სამეურნეო ოპერაციები: ყველა დოკუმენტი, სახეები, დრაფტი და გატარება, შეცვლა, ასლი, ჯგუფური გატარება, Excel-იდან

„სამეურნეო ოპერაციები“ — ყველა დოკუმენტი ერთ სიაში. ჯგუფები: „ყველა“, „შემოსავალი“, „გასავალი“, „მოძრაობა / ჩამოწერა“, „წარმოება“, „ნოტები“; ფილტრები: პერიოდი, სტატუსი („დრაფტები“, „გატარებული“), კონტრაგენტი, ხარჯების ცენტრი.

დოკუმენტის სახეები

„+ ახალი დოკუმენტი“ — არჩევა:

წარმოების სახეები — თავი წარმოება.

ველები

ფორმა თავად აჩვენებს, რაც სახეს სჭირდება: კონტრაგენტი, ხარჯების ცენტრი (საწყობი) (გადაადგილებისას — „საიდან“ და „სად“), ვალუტა და კურსი, დღგ-ს რეჟიმი, ფასის ტიპი, „გადახდა ადგილზე“, ხელშეკრულება, გადახდის ვადა, პროექტი, ხარჯის მუხლი, ანგარიში (ჩამოწერაზე — არასავალდებულო), პასუხისმგებელი / მძღოლი, შენიშვნა. სპეციალური ველები:

• ჩამოწერა — „ჩათვლილი დღგ-ის კორექტირება (დანაკლისი / დაზიანება)“: ჩამოწერილის დღგ 3340-დან ხარჯზე გადადის.
• ინვენტარიზაცია — სვეტები „სისტემაში“ და „ფაქტი“; ზედმეტობის ფასი (ცარიელი — ბოლო თვითღირებულება).
• საწვავი — ავტომობილი, სპიდომეტრი დასაწყისი / ბოლო, ნორმა (ლ / 100 კმ) → „ნორმით ჩამოწერა“ (გავლილი კმ × ნორმა). ავტომობილები — „პარამეტრები“ → „ბუღალტერია“ → „ანალიტიკა“.
• ნოტა — „მყიდველთან“ / „მომწოდებელთან“ და „კრედიტ-ნოტა (შემცირება)“ / „დებეტ-ნოტა (გაზრდა)“.

დრაფტი, გატარება, შეცვლა

• „შენახვა“ — დრაფტი: გატარება არ არის, მარაგი არ მოძრაობს.
• „შენახვა და გატარება“ — იქმნება გატარება (წყარო „დოკუმენტი“) და მარაგის მოძრაობა; ფანჯარაში ჩნდება „გატარება #N“ („დეტალურად“) და „მარაგის მოძრაობა — პარტიები“.
• „გატარების გაუქმება“ — დოკუმენტი ისევ დრაფტია, შეგიძლიათ შეცვალოთ და ხელახლა გაატაროთ.
• „წაშლა“ — დრაფტისთვის (უფლება „ჩანაწერების წაშლა“; აუდიტში ჩაიწერება).
• ასლი: პროფორმიდან — მიწოდება; მიწოდებიდან — დაბრუნება ან ახალი მიწოდება; მიღებიდან — დაბრუნება ან ახალი მიღება.
• „ბეჭდვა“ — დოკუმენტი ორგანიზაციის სახელით და ს/კ-ით.

წარსული თარიღის დოკუმენტი: თუ ძველი თარიღით მიღებას ან გაყიდვას ცვლით და ამ საქონლით შემდეგ სხვა დოკუმენტებიც იყო, პროგრამა თვითღირებულებას თავიდან ითვლის თარიღების მიხედვით და შეცვლილ დოკუმენტებს ხელახლა ატარებს.

დახურულ ან ჩაკეტილ თვეში დოკუმენტი ვერ შეიქმნება და ვერ შეიცვლება: „2026-09 თვე დახურულია — დოკუმენტი ვერ შეიცვლება (გახსნა: …)“.

ჯგუფური გატარება, Excel-იდან

• სიაში ჩანიშნეთ დოკუმენტები → „გატარება (N)“ ან „გაუქმება“; შედეგი: „გატარდა: N · შეცდომა: …“.
• „Excel-იდან“ — მიღება, მიწოდება, გადაადგილება, ჩამოწერა ფაილით: დოკუმენტის №, სახე (receipt / sale / transfer / writeoff), თარიღი, კონტრაგენტის ს/კ და სახელი, ხარჯების ცენტრი, „სად“, საქონლის კოდი, საქონელი, რაოდენობა, ფასი, დღგ %, ვარგისიანობა. ერთი ნომრის სტრიქონები ერთ დოკუმენტად შეიკრიბება; შემოტანილი რჩება დრაფტად; უცნობი საქონელი მიღებაში ახალ ბარათად იქმნება.

ფაილები და ისტორია

ყოველ დოკუმენტს შეგიძლიათ მიამაგროთ ფაილი (PDF, Word, Excel, სურათი — 5 მბ-მდე, ერთ ჩანაწერზე 25 მბ-მდე): „ფაილის მიმაგრება“. ფაილი ბაზაში ინახება და ბექაპში ხვდება. „ისტორია“ — ვინ შექმნა, გაატარა, შეცვალა.