რეცეპტი, მიმართვა, თანხმობა, ფორმები IV-100/ა და IV-200-ა, გამოძახება; EHR და ელ. რეცეპტი

ეს დოკუმენტები MED-ისაა და Activi Dent-ში ისევე მუშაობს (Dent Clinic). ყველა იქმნება ერთი ზოლიდან — ვიზიტის ფორმაში ან პაციენტის ელ. ბარათში: „ანალიზი · ფაილი · რეცეპტი · მიმართვა · ფორმა 100 · თანხმობა · გამოძახება“ (ბარათში ასევე „ფორმა 200-ა“). შექმნილი დოკუმენტები ელ. ბარათის ჩანართშია „დოკუმენტები“ — დაჭერით ხელახლა იბეჭდება.

თანხმობა მკურნალობის გეგმაზე

სტომატოლოგიაში მთავარი თანხმობა გეგმაზე იწერება — გეგმის ფორმიდან, ღილაკით „პაციენტის თანხმობა“ (თავი მკურნალობის გეგმა). ის ინახება აქვე, „დოკუმენტებში“, სახელით „მკურნალობის გეგმაზე თანხმობა — …“, გეგმის სრული ტექსტით (ეტაპები, პუნქტები ფასებით, ჯამი) და პაციენტის ხელმოწერით. ეს თანხმობა Dent Start-შიც იწერება, თუმცა „დოკუმენტების“ ჩანართი Start-ზე დაკეტილია (ხელმოწერა ამობეჭდილ გეგმაზე მაინც ჩანს).

ინფორმირებული თანხმობა პროცედურაზე

ცალკე პროცედურისთვის (ექსტრაქცია, იმპლანტაცია, გათეთრება, ანესთეზია) — „თანხმობა“:

1. ტიპი: „მკურნალობა“, „პერს. მონაცემები“, „შეტყობინებები“ (SMS), „პროცედურა“.
2. ტექსტი ივსება კლინიკის სახელით; „ტექსტი (შეგიძლიათ შეცვალოთ)“ — „______________“-ის ნაცვლად ჩაწერეთ პროცედურის სახელი, მაგ. „46-ის ექსტრაქცია და იმპლანტაცია“.
3. „ხელმომწერი (პაციენტი / წარმომადგენელი)“, პაციენტის ხელმოწერა ეკრანზე → „შენახვა“ ან „შენახვა და ბეჭდვა“.

შენიშვნა: თანხმობების ტექსტები ზოგადი ნიმუშია (არა სტომატოლოგიური) — კლინიკის იურისტმა გადახედოს. საკუთარი შაბლონების შენახვა 2.38-ში არ არის: სტომატოლოგიური ტექსტი ყოველ ჯერზე ჩაასწორეთ ან ჩასვით შენახვამდე.

რეცეპტი

„რეცეპტი“ → თითო მედიკამენტზე: „მედიკამენტი (საერთაშორისო დასახელება)“, ფორმა, „დოზა“, „ერთჯერადი“, „სიხშირე“, „დღე“, „რაოდ.“, „შენიშვნა“; „+ კიდევ მედიკამენტი“ (მაქსიმუმ 20) → „შენახვა და ბეჭდვა“. ფანჯარაში ჩანს პაციენტის ალერგია — მნიშვნელოვანია ანტიბიოტიკის (პენიცილინი, ამოქსიცილინი) და ტკივილგამაყუჩებლის (იბუპროფენი) დანიშვნისას.

ნაბეჭდ რეცეპტზე — კლინიკა და ლიცენზია, პაციენტი, მედიკამენტები, ექიმის სახელი, სპეციალობა, სერტიფიკატის ნომერი, ხელმოწერა და ბეჭედი. ეს არის კლინიკის ნაბეჭდი რეცეპტი; წამლების ცნობარი პროგრამაში არ არის.

მიმართვა, ფორმები, გამოძახება

• „მიმართვა“ — „სპეციალისტი“ (მაგ. ყბა-სახის ქირურგი, ოტორინოლარინგოლოგი სინუს-ლიფტინგამდე), „დაწესებულება / ექიმი“, „დიაგნოზი (დსკ-10)“, „მიზეზი, ჩატარებული კვლევები“, „სასწრაფო“.
• „ფორმა 100“ — ცნობა ჯანმრთელობის მდგომარეობის შესახებ (IV-100/ა): ივსება ბარათიდან და ვიზიტიდან (დიაგნოზი — ვიზიტის „საერთო“ დიაგნოზი, მაგ. „პულპიტი (კბ. 36)“), იბეჭდება ნომრით, ექიმის და კლინიკის ბეჭდით.
• „ფორმა 200-ა“ — ამბულატორიული ბარათის ამონაწერი ელ. ბარათიდან.
• „გამოძახება“ — განმეორებითი ვიზიტი თარიღით და მიზეზით; სტომატოლოგიაში ხშირად — „6-თვიანი შემოწმება და ჰიგიენა“ (ვიზიტის სტომატოლოგიურ ნაწილში ამისთვის ცალკე ღილაკია — „6 თვეში შემოწმება“; თავი SMS და ონლაინ ჩაწერა).

შენიშვნა: ზოლში არის „ანალიზიც“ (MED-ის ლაბორატორიული დანიშნულება — სისხლის ანალიზი და სხვ.). Activi Dent-ში ლაბორატორიის გვერდი („ლაბორატორია“ — ანალიზების ცნობარი და სამუშაო სია) არ არის და ახალ ბაზაში ანალიზების ცნობარი ცარიელია, ამიტომ „ანალიზის“ ფანჯარაში ასარჩევი არაფერია. გარე ლაბორატორიის პასუხი (მაგ. კოაგულოგრამა იმპლანტაციამდე) ატვირთეთ ფაილად („ფაილი“). ტექნიკოსთან შეკვეთისთვის — თავი ტექნიკური ლაბორატორია.

კონექტორები: EHR, ელექტრონული რეცეპტი, HMIS

„კლინიკის პარამეტრები“ → „კონექტორები“ (მხოლოდ ადმინისტრატორი, Dent Pro):

• HMIS — სამინისტროს სტატისტიკა (ფორმა 025) — პარამეტრები (მისამართი, მომხმარებელი, პაროლი, კოდების შესაბამისობა, „კავშირის შემოწმება“);
• ელექტრონული ჯანმრთელობის ჩანაწერი (EHR) და ელექტრონული რეცეპტი — ნიშნით „UNVERIFIED“: სისტემის მისამართი, კლიენტის ID, დაწესებულების კოდი, საიდუმლო გასაღები.

ყურადღება: ეს კავშირები მუშაობს მხოლოდ კლინიკის საკუთარი ოფიციალური წვდომით, რომელსაც ჯანდაცვის სამინისტრო აძლევს. სანამ ჩართული არ არის, პროგრამა ქსელში არაფერს აგზავნის. EHR-ისა და ელ. რეცეპტის ფორმატი ოფიციალურ სპეციფიკაციასთან გადამოწმებული არ არის — ნუ ჩართავთ Activi-ის მხარდაჭერის გარეშე. HMIS-ის გვერდი (ფორმა 025-ის თვიური გაგზავნა, მიწოდებები, წლიური ფორმა) Activi Dent-ის მენიუში არ არის — 2.38-ში Dent-იდან ვიზიტები HMIS-ში ვერ იგზავნება, მიუხედავად იმისა, რომ პარამეტრები ჩანს.