პროდუქცია (კაფე): პროდუქტები, კატეგორიები, ფასები, შტრიხკოდები და ფოტოები

გვერდი „პროდუქცია (კაფე)“ (ადმინისტრატორი და მენეჯერი) არის ცენტრის კაფე-ბარის კატალოგი: რა იყიდება, რა ფასად, რა შტრიხკოდით და რამდენია მარაგში. აქვეა ინგრედიენტები და რეცეპტები (თავი რეცეპტები და ინგრედიენტები). გვერდს სამი ჩანართი აქვს: „პროდუქტები“, „კატეგორიები“ და „შტრიხკოდები“.

შენიშვნა: შესვლის პაკეტები, დროის დამატება და ბარათის შევსება აქ არ არის — ისინი „ცენტრის პარამეტრებშია“ და მარაგს არ ეხება. „პროდუქცია“ მხოლოდ კაფე-ბარისა და სხვა საქონლისთვისაა (სასმელი, ნაყინი, სათამაშო, წინდები და ა.შ.).

პროდუქციის სია

• ძიება („დასახელება ან შტრიხკოდი…“) და კატეგორიის ფილტრი („ყველა კატეგორია“).
• სვეტები: „პროდუქტი“ (ქვეშ — შტრიხკოდი), „კატეგორია“, „თვითღირ.“, „ფასი“, „მარჟა“, „მარაგი“. თვითღირებულება და მარჟა ჩანს მხოლოდ უფლებით „თვითღირებულება და მოგება“.
• მარჟა გამაფრთხილებელი ფერით ჩანს, თუ 15%-ზე ნაკლებია.
• მარაგი წითლად ჩანს, თუ ნულია, ყვითლად — თუ „მინ. მარაგს“ ქვემოთაა. რეცეპტიან პროდუქტზე ნაშთის ნაცვლად წერია „N ულუფა“ — რამდენის გაკეთება შეიძლება საწყობში არსებული ინგრედიენტებით.
• ნიშნები დასახელების გვერდით: „რეცეპტი“, „ინგრედიენტი“, „ფასი შესავსებია“ (ზედნადებიდან ან ექსელიდან შექმნილი ბარათი, რომელსაც ფასი ჯერ არ დაუდეს).
• „Excel“ — სიის ჩამოტვირთვა .xlsx ფაილად.

პროდუქტის დამატება ნაბიჯ-ნაბიჯ

1. დააჭირეთ „ახალი პროდუქტი“.
2. „დასახელება“ — სავალდებულოა, მაგ. „ნაყინი ვანილის“.
3. „შტრიხკოდი (EAN-13)“ — დაასკანერეთ ქარხნული შტრიხკოდი პირდაპირ ველში, ან დააჭირეთ გვერდით ღილაკს („შიდა შტრიხკოდის გენერირება (2…)“) — შეიქმნება მაღაზიის შიდა კოდი, რომელიც 2-ით იწყება (20–29 დიაპაზონი მაღაზიებისთვისაა; 486 საქართველოს მწარმოებლების კოდია და შიდა კოდისთვის არ გამოიყენება). შტრიხკოდი არასავალდებულოა — კაფეს უმეტეს პროდუქტს ის არ სჭირდება.
4. „კატეგორია“ — ან „— კატეგორიის გარეშე —“.
5. „გასაყიდი ფასი (₾, დღგ-ს ჩათვლით)“ — სავალდებულოა; სალაროზე ეს ფასი გამოიყენება.
6. „თვითღირებულება (₾)“ — ქვემოთ ჩანს „მარჟა: …% · მოგება ერთეულზე: … ₾“. (რეცეპტიან პროდუქტზე ის თავისით ითვლება.)
7. „ერთეული“ — „ცალი“ ან „კილოგრამი“.
8. „მარაგი“ — მიმდინარე ნაშთი და „მინ. მარაგი“ — ამაზე ნაკლები ნაშთისას პროდუქტი „იწურება“ სიაში ჩნდება (ნაგულისხმევად 5).
9. „ფოტო“ — „ფოტოს ატვირთვა“ (PNG, JPG ან WebP; პროგრამა სურათს თავად ამცირებს). ფოტოს გარეშე გამოიყენება „აიკონი (ფოტოს გარეშე)“ — აირჩიეთ ემოჯი.
10. დააჭირეთ „შენახვა“ — „პროდუქტი დაემატა“.

ერთი შტრიხკოდი ორ პროდუქტს ვერ ექნება: „ასეთი შტრიხკოდი უკვე არსებობს“. ფოტოს ზომა მაქსიმუმ 3 MB-ია (პროგრამა მას ასატვირთად ამცირებს).

რჩევა: თუ პროდუქტის შექმნისას მარაგს მიუთითებთ ან შემდეგ ამ ველს შეცვლით, პროგრამა ბუღალტერიაში მარაგის კორექციას თავად ატარებს. რეგულარული მიწოდებისთვის გამოიყენეთ „მარაგი“ → „საქონლის მიღება“ — ასე ჩაიწერება მომწოდებელი და შესყიდვის ფასი (თავი მარაგი და საწყობი).

ფორმის კაფეს ველები

ფორმის ქვედა ნაწილში არის:

• მონიშვნა „საწყობის ინგრედიენტია — სალაროში არ გამოჩნდება, მხოლოდ რეცეპტებში იხარჯება“ — ყავის მარცვლისთვის, რძისთვის, ერთჯერადი ჭიქისთვის;
• ბლოკი „რეცეპტი / კალკულაცია“ — რისგან შედგება ერთი ულუფა.

ორივე დაწვრილებით — თავში რეცეპტები და ინგრედიენტები.

ფასის შეცვლა

ფასი იცვლება პროდუქტის ფორმაში (ფანქრის ღილაკი → „გასაყიდი ფასი“ → „შენახვა“). სალაროზე ფასის შეცვლა შეუძლებელია — იქ ყოველთვის კატალოგის ფასი გამოიყენება (ფასდაკლება შეიძლება — თავი კაფე / სალარო).

პროდუქტის წაშლა

ნაგვის ყუთის ღილაკი (უფლებით „ჩანაწერების წაშლა“) → „წაიშალოს „…“? გაყიდვების ისტორია შენარჩუნდება.“ ინგრედიენტი, რომელიც რომელიმე რეცეპტშია, არ წაიშლება: „პროდუქტი გამოიყენება N რეცეპტში — ჯერ ამოიღეთ რეცეპტებიდან“.

კატეგორიები

ჩანართი „კატეგორიები“: თითოეულ კატეგორიას აქვს სახელი, ფერი და აიკონი; ფერი და აიკონი სალაროზე ჩანს. ახალი — ბარათით „ახალი კატეგორია“. კატეგორიის წაშლისას მისი პროდუქცია რჩება და „კატეგორიის გარეშე“ ხდება. ქვეკატეგორიები არ არის.

რჩევა: ინგრედიენტები ცალკე კატეგორიაში შეინახეთ (მაგ. „ინგრედიენტები“) — ინვენტარიზაცია მარტივად მოხდება მხოლოდ მათზე.

შტრიხკოდები და ეტიკეტები

ჩანართი „შტრიხკოდები“ ბეჭდავს ფასის ეტიკეტებს:

1. თუ ზოგ პროდუქტს შტრიხკოდი არ აქვს, დააჭირეთ „შტრიხკოდის გენერირება (N)“ — ყველას ერთად მიენიჭება შიდა EAN-13 კოდი (ან თითო პროდუქტზე — ხაზის ღილაკით).
2. სიაში მიუთითეთ, რამდენი ეტიკეტი გჭირდებათ თითოეულ პროდუქტზე.
3. „ეტიკეტის ზომა“: A4 · 3×8 (70×37 მმ), A4 · 4×10 (52×30 მმ), A4 · 2×6 (99×46 მმ), თერმული რულონი 58×40 მმ ან თერმული ეტიკეტი 40×30 მმ.
4. „რა დაიბეჭდოს“: დასახელება, ფასი, ციფრები, მაღაზიის სახელი.
5. „ბეჭდვა“ (ჩვეულებრივი პრინტერი) ან „თერმულ პრინტერზე“ (ქსელური ჩეკის პრინტერი; სხვა შემთხვევაში — „ქსელური პრინტერი არ არის გამართული — პარამეტრები → ინტეგრაციები“).

მარჯვნივ, „გადახედვაში“, ჩანს ეტიკეტები ზუსტად ისე, როგორც დაიბეჭდება.

ბევრი პროდუქტის ერთად შეტანა

ბევრი პროდუქტისთვის გამოიყენეთ „მარაგი“ → „ექსელის სიით მიღება“: ფაილის თითო სტრიქონი ერთი მიღებაა, ხოლო ჯერ არარსებული პროდუქტი (და კატეგორია) თავისით იქმნება — თავი მარაგი და საწყობი.