Activi Rest ლიცენზიით მუშაობს, რომელიც კონკრეტულ კომპიუტერზეა მიბმული (ქსელში — მთავარ კომპიუტერზე, სადაც ბაზაა).

საცდელი პერიოდი

ახალი ბაზის შექმნიდან 30 დღე პროგრამა სრულად მუშაობს ლიცენზიის გარეშე: ღიაა ყველა შესაძლებლობა, მათ შორის „ბუღალტერია“, ხოლო კომპიუტერებისა და ტაბლეტების რაოდენობა შეზღუდული არ არის. დარჩენილი დღეები ჩანს ყველა გვერდის თავში — „საცდელი პერიოდი — დარჩა N დღე. გაააქტიურეთ ლიცენზია.“ (ადმინისტრატორს — ბმული „ლიცენზია →“) — და შესვლის ფანჯარაში.

ლიცენზიის კოდის მიბმა

ლიცენზიის კოდს Activi გაწვდით შეძენისას. მიბმა მხოლოდ ადმინისტრატორს შეუძლია და ინტერნეტი სჭირდება:

„პარამეტრები“ → „ლიცენზია“.
ბარათში „ლიცენზია და კლიენტის მიბმა“, ველში „ლიცენზიის კოდი“, ჩაწერეთ კოდი (XXXXX-XXXXX-XXXXX-XXXXX).
„მიბმა და გააქტიურება“ — „ლიცენზია მიბმულია: …“.

კოდი ინახება მხოლოდ ამ კომპიუტერზე და მეორედ აღარ ჩანს. მიბმის შემდეგ ბარათში ჩანს: „კლიენტი“, „ს/კ“, „პაკეტი“, „ვადა“ (თარიღი და დარჩენილი დღეები, ან „უვადო“), „პაკეტის დონე“, „სამუშაო ადგილები“, „ბოლო გადამოწმება“, „ჩართული მოდულები“ და „ამ კომპიუტერის ID“ (კოპირების ღილაკით). ღილაკები: „გადამოწმება“, „კოდის შეცვლა“, „ლიცენზიის გათავისუფლება ამ კომპიუტერიდან“.

მოდულები

Activi-ის ერთი ლიცენზია შეიძლება რამდენიმე პროგრამას ხსნიდეს — ის შეიცავს მოდულებს:

„რესტორანი“ — აუცილებელია Activi Rest-ისთვის. თუ ლიცენზიაში ის არ არის, პროგრამა აჩვენებს: „Activi Rest თქვენს ლიცენზიაში არ შედის — ამ კომპიუტერის ლიცენზია Activi Rest-ის მოდულს არ მოიცავს…“; შეიყვანეთ კოდი, რომელშიც ის შედის, ან დაუკავშირდით მხარდაჭერას.
„ბუღალტერია“ — თუ ლიცენზიაში არ შედის, მენიუში ბუღალტერიის ჯგუფი არ ჩანს (და RS.ge-ს ზედნადებების ეკრანიც — თავი საწყობი).

რომელი მოდულია ჩართული, წერია ხაზში „ჩართული მოდულები“ (მაგ. „რესტორანი · ბუღალტერია“).

სამუშაო ადგილები

ლიცენზია შეიძლება კომპიუტერების რაოდენობას ზღუდავდეს. ადგილს იკავებს ყოველი მოწყობილობა, რომლითაც ამ ბაზაზე შედიან — სალარო, მიმტანის ტაბლეტი ან ტელეფონი (ბრაუზერი), სამზარეულოს ეკრანი; მთავარი კომპიუტერი ყოველთვის შედის. ადგილი თავისუფლდება 30 დღის უმოქმედობის შემდეგ ან ღილაკით „მოხსნა“ („პარამეტრები“ → „ლიცენზია“ → „კომპიუტერები (სამუშაო ადგილები)“ — თავი ქსელი, ტაბლეტები და მონაცემთა ბაზები).

რჩევა: ლიცენზიის შეძენისას დაითვალეთ ყველა მოწყობილობა: სალარო + მიმტანების ტაბლეტები + სამზარეულოს ეკრანები.

ინტერნეტის გარეშე მუშაობა

პროგრამა ლიცენზიას ამოწმებს ჩართვიდან რამდენიმე წამში და შემდეგ ყოველ 6 საათში. ინტერნეტის გარეშე ის მუშაობს იმდენ დღეს, რამდენსაც ლიცენზია უშვებს (ნაგულისხმევად 7 დღე ბოლო წარმატებული შემოწმებიდან). როცა 3 დღე ან ნაკლები რჩება, ჩნდება: „ლიცენზიის სერვერთან კავშირი არ არის — ოფლაინ მუშაობა დასრულდება N დღეში.“ ვადის მოახლოებისას (7 დღით ადრე) — „ლიცენზიის ვადა იწურება N დღეში (…)“.

როცა ლიცენზია არ მოქმედებს

თუ საცდელი პერიოდი დასრულდა, ვადა გავიდა, ლიცენზია შეჩერდა ან ოფლაინ ვადა ამოიწურა, პროგრამა იბლოკება: „საცდელი პერიოდი დასრულდა“ ან „პროგრამა დაბლოკილია“.

ადმინისტრატორი იქვე წერს ლიცენზიის კოდს და აჭერს „ლიცენზიის მიბმა“ (ან „ხელახლა შემოწმება“); ჩანს „ამ კომპიუტერის ID“.
სხვა თანამშრომლები ხედავენ: „სამუშაოს გასაგრძელებლად საჭიროა ლიცენზია. მიმართეთ ადმინისტრატორს ან დაუკავშირდით მხარდაჭერას.“
ეკრანზე ჩანს მხარდაჭერის კონტაქტები („პარამეტრები“ → „მაღაზია“ → „მხარდაჭერის კონტაქტები“).

მონაცემები ბლოკისას არ იშლება — ლიცენზიის აღდგენისთანავე ყველაფერი ადგილზეა, ღია მაგიდების ჩათვლით.

კომპიუტერის შეცვლა

ლიცენზია მიბმულია კომპიუტერის ID-ზე. ძველ კომპიუტერზე (ინტერნეტით) დააჭირეთ „ლიცენზიის გათავისუფლება ამ კომპიუტერიდან“ და ახალზე მიაბით იგივე კოდი. თუ ძველი კომპიუტერი აღარ მუშაობს, დაგვიკავშირდით. მონაცემების გადატანა — თავი ბექაპი და აღდგენა.

შესაძლო შეცდომები

შეტყობინება	რა ვქნათ
„ლიცენზიის სერვერთან კავშირი ვერ დამყარდა“	შეამოწმეთ ინტერნეტი და სცადეთ ხელახლა
„ლიცენზია სხვა მოწყობილობისთვის გაიცა“	კოდი სხვა კომპიუტერზეა მიბმული — გაათავისუფლეთ იქ ან დაგვიკავშირდით
„შეიყვანეთ ლიცენზიის კოდი“	ველი ცარიელია
„Activi Rest თქვენს ლიცენზიაში არ შედის“	ლიცენზიას რესტორნის მოდული არ აქვს
„ამ კომპიუტერისთვის ადგილი არ არის“	სამუშაო ადგილები შევსებულია — გაათავისუფლეთ ადგილი ან დაამატეთ

ვერ იპოვეთ პასუხი? დააჭირეთ პროგრამაში დახმარების ღილაკს, მოგვწერეთ ან დაგვირეკეთ: 599127000.