თანამშრომლები: რეცეფციონისტი, მიმტანი, დამლაგებელი, უფლებები და პაროლები

თითოეული თანამშრომელი საკუთარი სახელითა და პაროლით შედის — ასე ჯავშანზე ჩანს „დაჯავშნა: ნატო ბერიძე · 24 სექ, 11:20“, ჩეკზე — ვინ მიიღო ფული, ანგარიშებში — თითოეულის ბრუნვა. თანამშრომლებს მართავს მხოლოდ ადმინისტრატორი, გვერდზე „თანამშრომლები“.

როლები

საწყისი ანგარიშები: admin / 1111, manager / 2222, cashier / 3333 (რეცეფციონისტი).

რეცეფციონისტს არ შეუძლია: ოთახების, ტიპების და ფასების შეცვლა, ინვოისის შექმნა („ინვოისი კომპანიაზე“), შავი სიის მართვა, სტუმრის წაშლა, ჩეკის დაბრუნება (ნაგულისხმევად), ანგარიშების ნახვა.

ახალი თანამშრომელი

1. „ახალი თანამშრომელი“.
2. „სახელი, გვარი“ — როგორ გამოჩნდეს ჯავშანზე, ჩეკზე და ანგარიშებში.
3. „მომხმარებლის სახელი“ — შესასვლელი სახელი (ლათინურად უმჯობესია, მაგ. nato).
4. „პაროლი“ — „ნებისმიერი — მაგ. 1234“.
5. „როლი“ — „რეცეფციონისტი“, „მენეჯერი“ ან „ადმინისტრატორი“.
6. ბუღალტერიისთვის (სურვილისამებრ): „ხელფასი — ბრუტო თვეში (₾)“ და „საპენსიო სქემის მონაწილე (2% + 2%)“.
7. „შენახვა“ — „თანამშრომელი დაემატა“.

წვდომის შეზღუდვა გვერდებზე

გადამრთველი „წვდომის შეზღუდვა კონკრეტულ განყოფილებებზე“ აჩენს ყველა გვერდს ჯგუფებად; მონიშნეთ მხოლოდ საჭირო. „თუ არცერთი არ მონიშნავთ, გამოჩნდება ყველა (როლის მიხედვით). „ჩემი პროფილი“ ყოველთვის ხელმისაწვდომია.“ შეზღუდვა როლზე მეტს ვერ მისცემს — მხოლოდ ავიწროებს.

ტიპიური ანგარიშები:

ყურადღება: წვდომის შეზღუდვა გვერდებს ზღუდავს, არა გვერდის შიგნით მოქმედებებს. „ჯავშნები / ნომრები“ ერთი გვერდია — დამლაგებელი, ვისაც ის აქვს, დასუფთავებასთან ერთად კალენდარს, ჯავშნებს და გაწერასაც ხედავს (თავი დასუფთავება).

ინდივიდუალური უფლებები

გადამრთველის „ინდივიდუალური უფლებები“ გამორთულ მდგომარეობაში თანამშრომელს როლის უფლებები აქვს (ნაცრისფერი სია). ჩართვისას მონიშვნები შეგიძლიათ შეცვალოთ:

„არ გამოცხადდა“ ცალკე უფლებას არ საჭიროებს — ის ყველას შეუძლია, ვინც ჯავშანს ხედავს (ჯარიმის შეცვლას — „ფასდაკლების“ უფლება სჭირდება).

ანგარიშის გამორთვა და ბლოკის მოხსნა

• „ანგარიში აქტიურია“ გადამრთველის გამორთვა თანამშრომელს შესვლას უკრძალავს („ანგარიში დეაქტივირებულია“); მისი ღია სესიები მაშინვე იხურება, ჯავშნები და ჩეკები რჩება. თანამშრომლის წაშლა შეუძლებელია. საკუთარ ანგარიშს ვერ გამორთავთ და საკუთარ როლს ვერ შეცვლით.
• 5 არასწორი პაროლის შემდეგ ანგარიში 15 წუთით იბლოკება — სიაში „დაბლოკილია“ და ღილაკი „ბლოკის მოხსნა“.

ჩემი პროფილი: პაროლის შეცვლა

1. ზედა ზოლში დააჭირეთ თქვენს სახელს (ან მენიუ → „ჩემი პროფილი“).
2. ბარათში „პაროლის შეცვლა“: „მიმდინარე პაროლი“, „ახალი პაროლი“, „გაიმეორეთ ახალი პაროლი“.
3. „პაროლის შეცვლა“ — „პაროლი შეიცვალა“. „შეცვლის შემდეგ სხვა მოწყობილობებზე სესიები დაიხურება.“

ბარათში „აქტიური სესიები“ ჩანს, სად ხართ შესული (პროგრამა/ბრაუზერი, IP, ბოლო აქტივობა); „სხვების გათიშვა“ — ყველა სხვა სესიის დახურვა.

ცვლის გადაბარება

დაინსტალირებულ პროგრამაში ყოველი ახალი გაშვებისას საჭიროა ხელახლა შესვლა; ბრაუზერით შესვლა იხურება 7 დღის უმოქმედობის შემდეგ. რეცეფციის ერთ კომპიუტერზე ყოველმა რეცეფციონისტმა თავისი სახელით იმუშაოს: ცვლის ბოლოს — X-რეპორტი (თავი სალაროს დახურვა) და „გასვლა“ ზედა ზოლში. ეკრანის ავტომატური დაბლოკვა პროგრამაში არ არის.

დავიწყებული პაროლი

• თანამშრომელს დაავიწყდა: ადმინისტრატორი „თანამშრომლები“ → ფანქარი → „ახალი პაროლი“ → „შენახვა“ (ცარიელი ველი ძველს ტოვებს).
• ადმინისტრატორს დაავიწყდა: Activi-ის მხარდაჭერას აქვს აღდგენის ხელსაწყო password-reset (reset-admin.bat), რომელიც მხოლოდ ადმინისტრატორის პაროლს აბრუნებს 1111-ზე და ანგარიშს განბლოკავს — ჯავშნები, სტუმრები და სხვა თანამშრომლები არ იცვლება, მანამდე კი ბაზის ასლი ინახება. მთავარი ბაზისთვის ის ეშვება არგუმენტის გარეშე, ცალკე ბაზისთვის — reset-admin.bat data-cloudhotel (Activi-ის პროგრამა ჯერ უნდა დაიხუროს; ქსელში — მთავარ კომპიუტერზე). დაუკავშირდით მხარდაჭერას (თავი დახმარება).

ყურადღება: „ბაზის სრული განულება“ (პარამეტრები → მონაცემები) პაროლის აღდგენის გზა არ არის — ის ყველა მონაცემს შლის.