და ფოტოები, აღდგენა და კომპიუტერის შეცვლა

ყველაფერი ამ თავში არის „პარამეტრები“ → „მონაცემები“ (ადმინისტრატორი; ქსელში — მთავარ კომპიუტერზე, სადაც ბაზაა).

რა სად ინახება

ბაზის საქაღალდე %APPDATA%\CloudPos\data-clouddent:

ავტომატური ბექაფი

პროგრამა ყოველდღე (და ჩართვისას) ქმნის ბაზის სრულ ასლს იმავე კომპიუტერზე — backups-ში. ინახება ბოლო 14 დღიური ასლი.

ბარათი „ავტომატური ბექაფი“: „ბოლო ბექაფი“, „შენახული ასლები“, „ბექაფის შექმნა ახლა“ (მაგ. ფასების დიდი ცვლილების ან იმპორტის წინ), ასლების სია და ღილაკი „აღდგენა“.

აღდგენა ავტომატური ასლიდან

1. დარწმუნდით, რომ სხვა კომპიუტერებზე ამ დროს არავინ მუშაობს.
2. სასურველ ასლთან — „აღდგენა“ → დაადასტურეთ („მიმდინარე ბაზის ასლი ჯერ შეინახება…“).
3. „ბაზა აღდგა ასლიდან … — შედით ხელახლა“.

ყურადღება: ასლის შემდეგ გაკეთებული ჩაწერები, რუკის ჩანაწერები, გეგმები, ვიზიტები და გადახდები აღდგენისას ქრება (აღდგენამდე მდგომარეობა „აღდგენამდე“ ასლად რჩება). აღდგენამდე ჩაიწერეთ ბოლო საათების მონაცემები ან დაგვიკავშირდით.

სარეზერვო ფაილი

ბარათი „მონაცემები“:

• „სარეზერვო ასლი“ → „ჩამოტვირთვა“ — cloudpos-backup_თარიღი.json: ყველა ცხრილი. ფაილში არ შედის ლიცენზია, RS.ge-ს სერვის-იუზერი, ტერმინალების პარამეტრები და ფაილები (med-docs).
• „აღდგენა“ → „ფაილის ატვირთვა“ — ყველა მიმდინარე მონაცემი ფაილით ჩანაცვლდება (მიმდინარე ბაზის ასლი ჯერ ინახება).

ყურადღება: სარეზერვო ფაილი დაუშიფრავია და შეიცავს ყველა პაციენტის მონაცემს. შეინახეთ ის დაშიფრულ დისკზე ან სეიფში და ელ-ფოსტით ნუ გაგზავნით.

რენტგენები, ფოტოები და ხელმოწერები (med-docs)

ორთოპანტომოგრამები, RVG, CBCT, ფოტოები „მკურნალობამდე / შემდეგ“, პაციენტის ხელმოწერა გეგმაზე, ექიმების ხელმოწერები და კლინიკის ბეჭედი ინახება ცალკე საქაღალდეში med-docs და არც ერთ ასლში არ შედის — არც ავტომატურში, არც სარეზერვო ფაილში, არც Activi-ის სერვერზე გაგზავნილში. ბაზაში მათი მხოლოდ სახელია.

სტომატოლოგიაში ეს საქაღალდე სწრაფად იზრდება (ერთი CBCT — ათეულობით მეგაბაიტი). პერიოდულად (მაგ. კვირაში ერთხელ) დააკოპირეთ მთელი საქაღალდე data-clouddent — cloudpos.db-ით და med-docs-ით ერთად — გარე დისკზე ან სხვა დაცულ ადგილას. ჯერ დახურეთ პროგრამა სრულად (ტრეი → „სრულად გამორთვა“). რამდენ ადგილს იკავებს — „კლინიკის პარამეტრები“ → „კლინიკა“ → „ფაილების საცავი“.

შენიშვნა: თუ med-docs დაიკარგა, გეგმა და თანხმობა ბაზაში რჩება, მაგრამ ამობეჭდილ გეგმაზე პაციენტის ხელმოწერა აღარ გამოჩნდება, რენტგენზე დაჭერისას კი — „ფაილი დისკზე ვერ მოიძებნა“.

დაშიფრული ასლი Activi-ის სერვერზე

ლიცენზიის მიბმის შემდეგ პროგრამა დღეში ერთხელ აგზავნის ამ კომპიუტერზევე დაშიფრულ ბაზის ასლს Activi-ის სერვერზე (ბოლო 14). ეს გადაგარჩენთ, თუ კომპიუტერი გაფუჭდა ან მოიპარეს; აღდგენისთვის დაგვიკავშირდით. ფაილები (med-docs) ამ ასლშიც არ შედის.

ბაზის სრული განულება

ბარათი „ბაზის სრული განულება“ შლის ყველაფერს (პაციენტები, რუკები, გეგმები, ვიზიტები, ფული, ბუღალტერია, თანამშრომლები); რჩება ლიცენზია და პრინტერის პარამეტრები. „განულება“ → ეკრანზე ნაჩვენები ციფრები → „სამუდამოდ წაშლა“. განულებამდე ასლი ინახება („გასუფთავებამდე“).

რჩევა: დემოთი ვარჯიშისთვის განულება საჭირო არ არის — შექმენით ცალკე დემო ბაზა (თავი ქსელი და ბაზები), სამუშაო ბაზა კი ხელუხლებელი დარჩება.

კომპიუტერის შეცვლა

1. ძველ კომპიუტერზე დახურეთ პროგრამა სრულად (ტრეი → „სრულად გამორთვა“) და დააკოპირეთ მთელი საქაღალდე %APPDATA%\CloudPos\data-clouddent (cloudpos.db, med-docs და დანარჩენი).
2. ახალზე დააყენეთ Activi Dent და პირველ გაშვებაზე აირჩიეთ „არსებული ბაზა…“ → საქაღალდე (ან „ბაზები“ → „არსებული ბაზის დამატება“).
3. ლიცენზია: ძველზე „ლიცენზიის გათავისუფლება ამ კომპიუტერიდან“, ახალზე — იგივე კოდი (თავი ლიცენზია).
4. სხვა კომპიუტერებზე შეცვალეთ მთავარი კომპიუტერის მისამართი (ახალი IP).

სარეზერვო ფაილით (JSON) გადატანაც შეიძლება, მაგრამ მაშინ med-docs ცალკე გადაიტანეთ ახალი ბაზის საქაღალდეში — თორემ რენტგენები და ფოტოები ბარათებზე არ გაიხსნება.