ბექაპი და აღდგენა: ავტომატური ასლები, ფაილი, აღდგენა და განულება

ყველაფერი ამ თავში არის „პარამეტრები“ → „მონაცემები“ ჩანართზე (მხოლოდ ადმინისტრატორისთვის).

ავტომატური ბექაფი

პროგრამა ყოველდღე (და ჩართვისას) თავად ქმნის ბაზის სრულ ასლს იმავე კომპიუტერზე — ბაზის საქაღალდის ქვესაქაღალდეში backups (გასართობი ცენტრის ბაზისთვის — %APPDATA%\CloudPos\data-cloudfun\backups). ინახება ბოლო 14 დღიური ასლი, ძველები თავისით იშლება.

ბარათი „ავტომატური ბექაფი“ („ჩართული“):

• „ბოლო ბექაფი“ და „შენახული ასლები“;
• „ბექაფის შექმნა ახლა“ — ქმნის ამ წამის ასლს („ასლი შეიქმნა: …“), სახეობით „ხელით“;
• ასლების სია (ბოლო 5, „ყველა (N)“ — ყველა): თარიღი, სახეობა — „დღიური“, „ხელით“, „აღდგენამდე“, „სერვერიდან აღდგენამდე“, „გასუფთავებამდე“ — ზომა და ღილაკი „აღდგენა“.

აღდგენა ავტომატური ასლიდან

1. სიაში იპოვეთ სასურველი თარიღის ასლი და დააჭირეთ „აღდგენა“.
2. დაადასტურეთ: „ყველა მიმდინარე მონაცემი ჩანაცვლდება ასლით „…“. მიმდინარე ბაზის ასლი ჯერ შეინახება ამავე სიაში („აღდგენამდე“). ყველა მომხმარებელი გავა სისტემიდან. გავაგრძელო?“
3. „ბაზა აღდგა ასლიდან … — შედით ხელახლა“.

აღდგენამდე მიმდინარე მდგომარეობა ინახება („აღდგენამდე“), ასე რომ შეცდომით აღდგენის შემთხვევაში უკან დაბრუნება შეიძლება.

ყურადღება: ავტომატური ასლები იმავე კომპიუტერზეა. თუ დისკი გაფუჭდა ან კომპიუტერი დაიკარგა, ისინიც დაიკარგება — პერიოდულად ჩამოტვირთეთ სარეზერვო ფაილი და შეინახეთ სხვაგან (ფლეშზე, ღრუბელში).

სარეზერვო ფაილი

ბარათი „მონაცემები“:

• „სარეზერვო ასლი“ → „ჩამოტვირთვა“ — ჩამოიტვირთება cloudpos-backup_თარიღი.json: ყველა მონაცემი (ვიზიტები, ბარათები, სტუმრები, პროდუქცია, ჩეკები, თანამშრომლები, საწყობი, ბუღალტერია). ფაილში არ შედის ამ კომპიუტერის ლიცენზია, RS.ge-ს სერვის-იუზერი და ბარათის ტერმინალების პარამეტრები.
• „აღდგენა“ → „ფაილის ატვირთვა“ — აირჩიეთ .json ფაილი და დაადასტურეთ: „ყველა მიმდინარე მონაცემი ჩანაცვლდება ფაილის მონაცემებით. მიმდინარე ბაზის ასლი ჯერ შეინახება (ავტომატური ბექაფის სიაში — „აღდგენამდე“), ასე რომ შეგიძლიათ დაბრუნდეთ.“ აღდგენის შემდეგ ყველა გამოდის სისტემიდან — შედით ხელახლა.
• „თემა“ — ღია / მუქი ინტერფეისი.

დაშიფრული ასლი Activi-ის სერვერზე

ლიცენზიის მიბმის შემდეგ პროგრამა დღეში ერთხელ აგზავნის მონაცემების ასლს Activi-ის სერვერზე, სადაც ბოლო 14 ინახება. „ფაილი ამ კომპიუტერზევე იშიფრება — სერვერზე დაშიფრული სახით წევს. ეს გადაგარჩენთ, თუ კომპიუტერი გაფუჭდა ან მოიპარეს.“ ამ ასლის ბარათი („ასლი სერვერზე“) ჩვეულებრივ რეჟიმში არ ჩანს — მას მხარდაჭერის ტექნიკოსი იყენებს. სერვერიდან აღდგენა გჭირდებათ? დაგვიკავშირდით.

ბაზის სრული განულება

ბარათი „ბაზის სრული განულება“ შლის ყველა მონაცემს — „გაყიდვები, პროდუქცია, საწყობი, მომხმარებლები, ვალები, ბუღალტერია და თანამშრომლები“; რჩება ლიცენზია, პრინტერისა და სასწორის პარამეტრები. გამოიყენეთ მხოლოდ მაშინ, როცა ნამდვილად თავიდან იწყებთ.

1. „განულება“.
2. საჭიროებისას მონიშნეთ „მაღაზიის პარამეტრები დარჩეს (დასახელება, მისამართი, ს/კ, დღგ, ჩეკის ტექსტი…)“.
3. აკრიფეთ ეკრანზე ნაჩვენები ციფრები და „სამუდამოდ წაშლა“.

განულებამდე ბაზის ასლი ავტომატურად ინახება („გასუფთავებამდე“). შემდეგ რჩება მხოლოდ admin / 1111.

რჩევა: დემო მონაცემებით ვარჯიშის შემდეგ განულების ნაცვლად შექმენით ახალი ბაზა („ბაზები“ → „ახალი ბაზა“, თავი ქსელი და მონაცემთა ბაზები) — დემო ბაზა ცალკე დარჩება სავარჯიშოდ.

კომპიუტერის შეცვლა

1. ძველ კომპიუტერზე ჩამოტვირთეთ სარეზერვო ფაილი (ან დააკოპირეთ ბაზის საქაღალდე %APPDATA%\CloudPos\data-cloudfun — პროგრამის სრულად გამორთვის შემდეგ).
2. ახალ კომპიუტერზე დააყენეთ Activi გასართობი ცენტრი და შედით ადმინისტრატორით (ან პირველ გაშვებაზე აირჩიეთ „არსებული ბაზა…“ → „საქაღალდეში“ და მიუთითეთ დაკოპირებული საქაღალდე).
3. ფაილის შემთხვევაში — აღადგინეთ ის „მონაცემები“ → „აღდგენა“.
4. ლიცენზიის გადასატანად დაგვიკავშირდით — ლიცენზია კომპიუტერზეა მიბმული (თავი ლიცენზია).