ბანკის ამონაწერის იმპორტი: MT940, Excel და CSV, ამოცნობა ს/კ-ით და წესებით, ავტომატური გატარება

ბანკის ოპერაციები ხელით აკრეფის ნაცვლად ამონაწერის ფაილით შემოდის: „ფული“ → „ამონაწერი“.

ფაილის შემოტანა

1. „— საბანკო ანგარიში —“ — რომელ ანგარიშზეა ამონაწერი.
2. ფორმატის ჩამონათვალი („ავტომატური (სვეტების სათაურებით)“, თიბისი, საქართველოს ბანკი, ლიბერთი, პროკრედიტი, ბაზისი, MT940).
3. „ამონაწერის ფაილი (MT940, .xlsx, .csv)“ → ფაილის არჩევა → „შემოტანა: ფაილის სახელი“.
4. შედეგი: „დაემატა N, დუბლიკატი M“ (MT940-ში — „ბოლო ნაშთი ბანკში …“).

სვეტები იცნობა სათაურებით — ქართულიც და ინგლისურიც: თარიღი („თარიღი“, „ოპერაციის თარიღი“, „date“), დებეტი / კრედიტი ან თანხა (ნიშნით), დანიშნულება, პარტნიორი, პარტნიორის საიდენტიფიკაციო კოდი, პარტნიორის ანგარიში, საბუთის №, ვალუტა. თარიღი — 20.09.2026, 2026-09-20 ან Excel-ის თარიღი; თანხა — 1 234,56 ან 1,234.56. MT940 იკითხება სტანდარტით (:61:, :86:).

შენიშვნა: 2.38-ში ფორმატის ჩამონათვალი (ბანკის არჩევა) შემოტანაზე გავლენას არ ახდენს — სვეტები ყოველთვის სათაურებით იცნობა. თუ ფაილის სათაურები უცნაურია, გადაარქვით მათ ჩვეული სახელები.

ერთი და იგივე ოპერაცია (დღე, თანხა, მიმართულება, დანიშნულება) ორჯერ არ შემოვა — მეორე შემოტანისას „დუბლიკატად“ ჩაითვლება.

მაგალითის ფაილი

სექტემბრის ამონაწერი (CSV, ;-ით):

დამუშავება

სიაში — სტატუსი „დასამუშავებელი“ / „გატარებული“ / „გამოტოვებული“ / „ყველა“. ყოველ ოპერაციას აქვს „შეთავაზება“, რომელიც ასე იძებნება (ამ რიგით):

1. ამონაწერის წესი — „პარამეტრები“ → „ბუღალტერია“ → „ანალიტიკა“ → „ამონაწერის წესები“: „ტექსტი შეიცავს“, მიმართულება, დანიშნულება, ანგარიში (მაგ. „საკომისიო“ → საბანკო მომსახურება, 7370);
2. პარტნიორის ს/კ — კონტრაგენტი ამ ს/კ-ით → შემოსავალზე „მყიდველის გადახდა“, გასავალზე „მომწოდებლის გადახდა“;
3. პარტნიორის IBAN — კონტრაგენტის IBAN-ით;
4. სახელი ტექსტში — კონტრაგენტის დასახელება დანიშნულებაში ან პარტნიორში;
5. სიტყვები — „საკომისიო“, „commission“, „fee“ → საბანკო მომსახურება; „ხაზინა“, „treasury“, 101001000 → გადასახადი (დღგ).

„გატარება“ ოპერაციასთან → ფანჯარა: დანიშნულება, კონტრაგენტი / თანამშრომელი / გადასახადი / მუხლი / ანგარიში (შეთავაზებით შევსებული) → „გატარება“. იქმნება და ტარდება საბანკო ჩარიცხვა (ბშ-) ან გადარიცხვა (ბგ-), ოპერაცია „გატარებულზე“ გადადის დოკუმენტის ნომრით.

„ავტომატური გატარება (წესები, ს/კ)“ — ერთბაშად ატარებს ყველაფერს, რაც წესით, ს/კ-ით, IBAN-ით ან სიტყვებით იცნობა; სახელით ნაპოვნს ტოვებს ხელით შესამოწმებლად. შედეგი: „ავტომატურად გატარდა N, დარჩა M“. მაგალითში სამივე ოპერაცია ავტომატურად გატარდა:

ოპერაცია, რომელიც უკვე სხვაგან არის გატარებული (მაგ. ხელით შექმნილი გადარიცხვა), გამოტოვეთ (⊘) — თორემ ორჯერ ჩაიწერება.

შემოწმება

„ფული“ → „შეჯერება ბანკთან“ — ბანკის და წიგნების თანხები დღეების მიხედვით; სხვაობა 0 უნდა იყოს (თავი ფული).