საწყისი ნაშთები: ანგარიშები, დებიტორები და კრედიტორები, მარაგი, ძირითადი საშუალებები

საწყისი ნაშთი — რა ჰქონდა ორგანიზაციას აღრიცხვის დაწყების დღეს: ფული, ვალები, მარაგი, ძირითადი საშუალებები, კაპიტალი. სხვა პროგრამიდან (FINA, ORIS, Excel) გადმოსვლისას ჯერ იქ ამოიღეთ ბრუნვითი უწყისი იმ დღეზე.

„პარამეტრები“ → „ბუღალტერია“ → „საწყისი ნაშთები“.

1. თარიღი

ველი „თარიღი“ — ნაშთის დღე. ნაგულისხმევად წერია მიმდინარე წლის 1 იანვარი — თუ აღრიცხვას სხვა დღიდან იწყებთ (მაგალითში — 01.09.2026), შეცვალეთ ფაილის არჩევამდე.

ჩასანიშნი „სხვაობა — გაუნაწილებელ მოგებაზე“: თუ დებეტი და კრედიტი არ ემთხვევა, სხვაობა 5310-ზე გადავა; გამორთულზე დაუბალანსებელი ფაილი არ შემოვა („ნაშთები არ არის დაბალანსებული: დებეტი …, კრედიტი … — ან ჩართეთ …“).

2. ანგარიშების ნაშთები

„ანგარიშების ნაშთები — ფაილიდან“ → ფანჯარა: „ფაილი (.xlsx, .csv, .txt)“, „შაბლონი“ (ცარიელი Excel სწორი სვეტებით), „დამატება“ / „ჩანაცვლება / განახლება“ და ველი „ან ჩასვით ცხრილი (Excel-იდან კოპირებული)“. პირველი სტრიქონი — სათაურები; სვეტები სათაურით იცნობა, საჭიროებისას ხელით მიუთითეთ.

„შემოტანა (N)“ — ერთი გატარება „საწყისი ნაშთები“ ნაშთის დღით.

სანიმუშო ორგანიზაცია, 01.09.2026:

ყურადღება: „დამატება“ ყოველ ჯერზე ახალ გატარებას ქმნის — ორჯერ შემოტანილი ფაილი ნაშთს გააორმაგებს. ფაილის გასწორებისას გამოიყენეთ „ჩანაცვლება / განახლება“: ის იმავე თარიღის საწყის ნაშთს ხელახლა ატარებს.

3. დებიტორები და კრედიტორები

სვეტები: კონტრაგენტი (სავალდებულო), ს/კ, მხარე (debtor — გვმართებს / creditor — ვმართებთ), თანხა (სავალდებულო), ვალუტა, „ლარში (ვალუტისას)“, დოკუმენტი. თითოეული ხაზი ტარდება 1410 (ან 3110) ↔ 5310 და კონტრაგენტის ბარათზე ჩანს როგორც ვალი; გადახდის ვადების ანგარიშში დოკუმენტის თარიღად ნაშთის დღე ჩაითვლება.

4. მარაგი

სვეტები: საქონელი (სავალდებულო), კოდი, რაოდენობა, ერთეულის თვითღირებულება (სავალდებულო), საწყობი, ვარგისიანობა. თითო საწყობზე იქმნება და ტარდება დოკუმენტი „საწყისი ნაშთი (მარაგი)“ (პარტიებით); ნაშთის მეორე მხარე — 5310. არარსებული საქონლის ბარათი თავისით იქმნება.

5. ძირითადი საშუალებები

„ძირითადი საშუალებები“ → „საწყისი ნაშთები“: დასახელება, ინვენტარის №, ანგარიში (21xx), შეძენის თარიღი, საწყისი ღირებულება, დაგროვილი ცვეთა, დარჩენილი ვადა (თვე), მეთოდი (sl / db / uop), ადგილი, საგადასახადო ცვეთა %. ნაშთის თარიღი — შემოტანის დღე.

მაგალითის ავტომობილი:

გატარება: 2140 დებეტი 12 000,00 / 5310 კრედიტი; 5310 დებეტი 2 000,00 / 2210 კრედიტი. ცვეთა ამ თვიდანვე ირიცხება: (12 000 − 2 000) ÷ 50 = 200,00 ₾ თვეში (თავი ძირითადი საშუალებები).

შემოწმება

„ანგარიშგება“ → „ბრუნვითი უწყისი“ ნაშთის დღეზე: დებეტისა და კრედიტის ჯამები ტოლია (✓) და ყოველი ანგარიში ძველი პროგრამის უწყისს ემთხვევა.