ბუღალტერიის მოდული (მოკლედ)

Activi Rest-ში ჩაშენებულია ბუღალტერია („ორმაგი ჩანაწერი, ორი საბაზო ვალუტა, ანალიტიკა, ანგარიშგება — ყველა ოპერაცია ავტომატურად ტარდება“). ყოველი გადახდილი ანგარიში და დაბრუნება, ინგრედიენტების ჩამოწერა, საწყობის დოკუმენტი (ინვენტარიზაცია, ჩამოწერა), ნაშთის კორექცია, RS.ge-ს ზედნადები, ხარჯი, ნაღდის შემოტანა/გატანა და მომწოდებლის გადახდა თავისით ტარდება ბუღალტერიაში. ბუღალტერს ხელით გადატანა არ სჭირდება.

ეს თავი მოკლე მიმოხილვაა; მოდულის სრული აღწერა — Activi ბუღალტერია.

როდის ჩანს

მენიუს ჯგუფი „ბუღალტერია“ ჩანს:

• საცდელ პერიოდში — ყოველთვის;
• ლიცენზიით — თუ მასში შედის მოდული „ბუღალტერია“ („პარამეტრები“ → „ლიცენზია“ → „ჩართული მოდულები“);
• თანამშრომელს — თუ აქვს უფლება „ბუღალტერია: ნახვა“ (ადმინისტრატორს და მენეჯერს — ნაგულისხმევად).

პირველი დაყენება

პირველად გახსნისას გვერდი „ბუღალტერია“ გთავაზობთ „ორგანიზაციის დაყენებას“: ორგანიზაციის სახე (სამეწარმეო, საჯარო ან მიკროსაფინანსო), დასახელება და საიდენტიფიკაციო კოდი, დღგ-ს გადამხდელობა, მეორე საბაზო ვალუტა, მარაგის თვითღირებულების მეთოდი (ნაგულისხმევად „საშუალო შეწონილი“), აღრიცხვის დაწყების თარიღი და ანგარიშთა გეგმა. დააჭირეთ „დაყენება“ ან „მოგვიანებით“.

რჩევა: ბუღალტერია დააყენეთ პირველივე დღეს, ჯერ კიდევ პირველ გადახდამდე, ან შეუთანხმეთ ბუღალტერს — დაწყების თარიღი და ანგარიშთა გეგმა მთელ შემდგომ აღრიცხვას განსაზღვრავს.

მენიუს გვერდები

ბუღალტერიის პარამეტრები (ორგანიზაცია, ანგარიშთა გეგმა, ანალიტიკა, პერიოდები, საწყისი ნაშთები, წვდომა) 2.38-დან არის „პარამეტრები“ → ჩანართი „ბუღალტერია“. თანამშრომელი, რომელსაც ბუღალტერიის უფლება აქვს, მაგრამ ადმინისტრატორი არ არის, „პარამეტრებში“ მხოლოდ ამ ჩანართს ხედავს.

ყურადღება: ბუღალტერიის „სამეურნეო ოპერაციებით“ (მაგ. „საქონლის მიღება“) მარაგის აღრიცხვა ბუღალტრის საქმეა — რესტორნის ყოველდღიური ინგრედიენტები შეიტანეთ ისე, როგორც თავში საწყობი წერია (ინგრედიენტის ბარათი, RS.ge-ს ზედნადები, ინვენტარიზაცია). თუ ბუღალტერი მიღებას ბუღალტერიაში დოკუმენტით ატარებს, შეუთანხმდით, რომ ერთი მიწოდება ორჯერ არ შევიდეს.

Activi ბუღალტერია სხვა კომპიუტერზე

თუ ბუღალტერი ცალკე პროგრამით — Activi ბუღალტერია — მუშაობს, მას შეუძლია რესტორნის ბუღალტერია ქსელით წაიკითხოს (მხოლოდ წაკითხვით): რესტორნის ადმინისტრატორი „პარამეტრები“ → „ინტეგრაციები“ → „ბუღალტერიასთან დაკავშირება“ → „კოდის მიღება“ იღებს ერთჯერად კოდს (მოქმედებს 10 წუთი; ასეთი კავშირი ლიცენზიის ადგილს არ იკავებს), ბუღალტერი კი თავის პროგრამაში — „სერვისების ჩაბმა“ → „პროგრამის დაკავშირება“ — წერს მისამართს და კოდს. რესტორნის მონაცემებს ბუღალტერია ვერ ცვლის.

ბუღალტერიასთან დაკავშირებული კითხვებით მოგვწერეთ: info@activi.ge ან კონტაქტის გვერდიდან.