შემოსვლის რეგისტრაცია: მშობელი, ბავშვი, სამაჯური და პაკეტი
როგორ დავარეგისტრიროთ ბავშვის შემოსვლა Activi გასართობ ცენტრში: მშობლის და ბავშვის მონაცემები, სამაჯურის კოდი, პაკეტის არჩევა, სოციალური ფასდაკლება, გადახდა ნაღდით ან ბარათით და შესვლა კლიენტის ბარათით.
გვერდი „შემოსვლები“ გასართობი ცენტრის მთავარი ეკრანია — ის ყველა მომხმარებელს შესვლისთანავე უხსნება. მარცხნივ არის ფორმა „ახალი შემოსვლა“ („მშობელი, ბავშვი, სამაჯური და პაკეტი“), მარჯვნივ — „აქტიური ვიზიტები“, ანუ ყველა ბავშვი, ვინც ახლა შიგნითაა (თავი აქტიური ვიზიტები და ტაიმერები).
ერთი ბავშვის რეგისტრაცია ნაბიჯ-ნაბიჯ
- ველში „მშობლის სახელი და გვარი“ ჩაწერეთ მშობლის სახელი (სავალდებულოა; ეკრანზე ველს ვარსკვლავი აქვს).
- „ბავშვის სახელი“ — სურვილისამებრ, მაგრამ სასარგებლოა: დაფაზე და ჩეკის ისტორიაში ბავშვი სახელით ჩანს.
- „ტელეფონი“ — სავალდებულოა. ტელეფონით პოულობს პროგრამა ოჯახს შემდეგ ვიზიტზე.
- „სამაჯურის კოდი“ — დაასკანერეთ ან აკრიფეთ სამაჯურზე დაბეჭდილი კოდი. თუ ცარიელს დატოვებთ („ავტომატური“), პროგრამა თავად მიანიჭებს თავისუფალ 6-ნიშნა კოდს — ის ჩანს რეგისტრაციის შემდეგ.
- „კლიენტის ბარათი“ — ცარიელი დატოვეთ, თუ ოჯახს ბარათი არ აქვს (ბარათით შესვლა — ქვემოთ).
- „პაკეტი“ — დააჭირეთ სასურველ პაკეტს. თითოეულზე წერია დასახელება, ხანგრძლივობა (მაგ. „1სთ 00წთ“) და ფასი. არჩეულს აქვს ✓ ნიშანი.
- აირჩიეთ გადახდის სახე: „ნაღდი“ ან „ბარათი“.
- შეამოწმეთ „გადასახდელი“ და დააჭირეთ „რეგისტრაცია“ (ან
Enter).
რეგისტრაციის შემდეგ:
- ჩნდება შეტყობინება „დარეგისტრირდა — სამაჯური 304508“ და ფანჯარა „გადახდა წარმატებულია“ ჩეკით. თუ „ავტომატური ჩეკის ბეჭდვა“ ჩართულია, ჩეკი თავად იბეჭდება და ფანჯარა იხურება; სხვა შემთხვევაში დააჭირეთ „ბეჭდვა“ ან „კარგი“.
- ფორმის თავში რჩება ზოლი „ბოლო: ნიკოლოზი #304508“ — სამაჯურის კოდი, რომელიც ბავშვს უნდა გაუკეთოთ (ზოლზე დაჭერით ქრება).
- ბავშვი მარჯვნივ, დაფაზე, მწვანე ბარათით ჩნდება და ტაიმერი იწყებს უკუთვლას.
ჩეკზე შესვლა ასე იწერება: „შესვლა — 1 საათი (სამაჯური 304508)“. ჩეკი ინახება გვერდზე „ჩეკები“ და ითვლება სალაროს დახურვისას.
რჩევა: სამაჯურის კოდი ჩეკზეც წერია — თუ მშობელი სამაჯურს დაკარგავს, ბავშვს დაფაზე მშობლის სახელით ან ტელეფონით იპოვით.
ადრე მოსული ოჯახი
როცა ცარიელ ველზე დგებით, ფორმის ქვეშ ჩნდება „ბოლო სტუმრები“. აკრეფისას (მშობლის სახელი, ბავშვის სახელი ან ტელეფონი — პირველივე ასოდან ან ციფრიდან) სია იცვლება „ადრე მოსულებით“:
- თითოეულ ოჯახთან ჩანს ტელეფონი, ვიზიტების რაოდენობა და ბოლო ვიზიტის თარიღი;
- ქვემოთ — ბავშვების სახელების ღილაკები, ოჯახის კლიენტის ბარათი (კოდი და ბალანსი) და, თუ ბავშვი უკვე შიგნითაა, ნიშანი „ახლა შიგნითაა“;
- ოჯახზე დაჭერა ავსებს მშობელს და ტელეფონს (და ბავშვს, თუ ოჯახს ერთი ბავშვი ჰყავს); ბავშვის ღილაკზე დაჭერა ავსებს ამ ბავშვსაც;
- სიის დახურვა — ✕.
ახალი ოჯახი სიაში თავისით ემატება პირველივე რეგისტრაციისას (თავი სტუმრები).
სოციალური ფასდაკლება
თუ „ცენტრის პარამეტრებში“ ჩართულია სოციალური აქცია და ახლა მისი დღე და საათია, ფორმაში ჩნდება მონიშვნა „სოციალურად დაუცველი — 20% ფასდაკლება“ (პროცენტი პარამეტრებიდან მოდის). მონიშვნისას „გადასახდელში“ ძველი ფასი ხაზგადასმულია და ჩანს ფასდაკლებიანი.
- მონიშვნა ქრება, როგორც კი აქციის დრო ამოიწურება (მაშინაც, თუ ფორმა ღიაა). სერვერი ფასს რეგისტრაციისას კიდევ ერთხელ ამოწმებს: „სოციალური ფასდაკლება ამ დროს არ მოქმედებს“.
- ფასდაკლება ჩეკზე ცალკე ჩანს, ხოლო დაფაზე ბავშვს აქვს ნიშანი „−20% სოც.“.
- სოციალური ფასდაკლება ჯგუფზე და კლიენტის ბარათზე არ ვრცელდება.
აქციის დაყენება — თავი ცენტრის პარამეტრები.
გადახდა ბარათით
„ბარათი“ აქ ნიშნავს საბანკო ბარათს (არა კლიენტის ბარათს):
- თუ „პარამეტრები“ → „ინტეგრაციები“ → „გადახდის ტერმინალები“ განყოფილებაში ტერმინალი დამატებული არ არის, გადახდა მაშინვე ბარათით გადახდილად ჩაიწერება;
- თუ ტერმინალი დამატებულია, იხსნება გადახდის ფანჯარა, სადაც მთელი თანხა უკვე ბარათზეა — ტერმინალზე გადახდის შემდეგ დაადასტურეთ (თავი გადახდა). ფანჯრის დახურვისას რეგისტრაცია არ ხდება.
შესვლა კლიენტის ბარათით
ოჯახს, რომელსაც წინასწარ შევსებული კლიენტის ბარათი აქვს (თავი კლიენტის ბარათები), შესვლისას არაფერი ეხდება:
- ველში „კლიენტის ბარათი“ დაასკანერეთ ან აკრიფეთ ბარათის კოდი (მაგ.
C0003). - პროგრამა ბარათს მაშინვე ამოწმებს: ველი მწვანდება და ქვემოთ წერია მფლობელი და ბალანსი — „მარიამ ლომიძე — ბალანსი 0სთ 45წთ“. მშობლის სახელი, ტელეფონი და ბავშვის სახელი ბარათიდან ივსება.
- პაკეტის და გადახდის ნაცვლად ჩანს: „ბარათიდან — გასვლისას ჩამოიჭრება ნახმარი დრო“, „ახლა გადასახდელი“ — 0,00 ₾.
- დააჭირეთ „რეგისტრაცია“. ჩეკი არ იქმნება.
ბავშვის ტაიმერი ბარათის მთელ ბალანსზე იწყება (45 წუთი ბალანსი → 45 წუთი). გასვლისას ბარათიდან მხოლოდ რეალურად ნახმარი წუთები ჩამოიჭრება, ხოლო თუ ბავშვი ბალანსზე მეტხანს დარჩა, ზედმეტი წუთები ბარათის საათის ფასით გადაიხდება.
ბარათის შემოწმების შეცდომები (ველი წითლდება):
| შეტყობინება | მიზეზი |
|---|---|
| „ბარათი ვერ მოიძებნა“ | ასეთი კოდი არ არსებობს |
| „ბარათი გაუქმებულია“ | ბარათი გამორთულია — ჩართვა გვერდზე „კლიენტები (ბარათები)“ |
| „ბარათზე ბალანსი ამოწურულია“ | ბალანსი 0-ია — ჯერ შეავსეთ |
| „ბარათი უკვე გამოიყენება (სამაჯური 201271)“ | ამ ბარათით ბავშვი უკვე შიგნითაა; ერთი ბარათით ერთდროულად ერთი ვიზიტია |
შეცდომები რეგისტრაციისას
| შეტყობინება | რა ვქნათ |
|---|---|
| „შეიყვანეთ მშობლის სახელი და გვარი“ / „შეიყვანეთ ტელეფონი“ | შეავსეთ სავალდებულო ველი |
| „სამაჯურის კოდი 123456 ამჟამად გამოყენებულია“ | ეს კოდი შიგნით მყოფ ბავშვს აქვს — აიღეთ სხვა სამაჯური ან ველი ცარიელი დატოვეთ |
| „სამაჯურის კოდი „…“ არასწორია“ | კოდში მხოლოდ ლათინური ასოები, ციფრები და ტირე (მაქს. 24) შეიძლება; ჰარები თავისით იშლება |
| „პაკეტები არ არის — დაამატეთ პარამეტრებში“ | ყველა პაკეტი გამორთულია — „ცენტრის პარამეტრები“ → „პაკეტები“ |
კითხვები
შეიძლება ბავშვის რეგისტრაცია ტელეფონის გარეშე? არა — ტელეფონი სავალდებულოა, რადგან ის აკავშირებს ვიზიტებს ოჯახთან და მშობელს დასაკავშირებლად სჭირდება.
ორი ბავშვი ერთი მშობლით? გამოიყენეთ „ჯგუფის შესვლა“ — ერთი ჩეკი და ავტომატური ფასდაკლება 3 ბავშვიდან (თავი ჯგუფები). ცალ-ცალკე რეგისტრაციაც შეიძლება.
სხვა სალაროზე დარეგისტრირებული ბავშვი როდის გამოჩნდება ჩემს დაფაზე? დაფა ყოველ 15 წამში ახლდება თავისით.
ვერ იპოვეთ პასუხი? დააჭირეთ პროგრამაში დახმარების ღილაკს, მოგვწერეთ ან დაგვირეკეთ: 599127000.
