დაბადების დღეები: ჯავშანი, შეკვეთა, ავანსი და ანგარიშსწორება

გვერდი „დაბადების დღეები“ (მენიუ „მთავარი“) ცენტრის წვეულებების კალენდარია: ვინ, როდის, რამდენი სტუმრით, რა შეკვეთით და რამდენი ავანსი გადაიხადა.

კალენდარი

ზემოთ გადამრთველით აირჩიეთ ხედი: „დღე“, „კვირა“ ან „თვე“. თითო წვეულება კალენდარში ფერადი ზოლია — ფერი სტატუსს აჩვენებს (ლეგენდა კალენდრის თავზეა). ზოლზე დაჭერა ჯავშანს ხსნის.

ახალი დაბადების დღე ნაბიჯ-ნაბიჯ

1. დააჭირეთ „ახალი დაბადების დღე“.
2. შეავსეთ „თარიღი“, „დაწყება“ და „დასრულება“, „სტუმრების რაოდენობა“.
3. „მშობელი / საკონტაქტო პირი“ და „ტელეფონი“.
4. „იუბილარ(ებ)ი — სახელი და ასაკი“ — ერთზე მეტი ბავშვისთვის „+ კიდევ ერთი იუბილარი“.
5. შეკვეთა (იხ. ქვემოთ) და „შენიშვნა“ — ტორტი, თემა, სხვა სურვილები.
6. „შენახვა“.

შეკვეთა

ბლოკში „შეკვეთა (პაკეტი / პროდუქტები)“ სამი სახის ხაზი ემატება:

• „პროდუქტი (საკვები, სასმელი)“ — კაფეს პროდუქცია; ჯერ არარსებულისთვის „+ ახალი პროდუქტი“;
• „გართობა / პაკეტი“ — ცენტრის პაკეტები (მაგ. „პაკეტი — 1 საათი“ × სტუმრების რაოდენობა);
• „+ სხვა სერვისი (ანიმატორი, დეკორი…)“ — თავისუფალი ხაზი თქვენი დასახელებითა და ფასით.

რაოდენობა და ფასი ხაზზევე იცვლება, ჯამი ზემოთ ჩანს.

სტატუსი

ავანსი

ქვემოთ მარცხნივ ჩანს „შეკვეთა“, „ავანსი“ და „გადასახდელი“, ქვემოთ — გადახდილი ავანსების სია. ავანსის მისაღებად ჩაწერეთ თანხა ველში „ავანსი ₾“ და დააჭირეთ „ავანსი ნაღდით“ ან „ბარათით“. ავანსი სალაროში ავანსად ინახება — შემოსავლად ჯერ არ ითვლება.

ანგარიშსწორება

წვეულების დღეს დააჭირეთ „ანგარიშსწორება ნაღდით“ ან „ბარათით“. ეს ჩვეულებრივი სალაროს გაყიდვაა (ჩეკი, მარაგის ჩამოწერა, X/Z): ავანსი ავტომატურად აკლდება, ხოლო თუ ავანსი შეკვეთაზე მეტი იყო, ზედმეტი ხურდად ბრუნდება. ჯავშანი გადადის სტატუსში „ჩატარებული“.

თუ ანგარიშსწორების ჩეკს „ჩეკებში“ დააბრუნებთ, ჯავშანი ხელახლა იხსნება და პროდუქცია მარაგში ბრუნდება (თავი ჩეკები და დაბრუნება).

ჯერ არ არის: SMS-შეხსენება მშობლისთვის და იუბილარების ტაიმერი („შემოსვლებივით“) ჯერ არ არის — დაბადების დღის სტუმრების დრო ცალკე არ ითვლება.