სტუმრები: ოჯახები, ბავშვები და ვიზიტების ისტორია

გვერდი „სტუმრები“ („ოჯახები და ბავშვები — ყოველი შემოსვლა აქ ინახება; ძებნა ტელეფონით, მშობლის ან ბავშვის სახელით“) არის ცენტრის კლიენტების ბაზა. ის თავისით ივსება: ყოველი რეგისტრაციისას (ერთი ბავშვი თუ ჯგუფი) პროგრამა ინახავს მშობელს, ტელეფონს და ბავშვების სახელებს. ოჯახი ტელეფონის ნომრით იცნობა — ერთ ნომერზე ერთი ოჯახია.

სია და ძებნა

• ზემოთ სამი მაჩვენებელია: „ოჯახები“ (ძებნისას — „ნაპოვნი ოჯახები“), „ბავშვები“ და „ბარათით“ (რამდენ ოჯახს აქვს კლიენტის ბარათი).
• ველში „ტელეფონი, მშობელი, ბავშვი…“ აკრიფეთ ნომრის ნაწილი ან სახელი.
• სვეტები: „მშობელი“ (ქვეშ — „ახლა შიგნითაა“ ან შენიშვნა), „ტელეფონი“, „ბავშვები“, „ვიზიტი“, „ბოლოს“, „ბარათი“ (კოდი და ბალანსი).
• ხაზზე ან ფანქრის ღილაკზე დაჭერა ხსნის ოჯახის ბარათს.

ეს გვერდი ყველა როლისთვისაა; სტუმრის წაშლა შეუძლიათ მხოლოდ ადმინისტრატორს და მენეჯერს.

ოჯახის ბარათი

ბარათის სათაურში — მშობლის სახელი და „N ვიზიტი · სიაშია … -დან“. ველები:

• „მშობლის სახელი და გვარი“ (სავალდებულო) და „ტელეფონი“;
• „ბავშვები“ — თითოეულს სახელი და დაბადების თარიღი; „ბავშვის დამატება“ ამატებს ხაზს, ✕ შლის;
• „შენიშვნა“ (500 სიმბოლომდე) — „მაგ. ალერგია, დაბადების დღე, სასურველი პაკეტი…“; შენიშვნა სიაში მშობლის სახელის ქვეშ ჩანს;
• „ვიზიტები“ — ამ ტელეფონით შესული ყველა ვიზიტი (ბოლო 100): „თარიღი“, „ბავშვი“, „პაკეტი“, „სამაჯური“ და „თანხა“ (შესვლა + დროის დამატება + ბარათის ზედმეტი დრო).

ცვლილების შემდეგ დააჭირეთ „შენახვა“. „წაშლა“ ოჯახს მხოლოდ სიიდან შლის: „ვიზიტები და გადახდები რჩება.“

ახალი სტუმრის დამატება

ოჯახის წინასწარ დასამატებლად (მაგალითად დაბადების დღის დაგეგმვისას):

1. დააჭირეთ „ახალი სტუმარი“.
2. ჩაწერეთ მშობელი და ტელეფონი. აკრეფისას ქვემოთ ჩნდება „უკვე სიაშია — დააჭირეთ გასახსნელად“ — თუ ოჯახი უკვე არის, გახსენით ის, ნაცვლად ახლის შექმნისა.
3. დაამატეთ ბავშვები და მათი დაბადების თარიღები, საჭიროებისას — შენიშვნა.
4. დააჭირეთ „შენახვა“ — „სტუმარი დაემატა“.

თუ ეს ტელეფონი სხვა ოჯახს უკვე აქვს, პროგრამა შეგატყობინებთ: „ამ ტელეფონით სტუმარი უკვე არის“.

რჩევა: ტელეფონი ციფრებით შედარდება — 599 10 20 30, 599102030 და +995 599 10 20 30 ერთი და იგივე ოჯახია. ძებნა შენიშვნის ტექსტშიც ეძებს (მაგ. „ალერგია“).