Activi
Activi POS · თავი 19

ბუღალტერია Activi POS-ში (მოკლედ)

Activi POS-ში ჩაშენებული ბუღალტერია: ავტომატური გატარებები გაყიდვებიდან, დაბრუნებებიდან, მიღებებიდან და ხარჯებიდან, მენიუს გვერდები, პირველი დაყენება, პარამეტრები, უფლებები და დაკავშირება Activi ბუღალტერიასთან სხვა კომპიუტერზე.

Activi POS-ში ჩაშენებულია ბუღალტერია („ორმაგი ჩანაწერი, ორი საბაზო ვალუტა, ანალიტიკა, ანგარიშგება — ყველა ოპერაცია ავტომატურად ტარდება“). ყველა ოპერაცია — გაყიდვა, დაბრუნება (მთლიანი და ნაწილობრივი), საქონლის მიღება, ჩამოწერა, ინვენტარიზაცია, ხარჯი, ნისია და მისი დაფარვა, მომწოდებლის გადახდა, ნაღდის შემოტანა/გატანა — ბუღალტერიაში თავისით ტარდება. ბუღალტერს ხელით გადატანა არ სჭირდება.

ეს თავი მოკლე მიმოხილვაა; ბუღალტერიის შესახებ — გვერდზე Activi ბუღალტერია.

როდის ჩანს

მენიუს ჯგუფი „ბუღალტერია“ ჩანს:

  • საცდელ პერიოდში — ყოველთვის;
  • ლიცენზიით — თუ მასში შედის მოდული „ბუღალტერია“ („პარამეტრები“ → „ლიცენზია“ → „ჩართული მოდულები“, თავი ლიცენზია); ფასები და პაკეტები — გვერდზე ფასები;
  • თანამშრომელს — თუ აქვს უფლება „ბუღალტერია: ნახვა“ (ადმინისტრატორს და მენეჯერს — ნაგულისხმევად; მოლარეს შეიძლება მიეცეს — თავი მომხმარებლები და უფლებები).

პირველი დაყენება

პირველად გახსნისას გვერდი „ბუღალტერია“ გთავაზობთ „ორგანიზაციის დაყენებას“ („ბუღალტერიის სრული ვერსია: ანგარიშთა გეგმა ორგანიზაციის სახით, ვალუტები, თვითღირებულების მეთოდი“): ორგანიზაციის სახე (სამეწარმეო, საჯარო ან მიკროსაფინანსო), დასახელება და საიდენტიფიკაციო კოდი, დღგ-ს გადამხდელობა, მეორე საბაზო ვალუტა, მარაგის თვითღირებულების მეთოდი (ნაგულისხმევად „საშუალო შეწონილი“), აღრიცხვის დაწყების თარიღი და ანგარიშთა გეგმა. დააჭირეთ „დაყენება“ ან „მოგვიანებით“.

ბუღალტერია: ორგანიზაციის დაყენება
ბუღალტერია: ორგანიზაციის დაყენება

მენიუს გვერდები

გვერდიმოკლედ
ბუღალტერიამიმოხილვა: ძირითადი ციფრები
რეალიზაცია, შესყიდვებიგაყიდვებისა და შესყიდვების ჟურნალები
სამეურნეო ოპერაციებიბუღალტრული დოკუმენტები
ფული: სალარო და ბანკინაღდი და საბანკო ოპერაციები
ჟურნალი (გატარებები)ყველა გატარება
კონტრაგენტები და ვალებიდებიტორები და კრედიტორები
მარაგები, ძირითადი საშუალებებიმარაგის და ძირითადი საშუალებების აღრიცხვა
ხელფასი და დივიდენდიხელფასის დარიცხვა (ხელფასი ეთითება თანამშრომლის ბარათში)
კრედიტები, წარმოებასესხები; წარმოების აღრიცხვა
გადასახადები და RS.geბიუჯეტის გადასახადები, დღგ, RS.ge-ს ზედნადებები და ანგარიშ-ფაქტურები (თავი RS.ge)
ანგარიშგებაფინანსური ანგარიშგება (უფლებით „ბუღალტერია: ანგარიშგება“)
ვალუტა და კურსებიკურსები და სავალუტო ოპერაციები
სერვისების ჩაბმასხვა Activi პროგრამების ბუღალტერიის მიერთება

პარამეტრები

ბუღალტერიის პარამეტრები 2.38-დან არის „პარამეტრები“ → ჩანართი „ბუღალტერია“: ორგანიზაცია, ანგარიშთა გეგმა, ანალიტიკა, პერიოდები, საწყისი ნაშთები, წვდომა, SARAS მუხლები, აუდიტი და API. ორგანიზაციის დასახელება, ს/კ, მისამართი და დღგ ერთხელ შეიყვანება — „მაღაზია“ ჩანართში („ერთხელ შეიყვანება — ბუღალტერიაც, ფაქტურებიც და ანგარიშგებაც აქედან იღებს“). თანამშრომელი, რომელსაც ბუღალტერიის უფლება აქვს, მაგრამ ადმინისტრატორი არ არის, „პარამეტრებში“ მხოლოდ ამ ჩანართს ხედავს.

პარამეტრები → ბუღალტერია
პარამეტრები → ბუღალტერია

უფლებები

ბუღალტერიისთვის თანამშრომლის ბარათში ცალკე უფლებებია („ინდივიდუალური უფლებები“): „ბუღალტერია: ნახვა“, „დოკუმენტების და გატარებების შეყვანა“, „ანგარიშგება“, „ხელფასები (პირადი მონაცემები)“, „ანგარიშთა გეგმა და პარამეტრები“, „დახურული პერიოდის გახსნა“, „სხვა პროგრამების ჩაბმა“. ადმინისტრატორსა და მენეჯერს ისინი ნაგულისხმევად აქვთ, მოლარეს — არა.

Activi ბუღალტერია სხვა კომპიუტერზე

თუ ბუღალტერი ცალკე პროგრამით — Activi ბუღალტერია — მუშაობს, მას შეუძლია მაღაზიის ბუღალტერია ქსელით წაიკითხოს (მხოლოდ წაკითხვით): მაღაზიის ადმინისტრატორი „პარამეტრები“ → „ინტეგრაციები“ → „ბუღალტერიასთან დაკავშირება“ → „კოდის მიღება“ იღებს ერთჯერად კოდს (მოქმედებს 10 წუთი; ასეთი კავშირი ლიცენზიის ადგილს არ იკავებს და პაროლი არ გადაეცემა), ბუღალტერი კი თავის პროგრამაში — „სერვისების ჩაბმა“ → „პროგრამის დაკავშირება“ — წერს მისამართს და კოდს. მაღაზიის მონაცემებს ბუღალტერია ვერ ცვლის.

ბუღალტერიასთან დაკავშირება: ერთჯერადი კოდი
ბუღალტერიასთან დაკავშირება: ერთჯერადი კოდი

ბუღალტერიასთან დაკავშირებული კითხვებით მოგვწერეთ კონტაქტის გვერდიდან ან info@activi.ge. იხილეთ ასევე ბლოგის სტატია ბუღალტერია მცირე ბიზნესისთვის.

ვერ იპოვეთ პასუხი? დააჭირეთ პროგრამაში დახმარების ღილაკს, მოგვწერეთ ან დაგვირეკეთ: +995 322424022.