მიმოხილვა და ანგარიშები: შემოსავალი, მოგება, კერძები და მიმტანები

ანალიტიკა რამდენიმე გვერდზეა (ადმინისტრატორი და მენეჯერი); თვითღირებულება და მოგება ჩანს მხოლოდ უფლებით „თვითღირებულება და მოგება“.

მიმოხილვა (დღევანდელი დღე)

• ფილები (გუშინდელთან შედარებით): „დღევანდელი შემოსავალი“, „ჩეკები“, „საშუალო ჩეკი“, „მოგება (დღეს)“;
• „შემოსავალი · ბოლო 14 დღე“ — გრაფიკი შემოსავლითა და მოგებით;
• „გადახდის მეთოდები · დღეს“;
• „ბოლო გაყიდვები“ — ბოლო 8 ჩეკი (დაჭერით იხსნება ჩეკი; „ყველა“ — გვერდი „ჩეკები“);
• „ტოპ პროდუქცია · 30 დღე“;
• „მარაგი იწურება“ — პროდუქცია, რომლის ნაშთი მინიმუმს არ აღემატება.

ღილაკი „მაგიდების დაფა →“ დარბაზში გადაგიყვანთ.

შენიშვნა: ბარათში „მარაგი იწურება“ რესტორანში ჩანს რეცეპტის გარეშე კერძებიც (მათ ნაშთი არ აქვთ და ყოველთვის „0 ც“ უჩანთ) — მათ ყურადღება არ მიაქციოთ; ინგრედიენტების ნაშთს კი ეს ბარათი სწორად აჩვენებს. ბმული „მარაგის შეტანა“ რესტორანში არ მუშაობს (გვერდი „მარაგი“ Activi Rest-ში არ არის) — ინგრედიენტების შეტანა აღწერილია თავში საწყობი.

ანგარიშები

გვერდი „ანგარიშები“ („შემოსავალი, მოგება და გაყიდვების ანალიტიკა“).

პერიოდი: „დღეს“, „7 დღე“, „30 დღე“ (ნაგულისხმევი), „ეს თვე“, „3 თვე“, „წელი“ ან თარიღები ხელით.

ფილები:

ქვემოთ:

• „შემოსავალი და მოგება დღეების მიხედვით“ — სვეტოვანი გრაფიკი;
• „კატეგორიების მიხედვით“ — შემოსავლის წილი კატეგორიებზე (ცხელი კერძები, ცომეული, სალათები…);
• „გადახდის მეთოდები“ — ნაღდი, ბარათი, ნისია (თანხა და პროცენტი; გადმორიცხვა აქ ცალკე არ ჩანს);
• „მოლარეები“ — თითოეული თანამშრომლის ჩეკები და შემოსავალი; რესტორანში ეს არის ის, ვინც გადახდა მიიღო (როგორც წესი — მიმტანი);
• „ტოპ 15 პროდუქტი“ — გაყიდული რაოდენობა, შემოსავალი, მოგება და მარჟა; სათაურთან — პერიოდის დაბრუნებები.

რჩევა: „ტოპ 15“-ში მარჟა მენიუს გადახედვაში დაგეხმარებათ: მაღალი გაყიდვები და დაბალი მარჟა — ფასის ან რეცეპტის გადახედვის ნიშანია. ზუსტი მოგებისთვის რეცეპტის გარეშე კერძებს მიუთითეთ თვითღირებულება (თავი მენიუ).

ჩამოტვირთვა

ღილაკი „Excel“ ჩამოტვირთავს ანგარიშს CSV ფაილად (cloudpos-report_…csv), რომელიც Excel-ში იხსნება: შეჯამება, დღეები, პროდუქცია და კატეგორიები. სიები სხვა გვერდებიდანაც ჩამოიტვირთება — „ჩეკები“, „მენიუ“, „მომწოდებლები“ (.xlsx ფაილად).

ინვოისები

გვერდი „ინვოისები“ გამოწერს ინვოისს კომპანიისთვის (მაგ. ბანკეტი ან კორპორატიული სადილი, რომელსაც კომპანია ჩარიცხვით იხდის) — ქართულად, ინგლისურად ან რუსულად, ვალუტით GEL, USD, EUR, GBP ან RUB. ინვოისის სტრიქონები თავისუფალი ტექსტია: ინვოისი ჩეკებს, საწყობს და ბუღალტერიას არ ცვლის — მაგიდის ანგარიში მაინც ჩვეულებრივ დახურეთ (მაგ. გადახდის სახით „გადმორიცხვა“). ინვოისი იბეჭდება ღილაკით „ბეჭდვა“, სტატუსი იცვლება ღილაკებით „გადახდილად მონიშვნა“ და „გაუქმება“.