ანგარიშები: შემოსავალი, მოგება, პროდუქცია და მოლარეები

ანალიტიკა რამდენიმე გვერდზეა. ყველა მათგანი (გარდა „გაყიდვებისა“) ადმინისტრატორისა და მენეჯერისთვისაა; თვითღირებულება და მოგება ჩანს მხოლოდ უფლებით „თვითღირებულება და მოგება“.

მიმოხილვა (დღევანდელი დღე)

• ფილები (გუშინდელთან შედარებით): „დღევანდელი შემოსავალი“, „ჩეკები“, „საშუალო ჩეკი“, „მოგება (დღეს)“;
• „შემოსავალი · ბოლო 14 დღე“ — გრაფიკი შემოსავლითა და მოგებით;
• „გადახდის მეთოდები · დღეს“ — ნაღდი, ბარათი, ნისია;
• „ბოლო გაყიდვები“ — ბოლო 8 ჩეკი (დაჭერით იხსნება ჩეკი; „ყველა“ — გვერდი „გაყიდვები“);
• „ტოპ პროდუქცია · 30 დღე“;
• „მარაგი იწურება“ — პროდუქცია, რომლის ნაშთი მინიმუმს არ აღემატება; „მარაგის შეტანა →“ გადაგიყვანთ მარაგზე.

მიმოხილვა მხოლოდ დღევანდელ დღეს აჩვენებს; პერიოდის ანალიზისთვის გამოიყენეთ „ანგარიშები“.

ანგარიშები

გვერდი „ანგარიშები“ („შემოსავალი, მოგება და გაყიდვების ანალიტიკა“).

პერიოდი: „დღეს“, „7 დღე“, „30 დღე“ (ნაგულისხმევი), „ეს თვე“, „3 თვე“, „წელი“ ან თარიღები ხელით.

ფილები:

ქვემოთ:

• „შემოსავალი და მოგება დღეების მიხედვით“ — სვეტოვანი გრაფიკი;
• „კატეგორიების მიხედვით“ — შემოსავლის წილი კატეგორიებზე;
• „გადახდის მეთოდები“ — ნაღდი, ბარათი, ნისია (თანხა და პროცენტი);
• „მოლარეები“ — თითოეული თანამშრომლის ჩეკები და შემოსავალი;
• „ტოპ 15 პროდუქტი“ — გაყიდული რაოდენობა, შემოსავალი, მოგება და მარჟა; სათაურთან — პერიოდის დაბრუნებები.

ანგარიშებში ითვლება მხოლოდ შესრულებული (დაუბრუნებელი) გაყიდვები.

ჩამოტვირთვა

ღილაკი „Excel“ ჩამოტვირთავს ანგარიშს CSV ფაილად (cloudpos-report_…csv), რომელიც Excel-ში იხსნება: შეჯამება, დღეები, პროდუქცია და კატეგორიები. CSV ფაილად ჩამოიტვირთება სიები სხვა გვერდებიდანაც — „გაყიდვები“, „პროდუქცია“, „მარაგი“, „მომხმარებლები“, „მომწოდებლები“.

ხარჯები

გვერდი „ხარჯები“ („იჯარა, ხელფასები და სხვა საოპერაციო ხარჯები“) ინახავს ხარჯებს, რომლებიც „ანგარიშებში“ წმინდა მოგებიდან აკლდება.

1. „ახალი ხარჯი“ → „თარიღი“, „თანხა (₾)“, „კატეგორია“ (იჯარა, კომუნალური, ხელფასი, ტრანსპორტი, მარკეტინგი, გადასახადი, სხვა), „შენიშვნა“.
2. დღგ-ს გადამხდელისთვის — მონიშვნა, რომ თანხა დღგ-ს ჩათვლითაა.
3. „შენახვა“.

ხარჯის წაშლას სჭირდება უფლება „ჩანაწერების წაშლა“. თუ ხარჯი სალაროს ნაღდიდან გადაიხადეთ, გაატარეთ „ნაღდის გატანაც“ (თავი სალარო და დღის დახურვა).

ინვოისები

გვერდი „ინვოისები“ გამოწერს ინვოისს კომპანიის რეკვიზიტებით — ქართულად, ინგლისურად ან რუსულად, ვალუტით GEL, USD, EUR, GBP ან RUB. ინვოისში მითითებული დღგ (%) ნეტო თანხას ემატება (სალაროსგან განსხვავებით, სადაც ფასი დღგ-ს შეიცავს). ინვოისის სტრიქონები თავისუფალი ტექსტია: ინვოისი მარაგს, გაყიდვებს და ბუღალტერიას არ ცვლის. ინვოისი იბეჭდება ღილაკით „ბეჭდვა“, სტატუსი იცვლება ღილაკებით „გადახდილად მონიშვნა“ და „გაუქმება“. ინვოისიდან შეიძლება RS.ge-ს ზედნადების ან ანგარიშ-ფაქტურის შევსება (თავი RS.ge).