გვერდი „ცენტრის პარამეტრები“ („პაკეტები, ფასები, ჯგუფი, სოციალური აქცია“) ადმინისტრატორისა და მენეჯერისთვისაა. აქ წყდება, რა ღირს შესვლა და დროის დამატება, როდის ყვითლდება ტაიმერი და რა ფასდაკლება ეკუთვნის ჯგუფს.

ცენტრის პარამეტრები: პაკეტები, დრო და ფასები, ჯგუფი და სოციალური აქცია

გვერდს ორი სახის შენახვა აქვს:

პაკეტები ინახება თითო-თითოდ — თითოეული ხაზის ღილაკით „შენახვა“ (შეცვლილი ხაზის ღილაკი ფერადდება);
დანარჩენი წესები („დრო და ფასები“, „ჯგუფი“, „სოციალური აქცია“) ინახება გვერდის თავის ღილაკით „შენახვა“ — „პარამეტრები შეინახა“.

პაკეტები

პაკეტი არის ის, რასაც მიმღები შესვლისას ირჩევს. თითოეულ ხაზს აქვს:

სვეტი	რა ჩავწეროთ
დასახელება	როგორ გამოჩნდეს ღილაკზე და ჩეკზე, მაგ. „1 საათი“, „ულიმიტო დღე“
წუთი	ხანგრძლივობა წუთებში, 1-დან 1440-მდე; ქვეშ ჩანს „1სთ 00წთ“
ფასი ₾	შესვლის ფასი ერთ ბავშვზე
პირველი გაგრძელება ₾	ამ პაკეტის პირველი „+1 სთ“-ის ფასი (მაგ. „1 საათიანზე“ 10 ₾). ცარიელი („საათობრივი“) — ჩვეულებრივი „გაგრძელება +1 სთ“ ფასი
რიგი	ღილაკების თანმიმდევრობა რეგისტრაციის ფორმაში (ნაკლები — წინ)
აქტიური	გამორთული პაკეტი რეგისტრაციის ფორმაში არ ჩანს

ახალი პაკეტი

დააჭირეთ „პაკეტის დამატება“ — ცხრილს ცარიელი ხაზი ემატება (წუთები: 60).
შეავსეთ დასახელება, წუთი, ფასი და საჭიროებისას პირველი გაგრძელების ფასი.
დააჭირეთ ხაზის „შენახვა“ — „პაკეტი „…“ შეინახა“.

პაკეტის წაშლა

ნაგვის ყუთის ღილაკი. თუ პაკეტით უკვე შემოსულან, ის არ იშლება, მხოლოდ გამოირთვება: „ამ პაკეტით უკვე შემოსულან — ის მხოლოდ გამოირთვება.“ — ძველი ვიზიტები და სტატისტიკა პაკეტის სახელს ინარჩუნებს.

შენიშვნა: თუ ცენტრს ჯერ არც პაკეტი აქვს და არც ერთი ვიზიტი, პროგრამა ორ სტანდარტულ პაკეტს („1 საათი“ — 15 ₾, პირველი გაგრძელება 10 ₾; „2 საათი“ — 25 ₾) თავად აღადგენს. პაკეტის ფასის შეცვლა უკვე შიგნით მყოფ ბავშვებზე არ მოქმედებს.

რჩევა: თუ ცხრილი ეკრანზე ბოლომდე არ ეტევა (ხაზის „შენახვა“ კიდეში იმალება), გადაახვიეთ ცხრილი გვერდულად ან ჩაკეცეთ მენიუ ხატულებად.

დრო და ფასები

ველი	ნაგულისხმევი	რას აკეთებს
გაგრძელება +1 სთ (₾)	5	ყოველი „+1 სთ“-ის ფასი, თუ პაკეტს საკუთარი პირველი გაგრძელების ფასი არ აქვს (ან ეს უკვე მეორე გაგრძელებაა)
ბარათზე 1 საათის ფასი (₾)	12	კლიენტის ბარათის შევსების ფასი საათში და ბარათის ბალანსის ზემოთ ნახმარი წუთების ფასი (წუთობრივად)
ყვითელი ფერი დასრულებამდე (წთ)	10	ამდენი წუთით ადრე ფილა ყვითლდება და ხმოვანი სიგნალი ისმის (0–600)

ჯგუფი

ველი	ნაგულისხმევი	რას აკეთებს
ფასდაკლება ბავშვიდან	3	რამდენი ბავშვიდან ირთვება ჯგუფის ფასდაკლება (მინიმუმ 2)
ავტომატური ფასდაკლება %	10	რა პროცენტი ჩაჯდება თავისით
მაქსიმალური ფასდაკლება %	20	ოპერატორი ამაზე მეტს ვერ დაწერს; ავტომატური არ შეიძლება მაქსიმუმზე მეტი იყოს

ბარათის ქვემოთ ჩანს შეჯამება, მაგ. „3+ ბავშვზე ავტომატურად 10%“.

სოციალური აქცია

ფასდაკლება სოციალურად დაუცველი ოჯახებისთვის, მხოლოდ მითითებულ დღეებსა და საათებში:

ჩართეთ „სოციალურად დაუცველთა ფასდაკლება ჩართულია“.
„ფასდაკლება %“ (ნაგულისხმევად 20).
„თვის რიცხვიდან“ და „რიცხვამდე“ — თვის რომელ დღეებში მოქმედებს (ნაგულისხმევად 1–10). თუ „დან“ მეტია „მდე“-ზე, პერიოდი თვის ბოლოზე გადადის: „25 → 5 = თვის ბოლოდან შემდეგი თვის 5-მდე“.
„საათიდან“ და „საათამდე“ — ფორმატით 11:00; „საათამდე“ არ შედის (11:00–15:00 ნიშნავს 14:59-მდე).
„მხოლოდ სამუშაო დღეებში (ორშაბათი–პარასკევი)“ — ჩართული ნაგულისხმევად.
დააჭირეთ გვერდის თავის „შენახვა“.

სოციალური აქცია: ჩართულია და ახლა მოქმედებს

ბარათის თავში ნიშანი აჩვენებს მდგომარეობას: „ახლა მოქმედებს“, „ახლა არ მოქმედებს“ ან „გამორთულია“. როცა აქცია მოქმედებს, რეგისტრაციის ფორმაში ჩნდება მონიშვნა „სოციალურად დაუცველი — 20% ფასდაკლება“ (თავი შემოსვლის რეგისტრაცია).

შენახვის შეცდომები

შეტყობინება	მიზეზი
„დრო ჩაწერეთ ასე: 11:00“	საათი არასწორ ფორმატშია
„აქციის დაწყების დრო დასრულებაზე ადრე უნდა იყოს“	„საათიდან“ ≥ „საათამდე“
„ჯგუფის ფასდაკლება მაქსიმუმზე მეტია“	ავტომატური % > მაქსიმალური %
„ჯგუფი მინიმუმ 2 ბავშვია“	„ფასდაკლება ბავშვიდან“ < 2
„არასწორი მნიშვნელობა: …“	რიცხვი დასაშვებ ფარგლებს გარეთაა
„შეიყვანეთ პაკეტის დასახელება“ / „ხანგრძლივობა 1-დან 1440 წუთამდე“	პაკეტის ხაზი არასრულია

ვერ იპოვეთ პასუხი? დააჭირეთ პროგრამაში დახმარების ღილაკს, მოგვწერეთ ან დაგვირეკეთ: 599127000.