რეალიზაცია: მიწოდება მყიდველის დავალიანებით და ლიმიტით, საცალო, მომსახურება, პროფორმა, დაბრუნება, მყიდველის ბარათი და შედარების აქტი

„რეალიზაცია“: ჩანართები „რეალიზაციის ჟურნალი“, „ვინ გვმართებს“, „ანგარიშები“ (Activi-ს პროგრამაში ჩაშენებულ ბუღალტერიაში — დამატებით „სალაროს გაყიდვები“ დღეების მიხედვით).

რეალიზაციის ჟურნალი

ფილტრები და სვეტები იგივეა, რაც შესყიდვებში (თავი შესყიდვები): სახე („მიწოდება“, „საცალო“, „მომსახურება“, „დაბრუნება“), მყიდველი, საქონელი, ხარჯ. ცენტრი, სტატუსი; ბარათები სულ / გადახდილი / დარჩენილი / ვადაგადაცილებული; სვეტები დღგ-ს გარეშე, დღგ, სულ, გადახდილი, დარჩენილი, ვადა, გადახდა, RS ფაქტურა (RS.ge-დან გადმოწერილი ანგარიშ-ფაქტურა იმავე ს/კ-ით და თანხით, ±31 დღე — სტატუსით: „გაგზავნილი“, „დადასტურებული“ …). მყიდველის გადახდა ფარავს ყველაზე ძველ ღია დოკუმენტს.

ღილაკები: „+ ახალი რეალიზაცია“ (ისარი — „საცალო რეალიზაცია“, „გაწეული მომსახურება“, „პროფორმა ინვოისი“), „მყიდველის დაბრუნება“.

ახალი რეალიზაცია (მიწოდება)

1. მყიდველი — ძებნა სახელით, ს/კ-ით ან ტელეფონით, ან „+ ახალი“ (ს/კ, „RS.ge-დან“, ვადა, ლიმიტი — თავი კონტრაგენტები).
2. არჩევისთანავე ფორმაში ჩნდება მყიდველის ზოლი: ვალი ჩვენთან, ვადაგადაცილებული (უძველესის დღეები), ბოლო გადახდა, ლიმიტი და რამდენი დარჩა, ფასის ტიპი, ვადა (დღე → თარიღი), „დღგ-ს გადამხდელი“, „ბარათი“. თუ ეს დოკუმენტი ნისიად ლიმიტს გადააჭარბებს, ზოლი წითლდება: „ამ დოკუმენტით ლიმიტი გადაჭარბდება (…)“.
3. ფასის ტიპი — მყიდველისგან (ან საწყობისგან) თავისით; ფასი ხაზში — ამ ტიპით.
4. გადახდის ვადა — მყიდველის პირობით („კონტრაგენტის პირობით“), შეგიძლიათ შეცვალოთ.
5. გადახდა ადგილზე — ცარიელი — ნისიად (1410), ან სალარო / ბანკი.
6. „მიღებული ავანსის გაქვითვა (ავანსის დღგ-ის აღდგენით)“ — თუ მყიდველს ავანსი აქვს გადახდილი, ის ამ მიწოდებას გაიქვითავს (თავი დღგ და გადასახადები).
7. ხაზები (საქონელი / მომსახურება), „შენახვა და გატარება“.

ლიმიტის გადაჭარბება არ ბლოკავს შენახვას: გატარების შემდეგ ჩნდება გაფრთხილება „… კრედიტის ლიმიტი (10000.00 ₾) გადაჭარბებულია — ვალი … ₾“.

მაგალითი: მიწ-000001

10.09.2026, შპს „სანიმუშო კაფე“: ყავა მარცვლოვანი 160 × 70,80 ₾ (დღგ ფასში) = 11 328,00 ₾ = 9 600,00 + დღგ 1 728,00; ნისიად, ვადა 15 დღე → 25.09.2026. თვითღირებულება 160 × 20,00 = 3 200,00 ₾ (პარტია 02.09.2026).

25.09-ს კაფემ გადაიხადა 5 000,00 ₾ (ამონაწერიდან, თავი ამონაწერი) → დარჩა 6 328,00 ₾, 30 სექტემბრისთვის ვადაგადაცილებული 5 დღით.

საცალო რეალიზაცია

მყიდველის გარეშე, თანხა მაშინვე შედის სალაროში / ბანკში (ველი „სალარო / ბანკი“). მაგალითი საც-000001, 12.09.2026: 10 × 70,80 = 708,00 ₾ (600,00 + დღგ 108,00), ნაღდით; თვითღირებულება 200,00 ₾. გატარება: 1110 708,00 / 6110 600,00, 3330 108,00; 7110 200,00 / 1610 200,00.

მომსახურება, პროფორმა

• „გაწეული მომსახურება“ — ხაზი ტექსტით ან მომსახურების ბარათით, შემოსავალი 6120-ზე, მარაგის გარეშე.
• „პროფორმა ინვოისი“ — მხოლოდ ბეჭდვისთვის, არ ტარდება („შენახვა და გატარება“ არ ჩანს). გადახდის შემდეგ პროფორმის ფანჯარაში — „მიწოდება“: იქმნება მიწოდება იგივე ხაზებით (დრაფტად).

დაბრუნება

„მყიდველის დაბრუნება“ ან მიწოდების ფანჯარაში „დაბრ. მყიდველ.“ (ასლი, თვითღირებულება ორიგინალიდან): 6150 და 3330 დებეტი / 1410 (ან ფული) კრედიტი; საქონელი ბრუნდება მარაგში, 7110 კრედიტდება. ჟურნალში დაბრუნება უარყოფითი თანხით ჩანს, სტატუსით „დაბრუნება“.

მყიდველის ბარათი და შედარების აქტი

ჟურნალში მყიდველის სახელზე დაჭერა (ან ბარათის „მყიდველის ბარათი“):

• ზემოთ: ვალი ჩვენთან, ვადაგადაცილებული, ბოლო გადახდა, კრედიტის ლიმიტი (დარჩა), პირობები; ასაკი „ვადა არ გასულა“, 0–30, 31–60, 61–90, 90+;
• ჩანართები: „გაყიდვები“, „გადახდები“, „დაბრუნებები“, „ამონაწერი“ — საწყისი ნაშთი, ყოველი მიწოდება და გადახდა მიმდინარე ნაშთით, ბრუნვა და საბოლოო ნაშთი;
• „ამონაწერი Excel“, „ამონაწერი PDF / ბეჭდვა“ — ბეჭდება „შედარების აქტი / ამონაწერი“ ორგანიზაციის რეკვიზიტებით და ორი ხელმოწერის ადგილით.

ვინ გვმართებს, ანგარიშები

„ანგარიშები“: „ტოპ მყიდველები“ (ბრუნვა დღგ-ს გარეშე, წილი, თვითღირებულება, მოგება, მარჟა, დაბრუნება + დიაგრამა), „თვეების მიხედვით“, „რას ყიდულობს“ (საქონელი × მყიდველი, რაოდენობა, მოგება).