ლიცენზია: საცდელი პერიოდი, კოდის მიბმა, მოდულები, სამუშაო ადგილები

Activi Hotel ლიცენზიით მუშაობს, რომელიც კონკრეტულ კომპიუტერზეა მიბმული (ქსელში — მთავარ კომპიუტერზე, სადაც ბაზაა).

საცდელი პერიოდი

ახალი ბაზის შექმნიდან 30 დღე პროგრამა სრულად მუშაობს ლიცენზიის გარეშე — ყველა შესაძლებლობით (ბუღალტერიისა და RS.ge-ს ჩათვლით), კომპიუტერების შეზღუდვის გარეშე. დარჩენილი დღეები ჩანს გვერდის თავში („საცდელი პერიოდი — დარჩა 30 დღე“) და შესვლის ფანჯარაში.

ლიცენზიის კოდის მიბმა

1. „პარამეტრები“ → „ლიცენზია“.
2. ბარათში „ლიცენზია და კლიენტის მიბმა“ → „ლიცენზიის კოდი“ (XXXXX-XXXXX-XXXXX-XXXXX).
3. „მიბმა და გააქტიურება“ (ინტერნეტი სჭირდება).

მიბმის შემდეგ ჩანს: „კლიენტი“, „ს/კ“, „პაკეტი“, „ვადა“, „სამუშაო ადგილები“, „ბოლო გადამოწმება“, „ჩართული მოდულები“, „ამ კომპიუტერის ID“; ღილაკები „გადამოწმება“, „კოდის შეცვლა“, „ლიცენზიის გათავისუფლება ამ კომპიუტერიდან“.

მოდულები

• „სასტუმრო“ (hotel) — აუცილებელია Activi Hotel-ისთვის. ბარი, რესტორანი და სამზარეულო მასში შედის — ცალკე „რესტორნის“ მოდული საჭირო არ არის. თუ ლიცენზიაში სასტუმრო არ არის, პროგრამა ამბობს „სასტუმრო თქვენს ლიცენზიაში არ შედის“.
• „ბუღალტერია“ — თუ არ შედის, მენიუში ბუღალტერიის ჯგუფი და RS.ge-ს ზედნადებები არ ჩანს.

შენიშვნა: activi.ge-ზე სასტუმროს პაკეტები („Hotel Start“, „Hotel Pro“, „Hotel Enterprise“) ფასით და მომსახურებით განსხვავდება; პროგრამაში 2.38-ში სასტუმროს ფუნქციები პაკეტით არ იზღუდება — რაც ლიცენზიაში მოდულებად და სამუშაო ადგილებად წერია, ის მოქმედებს.

სამუშაო ადგილები

ადგილს იკავებს ყოველი მოწყობილობა, რომლითაც თანამშრომელი შედის — რეცეფციის კომპიუტერი, ბარის სალარო, ტაბლეტი, მენეჯერის კომპიუტერი. ადგილი თავისუფლდება 30 დღის უმოქმედობის შემდეგ ან „მოხსნით“ (თავი ქსელი და ბაზები).

ინტერნეტის გარეშე

პროგრამა ლიცენზიას ამოწმებს ჩართვისას და ყოველ 6 საათში. ინტერნეტის გარეშე მუშაობს იმდენ დღეს, რამდენსაც ლიცენზია უშვებს (ნაგულისხმევად 7 დღე); 3 დღით ადრე ჩნდება გაფრთხილება, ვადის მოახლოებისას (7 დღით ადრე) — „ლიცენზიის ვადა იწურება N დღეში“.

როცა ლიცენზია არ მოქმედებს

საცდელი პერიოდის ან ვადის გასვლისას, შეჩერებისას ან ოფლაინ ვადის ამოწურვისას პროგრამა იბლოკება — რეცეფციაც, ბარიც და ტაბლეტებიც. ადმინისტრატორი იქვე წერს კოდს; სხვები ხედავენ „მიმართეთ ადმინისტრატორს ან დაუკავშირდით მხარდაჭერას“. მონაცემები არ იშლება — ლიცენზიის აღდგენისთანავე ყველაფერი ადგილზეა.

რჩევა: სასტუმრო ღამითაც მუშაობს — ვადის გაფრთხილება ნუ გადადებთ. ლიცენზიის განახლება დაგეგმეთ ვადამდე, რომ ღამის ცვლა დაბლოკილ ეკრანს არ შეხვდეს.

კომპიუტერის შეცვლა

ძველ კომპიუტერზე (ინტერნეტით) — „ლიცენზიის გათავისუფლება ამ კომპიუტერიდან“, ახალზე — იგივე კოდი. ძველი თუ აღარ მუშაობს — დაგვიკავშირდით.