ბუღალტერია: როგორ ტარდება ავანსი, ნომერზე ჩაწერა, გაწერა და ქალაქის გადასახადი

Activi Hotel-ში ჩაშენებულია ბუღალტერია — ორმაგი ჩანაწერით. ყოველი ავანსი, ნომერზე ჩაწერა, გაწერა, ჯარიმა, დაბრუნება, მარაგის მიღება და ჩამოწერა, ხარჯი, ნაღდის შემოტანა/გატანა და მომწოდებლის გადახდა თავისით ტარდება. ეს თავი მოკლე მიმოხილვაა; მოდულის სრული აღწერა — Activi ბუღალტერია.

როდის ჩანს

მენიუს ჯგუფი „ბუღალტერია“ ჩანს საცდელ პერიოდში ყოველთვის, ლიცენზიით — თუ მასში შედის მოდული „ბუღალტერია“; თანამშრომელს — თუ აქვს უფლება „ბუღალტერია: ნახვა“ (ადმინისტრატორს და მენეჯერს — ნაგულისხმევად).

პირველი დაყენება

პირველად გახსნისას გვერდი „ბუღალტერია“ გთავაზობთ „ორგანიზაციის დაყენებას“: ორგანიზაციის სახე, დასახელება და ს/კ, დღგ-ს გადამხდელობა, მეორე საბაზო ვალუტა, მარაგის თვითღირებულების მეთოდი, აღრიცხვის დაწყების თარიღი და ანგარიშთა გეგმა → „დაყენება“ ან „მოგვიანებით“.

რჩევა: ბუღალტერია დააყენეთ პირველივე დღეს, პირველ ავანსამდე, ან შეუთანხმეთ ბუღალტერს — დაწყების თარიღი და ანგარიშთა გეგმა მთელ შემდგომ აღრიცხვას განსაზღვრავს.

როგორ ტარდება სასტუმროს ოპერაციები

სასტუმროსთვის ანგარიშთა გეგმაში სამი საკუთარი ანგარიშია: 1210 „სტუმრების მოთხოვნები (ნომერზე ჩაწერილი)“, 2150 „სტუმრებისგან მიღებული ავანსები“, 2110 „გადასახდელი ქალაქის (ტურისტული) გადასახადი“.

ზემოთ — ნინო გელაშვილის გაწერის ნამდვილი გატარება (თავი გაწერა და გადახდა): შემოსავალი და დღგ ერთხელ ითვლება — ბარის/რესტორნის თანხა თავის ჩეკზე, ღამეები გაწერაზე; ავანსი შემოსავალი არ ხდება მანამ, სანამ სტუმარი არ გაიწერება.

ყურადღება: კომპანიის დავალიანების მიღება გვერდიდან „კომპანიები / დებიტორები“ ყოველთვის სალაროში (1000) ტარდება, გადმორიცხვის შემთხვევაშიც (თავი ჯგუფები და კომპანიები) — ბანკით მიღებული თანხა ბუღალტერმა შეასწოროს.

მენიუს გვერდები

ბუღალტერიის პარამეტრები (ორგანიზაცია, ანგარიშთა გეგმა, ანალიტიკა, პერიოდები, საწყისი ნაშთები, წვდომა) — „პარამეტრები“ → ჩანართი „ბუღალტერია“.

შენიშვნა: სასტუმროს ყველა ფასი ლარშია — სხვა ვალუტით ჯავშანი, ფოლიო ან გადახდა (მაგ. დოლარით) 2.38-ში არ არის; ვალუტა მხოლოდ ბუღალტერიის ოპერაციებშია.

Activi ბუღალტერია სხვა კომპიუტერზე

თუ ბუღალტერი ცალკე პროგრამით — Activi ბუღალტერია — მუშაობს, მას შეუძლია სასტუმროს ბუღალტერია ქსელით წაიკითხოს (მხოლოდ წაკითხვით): სასტუმროს ადმინისტრატორი „პარამეტრები“ → „ინტეგრაციები“ → „ბუღალტერიასთან დაკავშირება“ → „კოდის მიღება“ იღებს ერთჯერად კოდს (მოქმედებს 10 წუთი), ბუღალტერი კი თავის პროგრამაში — „სერვისების ჩაბმა“ → „პროგრამის დაკავშირება“ — წერს მისამართს და კოდს. სასტუმროს მონაცემებს ბუღალტერია ვერ ცვლის.

ბუღალტერიასთან დაკავშირებული კითხვებით მოგვწერეთ: info@activi.ge ან კონტაქტის გვერდიდან.