დახმარება და დისტანციური მხარდაჭერა (Activi Remote)

თუ რამე არ გამოგდით, დახმარების მოთხოვნა პროგრამიდან პირდაპირ შეიძლება — ტექსტით, ეკრანის სურათით და თქვენი ტელეფონის ნომრით.

დახმარების ღილაკი

ყველა გვერდის ზედა ზოლში არის ღილაკი „დახმარება“ (სამაშველო რგოლის ხატულა). ის ყველა თანამშრომლისთვის ხელმისაწვდომია.

1. დააჭირეთ „დახმარება“. პროგრამა მაშინვე იღებს ეკრანის სურათს — ზუსტად იმას, რასაც ამ წამს ხედავთ.
2. „რას ეხება“ — აირჩიეთ თემა: „სალარო / ჩეკი“, „პრინტერი“, „ბარათის ტერმინალი“, „პროდუქცია / მარაგი“, „RS.ge“, „შესვლა / პაროლი“ ან „სხვა“.
3. „რა ხდება“ — დაწერეთ ორიოდე სიტყვით (მაგალითად „ჩეკი არ იბეჭდება“).
4. თუ მუშაობა გაჩერებულია და გაყიდვა ვერ ხერხდება, მონიშნეთ „სასწრაფოა“.
5. შეამოწმეთ „რომელ ნომერზე დაგირეკოთ“.
6. დააჭირეთ „გაგზავნა“.

გაგზავნის შემდეგ ჩანს „მოთხოვნა მიღებულია“ და რომელ ნომერზე დაგირეკავთ.

რა იგზავნება: მაღაზიის სახელი, პროგრამის ვერსია, Activi Remote-ის ნომერი და ეკრანის სურათი. გაყიდვების და კლიენტების მონაცემები არ იგზავნება. თუ ეკრანის სურათის გაგზავნა არ გსურთ, დააჭირეთ „არ დაერთოს“. გაგზავნას ინტერნეტი სჭირდება.

Activi Remote — დისტანციური დახმარება

Activi POS-თან ერთად დგება Activi Remote — პროგრამა, რომლითაც ჩვენი ტექნიკოსი თქვენს ეკრანს დაინახავს და პრობლემას ადგილზე მოსვლის გარეშე მოაგვარებს. თქვენი ნებართვის გარეშე ჩართვა შეუძლებელია.

ამ კომპიუტერის ნომერი ჩანს ორ ადგილას:

• დახმარების ფანჯარაში — „ამ კომპიუტერის ნომერი დისტანციური დახმარებისთვის (Activi Remote)“, კოპირების ღილაკით და ღილაკით „გახსნა“;
• „პარამეტრები“ → „ლიცენზია“ → ბარათი „დისტანციური დახმარება“ — „ამ კომპიუტერის ნომერი“ და ღილაკი „Activi Remote-ის გახსნა“.

როცა ტექნიკოსი დაგიკავშირდებათ, Activi Remote-ში გამოჩნდება მისი მოთხოვნა — დაადასტურეთ „მიღება“.

თუ წერია „Activi Remote ამ კომპიუტერზე არ არის“, ხელახლა დააყენეთ Activi POS (ინსტალერი მას თან მოაქვს) ან ჩამოტვირთეთ ცალკე: Activi Remote.

ავტომატური შეტყობინება შეცდომაზე

„პარამეტრები“ → „ლიცენზია“ → „დისტანციური დახმარება“ ბარათში არის გადამრთველი „შეცდომის შემთხვევაში ავტომატურად გვაცნობოს“ (ნაგულისხმევად ჩართულია). პროგრამის შეცდომისას Activi იღებს შეცდომის ტექსტს, ვერსიას და მაღაზიის სახელს — ჩეკები, მომხმარებლები და ფასები არ იგზავნება. ასე ხარვეზზე მუშაობას თქვენს დარეკვამდე ვიწყებთ.

კონტაქტები

• ვებგვერდი: activi.ge — კონტაქტი, ასევე ჩატი საიტის კუთხეში;
• პროგრამაში: „პარამეტრები“ → „მაღაზია“ → „მხარდაჭერის კონტაქტები“ — ტელეფონი, ელფოსტა და ვებგვერდი, რომლებიც ჩანს ლიცენზიის ბლოკის ეკრანზე. ნაგულისხმევად: info@activi.ge და https://activi.ge. შეგიძლიათ ჩაწეროთ თქვენი ტექნიკოსის ან Activi-ის ტელეფონი, რომ ბლოკის შემთხვევაში თანამშრომლებმა იცოდნენ, ვის დაურეკონ.

რჩევა: დარეკვამდე მოამზადეთ ამ კომპიუტერის Activi Remote-ის ნომერი და პროგრამის ვერსია (ჩანს მენიუს ბოლოში, მაგალითად „Activi POS v2.36.1“) — ასე დახმარება უფრო სწრაფია.