ლიცენზია: საცდელი პერიოდი, გააქტიურება, მოდულები და ეკრანები

Activi Fast ლიცენზიით მუშაობს, რომელიც კონკრეტულ კომპიუტერზეა მიბმული (ქსელში — მთავარ კომპიუტერზე, სადაც ბაზაა).

საცდელი პერიოდი

ახალი ბაზის შექმნიდან 30 დღე პროგრამა სრულად მუშაობს ლიცენზიის გარეშე — ყველა შესაძლებლობით (ბუღალტერიის, კიოსკის და ეკრანების ჩათვლით), კომპიუტერების შეზღუდვის გარეშე. დარჩენილი დღეები ჩანს გვერდის თავში და შესვლის ფანჯარაში.

ლიცენზიის კოდის მიბმა

1. „პარამეტრები“ → „ლიცენზია“.
2. ბარათში „ლიცენზია და კლიენტის მიბმა“ → „ლიცენზიის კოდი“ (XXXXX-XXXXX-XXXXX-XXXXX).
3. „მიბმა და გააქტიურება“ (ინტერნეტი სჭირდება).

მიბმის შემდეგ ჩანს: „კლიენტი“, „ს/კ“, „პაკეტი“, „ვადა“, „სამუშაო ადგილები“, „ბოლო გადამოწმება“, „ჩართული მოდულები“, „ამ კომპიუტერის ID“; ღილაკები „გადამოწმება“, „კოდის შეცვლა“, „ლიცენზიის გათავისუფლება ამ კომპიუტერიდან“.

შენიშვნა: 2.38-ში ხაზი „ჩართული მოდულები“ Activi Fast-ში სწრაფი კვების ნაცვლად „მაღაზიას“ წერს („მაღაზია · ბუღალტერია“). ეს მხოლოდ წარწერაა — სწრაფი კვების შესაძლებლობები ამაზე არ არის დამოკიდებული.

მოდულები

• „სწრაფი კვება“ (fastfood) — აუცილებელია Activi Fast-ისთვის. თუ ლიცენზიაში არ არის, პროგრამა და მისი ეკრანები ამბობს „Activi Fast თქვენს ლიცენზიაში არ შედის“.
• „ბუღალტერია“ — თუ არ შედის, მენიუში ბუღალტერიის ჯგუფი და RS.ge-ს ზედნადებების ეკრანი არ ჩანს.

სამუშაო ადგილები

ადგილს იკავებს ყოველი მოწყობილობა, რომლითაც თანამშრომელი შედის — სალარო, ტაბლეტი, მენეჯერის კომპიუტერი, სამზარეულოს კომპიუტერი, თუ ის „სამზარეულოს“ ანგარიშით შედის. ტაბლო, კედლის სამზარეულოს ეკრანები და კიოსკი, რომლებიც კოდით / ბმულით იხსნება, ადგილს არ იკავებს. ადგილი თავისუფლდება 30 დღის უმოქმედობის შემდეგ ან „მოხსნით“ (თავი ქსელი და ბაზები).

ინტერნეტის გარეშე

პროგრამა ლიცენზიას ამოწმებს ჩართვისას და ყოველ 6 საათში. ინტერნეტის გარეშე მუშაობს იმდენ დღეს, რამდენსაც ლიცენზია უშვებს (ნაგულისხმევად 7 დღე); 3 დღით ადრე ჩნდება გაფრთხილება, ვადის მოახლოებისას (7 დღით ადრე) — „ლიცენზიის ვადა იწურება N დღეში“.

როცა ლიცენზია არ მოქმედებს

საცდელი პერიოდის ან ვადის გასვლისას, შეჩერებისას ან ოფლაინ ვადის ამოწურვისას პროგრამა იბლოკება — და მასთან ერთად ტაბლო, სამზარეულოს ეკრანები და კიოსკიც არაფერს აჩვენებს. ადმინისტრატორი იქვე წერს კოდს („ლიცენზიის მიბმა“); სხვები ხედავენ „მიმართეთ ადმინისტრატორს ან დაუკავშირდით მხარდაჭერას“. მონაცემები არ იშლება.

კომპიუტერის შეცვლა

ძველ კომპიუტერზე (ინტერნეტით) — „ლიცენზიის გათავისუფლება ამ კომპიუტერიდან“, ახალზე — იგივე კოდი. ძველი თუ აღარ მუშაობს — დაგვიკავშირდით.