მენიუ: კერძები, სასმელები, კატეგორიები, ფასები და სადგურები

მენიუ იმართება გვერდზე „მენიუ“ (ადმინისტრატორი და მენეჯერი; გვერდის სათაური — „პროდუქცია“, „კატალოგი, ფასები და კატეგორიები“). აქვეა საწყობის ინგრედიენტები და კერძების რეცეპტები (თავი რეცეპტები და ინგრედიენტები). გვერდს სამი ჩანართი აქვს: „პროდუქტები“, „კატეგორიები“ და „შტრიხკოდები“.

სია

• ძიება („დასახელება ან შტრიხკოდი…“) და კატეგორიის ფილტრი („ყველა კატეგორია“).
• სვეტები: „პროდუქტი“, „კატეგორია“, „თვითღირ.“, „ფასი“, „მარჟა“, „მარაგი“. თვითღირებულება და მარჟა ჩანს მხოლოდ უფლებით „თვითღირებულება და მოგება“; მარჟა 15%-ზე ნაკლებისას გამაფრთხილებელი ფერითაა.
• ნიშნები დასახელების გვერდით: „რეცეპტი“, „ინგრედიენტი“, „ფასი შესავსებია“.
• სვეტი „მარაგი“: ინგრედიენტზე — ნაშთი (კგ ან ც), რეცეპტიან კერძზე — „N ულუფა“ (რამდენის მომზადებაა შესაძლებელი არსებული ინგრედიენტებით).
• „Excel“ — სიის ჩამოტვირთვა .xlsx ფაილად.

შენიშვნა: რესტორანში კერძი რეცეპტის გარეშე მარაგს არ ამცირებს — მისი გაყიდვა ნაშთზე არ არის დამოკიდებული. ამიტომ ასეთ კერძებს სვეტში „მარაგი“ წითლად „0 ც“ უჩანს (და ისინი „მიმოხილვის“ ბარათშიც „მარაგი იწურება“ ჩნდება) — ეს ჩვეულებრივია და გაყიდვას არ უშლის. მარაგის ზუსტი აღრიცხვა გინდათ? მიეცით კერძს რეცეპტი (თავი რეცეპტები).

კერძის დამატება ნაბიჯ-ნაბიჯ

1. დააჭირეთ „ახალი პროდუქტი“.
2. „დასახელება“ — სავალდებულოა, მაგ. „მწვადი ღორის“. ზუსტად ასე გამოჩნდება შეკვეთაში, სამზარეულოს ტალონზე და ჩეკზე.
3. „კატეგორია“ — მაგ. „ცხელი კერძები“ (ან „— კატეგორიის გარეშე —“).
4. „გასაყიდი ფასი (₾, დღგ-ს ჩათვლით)“ — სავალდებულოა.
5. „თვითღირებულება (₾)“ — ერთი ულუფის დაახლოებითი ღირებულება; ქვემოთ ჩანს „მარჟა: …% · მოგება ერთეულზე: … ₾“. რეცეპტიან კერძზე ის თავისით ითვლება.
6. „ერთეული“ — „ცალი“ (ულუფა) ან „კილოგრამი“.
7. „სამზარეულო“ — რომელ სადგურზე მზადდება (თავი სამზარეულო).
8. „ფოტო“ — „ფოტოს ატვირთვა“ (PNG, JPG ან WebP; პროგრამა სურათს თავად ამცირებს), ან „აიკონი (ფოტოს გარეშე)“ — ემოჯი, რომელიც შეკვეთის მენიუში ჩანს.
9. საჭიროებისას — „რეცეპტი / კალკულაცია“ (თავი რეცეპტები და ინგრედიენტები).
10. „შენახვა“ — „პროდუქტი დაემატა“. კერძი მაშინვე ჩნდება ყველა მიმტანის შეკვეთის მენიუში.

ფორმაში ასევე არის „შტრიხკოდი (EAN-13)“ (რესტორანში ჩვეულებრივ საჭირო არ არის; ღილაკი გვერდით ქმნის შიდა კოდს, რომელიც 2-ით იწყება), „მარაგი“ და „მინ. მარაგი“ (რეცეპტის გარეშე კერძისთვის რესტორანში არაფერს ცვლის) და მონიშვნა „საწყობის ინგრედიენტია…“ (კერძზე არ მონიშნოთ!).

რჩევა: კერძს რეცეპტის გარეშე ჩაწერეთ თვითღირებულება — ის „ანგარიშებში“ მოგებისა და მარჟის დასათვლელად გამოიყენება. თვითღირებულების გარეშე კერძს მარჟა 100% უჩანს.

სასმელები ბოთლით

ბოთლის სასმელი (ბორჯომი, ლიმონათი, ლუდი) რესტორანში ჩვეულებრივი კერძივით იყიდება — და, რეცეპტის გარეშე, მარაგს არ ამცირებს. თუ ბოთლების დათვლა გინდათ, შექმენით ინგრედიენტი „ბორჯომი 0.5ლ (ბოთლი, საწყობი)“ და მენიუს „ბორჯომს“ მიეცით რეცეპტი „1 ც“ — მაგალითი თავში რეცეპტები და ინგრედიენტები.

ფასის შეცვლა

ფასი იცვლება კერძის ფორმაში (ფანქრის ღილაკი → „გასაყიდი ფასი“ → „შენახვა“). შეკვეთის ეკრანზე ფასის შეცვლა შეუძლებელია.

ყურადღება: ფასები შეცვალეთ მაშინ, როცა ღია შეკვეთები არ არის — ღია შეკვეთაში უკვე დამატებული ხაზი ძველ ფასს აჩვენებს, ჩეკი კი ახალი ფასით ტარდება (თავი შეკვეთა მაგიდაზე).

კერძის წაშლა

ნაგვის ყუთის ღილაკი (უფლებით „ჩანაწერების წაშლა“) → „წაიშალოს „…“? გაყიდვების ისტორია შენარჩუნდება.“ ინგრედიენტი, რომელიც რომელიმე რეცეპტშია, არ წაიშლება — ჯერ ამოიღეთ რეცეპტიდან.

კატეგორიები

ჩანართი „კატეგორიები“: თითოეულ კატეგორიას აქვს სახელი, ფერი, აიკონი და პროდუქტების რაოდენობა. ახალი — „ახალი კატეგორია“; შეცვლა — ფანქარი; წაშლისას კატეგორიის კერძები რჩება და „კატეგორიის გარეშე“ ხდება. ქვეკატეგორიები არ არის.

კატეგორიები გამოიყენება მენიუს სიაში ფილტრად და „ანგარიშებში“ („კატეგორიების მიხედვით“). შეკვეთის ეკრანზე მიმტანი კერძებს ძებნით პოულობს — კატეგორიის ჩანართები იქ არ არის.

რჩევა: ინგრედიენტები ცალკე კატეგორიაში შეინახეთ (მაგ. „ინგრედიენტები“) — ინვენტარიზაცია მხოლოდ მათზე მარტივად ჩატარდება.

შტრიხკოდები

ჩანართი „შტრიხკოდები“ ბეჭდავს ფასის ეტიკეტებს შტრიხკოდით (A4 ან თერმული ეტიკეტი) — რესტორანში ჩვეულებრივ საჭირო არ არის; დეტალური აღწერა იხილეთ Activi POS-ის სახელმძღვანელოში.