Activi გასართობი ცენტრი: მიმოხილვა, დაყენება და პირველი გაშვება

Activi გასართობი ცენტრი (ინსტალერში და Windows-ის სიაში — Activi Fun) არის საბავშვო და ოჯახური გასართობი ცენტრის მართვის პროგრამა: შემოსვლის რეგისტრაცია სამაჯურით, დროის პაკეტები და ტაიმერები, ჯგუფები, წინასწარ შევსებული კლიენტის ბარათები, კაფე-ბარის სალარო რეცეპტებით და საწყობით, სალაროს დახურვა, სტატისტიკა და ბუღალტერია — ერთ ფანჯარაში.

ეს სახელმძღვანელო აღწერს ვერსიას 2.38.

მთავარი ცნებები

ყოველი ფულადი ოპერაცია — შესვლა, დროის დამატება, ბარათის შევსება, ბარათის ზედმეტი დრო, კაფეს გაყიდვა — ჩვეულებრივი ჩეკია: ის ჩანს „ჩეკებში“, ითვლება სალაროს დახურვისას და ბუღალტერიაში თავისით ტარდება.

სისტემური მოთხოვნები

• ოპერაციული სისტემა: Windows 10 ან Windows 11, 64-ბიტიანი.
• დამატებითი პროგრამები: არ სჭირდება — მონაცემთა ბაზა პროგრამაშივეა ჩაშენებული.
• ინტერნეტი: ყოველდღიური მუშაობა ინტერნეტის გარეშეც შეიძლება. ინტერნეტი საჭიროა ლიცენზიის გააქტიურებისა და პერიოდული შემოწმებისთვის, განახლებებისთვის, RS.ge-სთვის და დახმარების მოთხოვნისთვის.
• აპარატურა (არასავალდებულო): ჩეკის პრინტერი, შტრიხკოდის სკანერი (სამაჯურისა და ბარათის კოდის წასაკითხადაც), ფულის უჯრა, ბარათის ტერმინალი, ფისკალური აპარატი, სასწორი — თავი პრინტერი, ფისკალური აპარატი და ტერმინალი.

დაყენება

1. ჩამოტვირთეთ ინსტალერი გვერდიდან activi.ge/download. ფაილს ჰქვია Activi-Fun-Setup-ვერსია.exe (მაგალითად Activi-Fun-Setup-2.38.0.exe).
2. გაუშვით ფაილი. თუ Windows იკითხავს ნებართვას, დაადასტურეთ.
3. წაიკითხეთ და მიიღეთ სალიცენზიო შეთანხმება.
4. საჭიროებისას შეცვალეთ დაყენების საქაღალდე (ჩვეულებრივ ნაგულისხმევი ჯობს).
5. დაასრულეთ. სამუშაო მაგიდაზე და Start მენიუში ჩნდება მალსახმობი „Activi გასართობი ცენტრი“ და პროგრამა თავისით იხსნება.

შენიშვნა: ინსტალერი თან აყენებს Activi Remote-ს — დისტანციური დახმარების პროგრამას (თუ კომპიუტერზე უკვე არის, მეორედ აღარ დგება). რისთვის გამოიყენება — თავი დახმარება და Activi Remote.

პირველი გაშვება: ახალი, დემო თუ არსებული ბაზა

პირველ გაშვებაზე პროგრამა გეკითხებათ: „მოგესალმებით! როგორ დავიწყოთ Activi გასართობი ცენტრი?“ სამი ღილაკით:

დემო ბაზით ვარჯიშის შემდეგ სამუშაო ბაზას შექმნით „პარამეტრები“ → „მონაცემები“ → „ბაზები“ → „ახალი ბაზა“ (თავი ქსელი და მონაცემთა ბაზები).

სად ინახება მონაცემები: ბაზა ინახება Windows-ის მომხმარებლის საქაღალდეში — %APPDATA%\CloudPos\data-cloudfun (დემო და დამატებითი ბაზები — იქვე, db-1, db-2… საქაღალდეებში). პროგრამის წაშლა ან განახლება ბაზას არ შლის.

შესვლა

1. ველში „მომხმარებელი“ აკრიფეთ შესასვლელი სახელი ან დააჭირეთ ისარს და აირჩიეთ თავი სიიდან.
2. ველში „პაროლი“ აკრიფეთ პაროლი. სენსორულ ეკრანზე დააჭირეთ ბადის ხატულას („ციფრული კლავიატურა“) — ეკრანზე გამოჩნდება ციფრების კლავიატურა.
3. მონიშნეთ „დამახსოვრება“, თუ გინდათ, რომ ამ კომპიუტერზე შესვლა დაიმახსოვროს.
4. დააჭირეთ „შესვლა“ (ან Enter).

ქვედა ველი „ბაზა / სერვერი“ აჩვენებს, რომელ ბაზაზე შედიხართ; ზედა მარჯვენა კუთხის ⚙ ღილაკი ხსნის „სერვერების კონფიგურაციას“ (ქსელისთვის). ფანჯრის მარცხენა მხარეს ჩანს პროდუქტის აღწერა: „გასართობი ცენტრის მართვა — სამაჯურები, დროის პაკეტები, ტაიმერები და სალარო.“

საწყისი მომხმარებლები

ყურადღება: საწყისი პაროლები ყველასთვის ცნობილია. პირველივე დღეს შეცვალეთ ისინი: „ჩემი პროფილი“ → „პაროლის შეცვლა“ (თავი თანამშრომლები, უფლებები და პაროლები).

შესვლის შეცდომები

• „მომხმარებლის სახელი ან პაროლი არასწორია“ — შეამოწმეთ, ორივე სწორადაა თუ არა აკრეფილი.
• „კლავიატურა ქართულზეა…“ — შესასვლელი სახელი და პაროლი ლათინური ასოებით იკრიფება. პროგრამა ცდილობს ქართულ განლაგებაზე აკრეფილი სახელის ამოცნობასაც, მაგრამ უმჯობესია კლავიატურა გადართოთ.
• 5 არასწორი ცდის შემდეგ ანგარიში 15 წუთით იბლოკება: „ბევრი მცდელობა — ანგარიში დაიბლოკა 15 წუთით“. ადმინისტრატორს შეუძლია ბლოკი მოხსნას გვერდზე „თანამშრომლები“ (ღილაკი „ბლოკის მოხსნა“).
• „ანგარიში დეაქტივირებულია“ — ადმინისტრატორმა ანგარიში გამორთო.

შესვლის შემდეგ ყველა მომხმარებელი ჯერ „შემოსვლების“ დაფას ხედავს — ეს გასართობი ცენტრის მთავარი სამუშაო ეკრანია. პროგრამა სრულ ეკრანზე იხსნება (F11 — სრული ეკრანის ჩართვა/გამორთვა).

რას შეიცავს სახელმძღვანელო

1. ყოველდღიური სამუშაო მიმღებზე: შემოსვლის რეგისტრაცია, აქტიური ვიზიტები და ტაიმერები, ჯგუფები და დაბადების დღეები, სტუმრები, კლიენტის ბარათები.
2. კაფე და საწყობი: პროდუქცია, რეცეპტები, კაფეს სალარო, გადახდა, დაბრუნება, მარაგი და საწყობი.
3. დღის ბოლოს და ანალიზი: სალაროს დახურვა, სტატისტიკა და ანგარიშები.
4. ადმინისტრირება: ცენტრის პარამეტრები, თანამშრომლები, მოწყობილობები, ქსელი, ბექაპი, ლიცენზია, განახლებები, დახმარება, ბუღალტერია, ხშირი კითხვები.