Activi Rest: მიმოხილვა, დაყენება და პირველი გაშვება

Activi Rest არის რესტორნის, კაფესა და ბარის მართვის პროგრამა: დარბაზის გეგმა მაგიდებით, შეკვეთა მაგიდაზე, სამზარეულოს ტალონები და სამზარეულოს ეკრანი, პირველადი ჩეკი, გადახდა ნაღდით და ბარათით, მენიუ რეცეპტებით და ინგრედიენტების ჩამოწერით, სალაროს დახურვა, ანგარიშები და ბუღალტერია — ერთ ფანჯარაში.

ეს სახელმძღვანელო აღწერს ვერსიას 2.38.

მთავარი ცნებები

ყოველი გადახდილი შეკვეთა ჩვეულებრივი ჩეკია: ის ჩანს გვერდზე „ჩეკები“, ითვლება სალაროს დახურვისას და ბუღალტერიაში თავისით ტარდება.

სისტემური მოთხოვნები

• ოპერაციული სისტემა: Windows 10 ან Windows 11, 64-ბიტიანი.
• დამატებითი პროგრამები: არ სჭირდება — მონაცემთა ბაზა პროგრამაშივეა ჩაშენებული.
• ინტერნეტი: ყოველდღიური მუშაობა ინტერნეტის გარეშეც შეიძლება. ინტერნეტი საჭიროა ლიცენზიის გააქტიურებისა და პერიოდული შემოწმებისთვის, განახლებებისთვის, RS.ge-სთვის და დახმარების მოთხოვნისთვის.
• აპარატურა (არასავალდებულო): ჩეკის პრინტერი, სამზარეულოს ქსელური პრინტერები, ფულის უჯრა, ბარათის ტერმინალი, ფისკალური აპარატი; მიმტანებისთვის — ტაბლეტი ან ტელეფონი იმავე Wi-Fi ქსელში (თავი ქსელი, ტაბლეტები და მონაცემთა ბაზები).

დაყენება

1. ჩამოტვირთეთ ინსტალერი გვერდიდან activi.ge/download. ფაილს ჰქვია Activi-Rest-Setup-ვერსია.exe (მაგალითად Activi-Rest-Setup-2.38.0.exe).
2. გაუშვით ფაილი. თუ Windows იკითხავს ნებართვას, დაადასტურეთ.
3. წაიკითხეთ და მიიღეთ სალიცენზიო შეთანხმება.
4. საჭიროებისას შეცვალეთ დაყენების საქაღალდე (ჩვეულებრივ ნაგულისხმევი ჯობს).
5. დაასრულეთ. სამუშაო მაგიდაზე და Start მენიუში ჩნდება მალსახმობი „Activi Rest“ და პროგრამა თავისით იხსნება.

შენიშვნა: ინსტალერი თან აყენებს Activi Remote-ს — დისტანციური დახმარების პროგრამას (თუ კომპიუტერზე უკვე არის, მეორედ აღარ დგება). რისთვის გამოიყენება — თავი დახმარება და Activi Remote.

პირველი გაშვება: რომელ ბაზაზე იმუშავებს

Activi Rest იყენებს Activi-ის მთავარ ბაზას — იმავეს, რასაც Activi POS (%APPDATA%\CloudPos\data).

• თუ კომპიუტერზე Activi-ის სხვა პროგრამის მონაცემები ჯერ არ არის, პროგრამა არაფერს გეკითხებათ: ქმნის ბაზას და გიჩვენებთ შესვლის ფანჯარას.
• თუ კომპიუტერზე უკვე მუშაობს, მაგალითად, Activi POS თავისი მაღაზიით, პირველ გაშვებაზე ჩნდება კითხვა „ამ კომპიუტერზე უკვე არის ბაზა“ ორი ღილაკით:

არჩევანი შემდეგ შეიძლება შეიცვალოს „პარამეტრები“ → „მონაცემები“ → „ბაზები“ ბარათიდან (თავი ქსელი, ტაბლეტები და მონაცემთა ბაზები).

ახალ ბაზაში უკვე არის:

• ორი მოწყობილი დარბაზი — „მთავარი დარბაზი“ (8 მაგიდა, ფანჯრები, ბარი, სამზარეულოს კარი) და „ტერასა“ (4 მრგვალი მაგიდა). მათი შეცვლა, წაშლა ან ახლის დამატება შეიძლება (თავი დარბაზები და მაგიდების გეგმა);
• სამი სამზარეულოს სადგური — „ცხელი სამზარეულო“, „ცივი სამზარეულო“, „ბარი“ (პრინტერის გარეშე);
• სამი მომხმარებელი (იხ. ქვემოთ).

მენიუ ცარიელია — კერძებს თქვენ ამატებთ (თავი მენიუ).

სად ინახება მონაცემები: ბაზა Windows-ის მომხმარებლის საქაღალდეშია — %APPDATA%\CloudPos\data (ან data-cloudrest, თუ ცალკე ბაზა აირჩიეთ). პროგრამის წაშლა ან განახლება ბაზას არ შლის.

შესვლა

1. ველში „მომხმარებელი“ აკრიფეთ შესასვლელი სახელი ან დააჭირეთ ისარს და აირჩიეთ თავი სიიდან.
2. ველში „პაროლი“ აკრიფეთ პაროლი. სენსორულ ეკრანზე დააჭირეთ ბადის ხატულას — ეკრანზე გამოჩნდება ციფრების კლავიატურა; „თვალის“ ღილაკი აჩვენებს აკრეფილ პაროლს.
3. მონიშვნა „დამახსოვრება“ ამ კომპიუტერზე იმახსოვრებს მომხმარებლის სახელს (პაროლს — არა).
4. დააჭირეთ „შესვლა“ (ან Enter).

ქვედა ველი „ბაზა / სერვერი“ აჩვენებს, რომელ ბაზაზე შედიხართ; ზედა მარჯვენა კუთხის ⚙ ღილაკი ხსნის „სერვერების კონფიგურაციას“ (ქსელისთვის). ფანჯრის მარცხენა მხარეს წერია: „რესტორნისა და კაფეს მართვა — დარბაზი, შეკვეთები, სამზარეულო და გადახდა — ერთ სისტემაში.“

საწყისი მომხმარებლები

ყურადღება: საწყისი პაროლები ყველასთვის ცნობილია და პროგრამა მათ შეცვლას არ გაიძულებთ. პირველივე დღეს შეცვალეთ ისინი („ჩემი პროფილი“ → „პაროლის შეცვლა“) და თითოეულ მიმტანს შეუქმენით საკუთარი ანგარიში — თავი თანამშრომლები.

შესვლის შეცდომები

• „მომხმარებლის სახელი ან პაროლი არასწორია“ — შეამოწმეთ, ორივე სწორადაა თუ არა აკრეფილი.
• „კლავიატურა ქართულზეა…“ — შესასვლელი სახელი და პაროლი ლათინური ასოებით იკრიფება; გადართეთ კლავიატურა.
• 5 არასწორი ცდის შემდეგ ანგარიში 15 წუთით იბლოკება: „ბევრი მცდელობა — ანგარიში დაიბლოკა 15 წუთით“. ადმინისტრატორს შეუძლია ბლოკი მოხსნას გვერდზე „თანამშრომლები“ („ბლოკის მოხსნა“).
• „ანგარიში დეაქტივირებულია“ — ადმინისტრატორმა ანგარიში გამორთო.

შესვლის შემდეგ ადმინისტრატორი და მენეჯერი ჯერ „მიმოხილვას“ ხედავენ, მიმტანი — პირდაპირ „მაგიდებს“. პროგრამა სრულ ეკრანზე იხსნება (F11 — სრული ეკრანის ჩართვა/გამორთვა).

პირველი დღის გეგმა

1. „პარამეტრები“ → „მაღაზია“: რესტორნის დასახელება, მისამართი, ტელეფონი, ს/კ, დღგ, ჩეკის ბოლო ტექსტი, გადახდის მეთოდები (თავი პრინტერი, ფისკალური აპარატი და ტერმინალი).
2. დარბაზები: შეასწორეთ გეგმა ისე, როგორც თქვენი დარბაზი გამოიყურება (თავი დარბაზები და მაგიდების გეგმა).
3. სადგურები და პრინტერები: „პარამეტრები“ → „ინტეგრაციები“ → „სამზარეულოს სადგურები“ (თავი სამზარეულო).
4. მენიუ: კატეგორიები, კერძები, ფასები და სადგური (თავი მენიუ); სადაც საჭიროა — ინგრედიენტები და რეცეპტები (თავი რეცეპტები).
5. თანამშრომლები: მიმტანები, მენეჯერი, სამზარეულოს ეკრანის ანგარიში; საწყისი პაროლების შეცვლა.
6. სცადეთ: გახსენით მაგიდა, დაამატეთ კერძი, გააგზავნეთ სამზარეულოში, დაბეჭდეთ პირველადი ჩეკი და მიიღეთ გადახდა (თავები შეკვეთა მაგიდაზე და პირველადი ჩეკი და გადახდა).

რას შეიცავს სახელმძღვანელო

1. დარბაზში: პროგრამის ფანჯარა, დარბაზები და მაგიდების გეგმა, შეკვეთა მაგიდაზე, სამზარეულო, პირველადი ჩეკი და გადახდა.
2. მენიუ და საწყობი: მენიუ, რეცეპტები და ინგრედიენტები, საწყობი.
3. დღის ბოლოს და ანალიზი: ჩეკები და დაბრუნება, სალაროს დახურვა, მიმოხილვა და ანგარიშები.
4. ადმინისტრირება: თანამშრომლები, მოწყობილობები, ქსელი და ბაზები, ბექაპი, ლიცენზია, განახლებები, დახმარება, ბუღალტერია, ხშირი კითხვები.