ანგარიშები: დატვირთვა, ADR, RevPAR, შემოსავალი წყაროებით და დღის სიები

სასტუმროს ციფრები ორ გვერდზეა: „სასტუმროს ანგარიშები“ (დატვირთვა და ფასი) და „ანგარიშები“ (ჩეკები, პროდუქცია, თანამშრომლები). ორივე — ადმინისტრატორსა და მენეჯერს.

სასტუმროს ანგარიშები

პერიოდი: „დღეს“, „7 დღე“, „30 დღე“ (ნაგულისხმევი), „ეს თვე“, „3 თვე“, „წელი“ ან თარიღებით. ღილაკები „CSV“ და „Excel“ ჩამოტვირთავს დღიურ ცხრილს (დღე, გაყიდული ოთახი, დატვირთვა %, ოთახის შემოსავალი), ჯამებს, ADR-ს, RevPAR-ს და წყაროებს.

მთავარი მაჩვენებლები

„გაყიდულად“ ითვლება ყოველი ღამე, რომელსაც დაჯავშნილი, შესახლებული ან გაწერილი ჯავშანი იკავებს (გაუქმებული და no-show — არა), ოთახის შემოსავალი კი ჯავშნის ფასია, თანაბრად გაყოფილი მის ღამეებზე. ამიტომ დატვირთვა და ADR ითვალისწინებს მომავალ ჯავშნებსაც, თუ პერიოდი მომავალს მოიცავს (მაგ. „ეს თვე“ — ეს არის თვის პროგნოზიც).

შენიშვნა: ADR/RevPAR-ის ოთახის შემოსავალი (ჯავშნის ფასი ღამეების მიხედვით) და „შემოსავალი წყაროებით“ → „ოთახები“ (გაწერის ჩეკები გაწერის დღით) სხვადასხვა რამეა და ერთმანეთს არ დაემთხვევა: პირველი აჩვენებს, რა გაიყიდა პერიოდის ღამეებში, მეორე — რა ფული გადაიხადეს პერიოდში.

დატვირთვა დღეების მიხედვით

სვეტოვანი გრაფიკი — ყოველი დღის დატვირთვა %; სათაურში — ოთახების რაოდენობა, no-show და გაუქმება (ჯავშნები, რომელთა შესვლის დღე პერიოდშია).

შემოსავალი წყაროების მიხედვით

„ოთახები — გაწერის ჩეკებიდან; ბარი, რესტორანი და მინიბარი — გაყიდვის დღით (ნომერზე ჩაწერილიც). ავანსი შემოსავალი არ არის, სანამ სტუმარი არ გაიწერება.“

ფული პერიოდში

„მიღებული ავანსები“, „ავანსიდან დაფარული“ (გაწერებსა და ჯარიმებში), „ნომერზე ჩაწერილი (ბარი, რესტორანი, მინიბარი)“ და „ნომერზე ჩაწერილიდან გადახდილი“. სხვაობა „მიღებულსა“ და „დაფარულს“ შორის — ჯერ გაუწერელი სტუმრების ავანსი; „ჩაწერილსა“ და „გადახდილს“ შორის — სასტუმროში მყოფების ბარი და რესტორანი.

დღის სიები

ქვემოთ სამი სია, ყოველთვის დღევანდელი (პერიოდისგან დამოუკიდებლად): „მოსვლა დღეს“, „გასვლა დღეს“ (გადაცილებულების ჩათვლით), „სასტუმროშია“ — ოთახი, სტუმარი, თარიღები, ჯგუფი. დილის შეხვედრისთვის მოსახერხებელია.

ანგარიშები და მიმოხილვა

გვერდი „ანგარიშები“ იგივეა, რაც Activi POS-ში: შემოსავალი და მოგება პერიოდით, კატეგორიები, ტოპ პროდუქცია, თანამშრომლების მიხედვით, გადახდის მეთოდები — ბარისა და რესტორნისთვის სასარგებლო. ოთახის ღამეები აქ ცალკე „პროდუქტებად“ ჩანს (თითო გაწერის ჩეკის ხაზი). დაწვრილებით — Activi POS-ის სახელმძღვანელო.

„მიმოხილვა“ — დღის მოკლე სურათი (თავი პროგრამის ფანჯარა).

შენიშვნა: 2.38-ში არ არის: ანგარიში ჯავშნის წყაროს მიხედვით (Booking.com, ტელეფონი…), სტუმრების სტატისტიკა მოქალაქეობის მიხედვით, ფასების პროგნოზი და სტატისტიკის სამსახურის ფორმა. წყარო და მოქალაქეობა ინახება ჯავშანსა და სტუმრის ბარათში — საჭიროებისას გამოიყენეთ სტუმრების Excel (თავი სტუმრები).