ბექაპი და აღდგენა: ავტომატური ასლები, სარეზერვო ფაილი, დაშიფრული ასლი, განულება, კომპიუტერის შეცვლა

ყველაფერი ამ თავში — „პარამეტრები“ → „მონაცემები“ (ადმინისტრატორი; ქსელში — მთავარ კომპიუტერზე). ყოველი ორგანიზაციის (ბაზის) ბექაპი ცალკეა.

ავტომატური ბექაფი

პროგრამა ყოველდღე (და ჩართვისას) ქმნის ბაზის სრულ ასლს იმავე კომპიუტერზე — %APPDATA%\CloudPos\data-cloudacc\backups; ინახება ბოლო 14 ასლი. ბარათი „ავტომატური ბექაფი“: „ბოლო ბექაფი“, „შენახული ასლები“, „ბექაფის შექმნა ახლა“ (მაგ. წლის დახურვის, დიდი იმპორტის ან ნაშთების გადატანის წინ), ასლების სია („დღიური“, „ხელით“, „აღდგენამდე“, „გასუფთავებამდე“) და „აღდგენა“.

აღდგენა: დარწმუნდით, რომ სხვა კომპიუტერზე არავინ მუშაობს → ასლთან „აღდგენა“ → დადასტურება (მიმდინარე ბაზის ასლი ჯერ ინახება — „აღდგენამდე“) → „ბაზა აღდგა ასლიდან … — შედით ხელახლა“. ასლის შემდეგ შეყვანილი ყველაფერი ქრება — აღდგენა ბოლო საშუალებაა.

ყურადღება: ავტომატური ასლები იმავე დისკზეა — პერიოდულად ჩამოტვირთეთ სარეზერვო ფაილი და შეინახეთ სხვაგან.

სარეზერვო ფაილი

ბარათი „მონაცემები“: „სარეზერვო ასლი“ → „ჩამოტვირთვა“ — cloudpos-backup_თარიღი.json: ყველა მონაცემი, მათ შორის ბუღალტერიის დოკუმენტები, გატარებები, მიმაგრებული ფაილები, ხელფასი, ძ.ს., კურსები, აუდიტი. არ შედის ლიცენზია და RS.ge-ს სერვის-მომხმარებლის პაროლი. „აღდგენა“ → „ფაილის ატვირთვა“ — მიმდინარე მონაცემები ფაილით ჩანაცვლდება (მიმდინარე ბაზის ასლი ჯერ ინახება). „თემა“ — ღია / მუქი.

დაშიფრული ასლი Activi-ს სერვერზე

ლიცენზიის მიბმის შემდეგ პროგრამა დღეში ერთხელ აგზავნის ამ კომპიუტერზევე დაშიფრულ ასლს Activi-ს სერვერზე (ბოლო 14). კომპიუტერის გაფუჭების ან დაკარგვისას აღდგენისთვის დაგვიკავშირდით.

ბაზის სრული განულება

ბარათი „ბაზის სრული განულება“ შლის ყველაფერს (დოკუმენტები, გატარებები, კონტრაგენტები, საქონელი, თანამშრომლები, ხელფასი …); რჩება ლიცენზია და პრინტერის / სახსრის პარამეტრები. „განულება“ → ეკრანზე ნაჩვენები ციფრები → „სამუდამოდ წაშლა“; ასლი ინახება („გასუფთავებამდე“).

რჩევა: ახალი ორგანიზაციისთვის განულება არ არის საჭირო — შექმენით ახალი ბაზა (თავი ორგანიზაციები, ქსელი და ბაზები).

კომპიუტერის შეცვლა

1. ძველზე: ტრეიდან „სრულად გამორთვა“ და დააკოპირეთ %APPDATA%\CloudPos\data-cloudacc (და სხვა ბაზების საქაღალდეები) ან ჩამოტვირთეთ სარეზერვო ფაილები.
2. ახალზე: დააყენეთ Activi ბუღალტერია → „არსებული ბაზის დამატება“ ან „აღდგენა“ ფაილიდან.
3. ლიცენზია: ძველზე „ლიცენზიის გათავისუფლება ამ კომპიუტერიდან“, ახალზე — იგივე კოდი.
4. RS.ge-ს სერვის-მომხმარებელი ხელახლა შეიყვანეთ.