ანგარიშები: მიმოხილვა, შეკვეთების ანალიზი, მომზადების დრო, მოგება და ინვოისები

ანალიტიკა სამ გვერდზეა (ადმინისტრატორი და მენეჯერი); თვითღირებულება და მოგება ჩანს უფლებით „თვითღირებულება და მოგება“.

მიმოხილვა

• ფილები (გუშინდელთან შედარებით): „დღევანდელი შემოსავალი“, „ჩეკები“, „საშუალო ჩეკი“, „მოგება (დღეს)“;
• „შემოსავალი · ბოლო 14 დღე“, „გადახდის მეთოდები · დღეს“, „ბოლო გაყიდვები“, „ტოპ პროდუქცია · 30 დღე“, „მარაგი იწურება“;
• ღილაკი „სალაროს გახსნა →“.

შენიშვნა: „ტოპ პროდუქციაში“ ერთი პოზიცია სხვადასხვა არჩევანით ცალ-ცალკე ჩანს (მაგ. „ჩიზბურგერ მილი (კარტოფილი ფრი M, …)“) და „მარაგი იწურებაში“ — რეცეპტიანი პოზიციებიც „0 ც“-ით. პოზიციების ზუსტი რეიტინგი ნახეთ „შეკვეთების ანალიზში“.

შეკვეთების ანალიზი

გვერდი „შეკვეთების ანალიზი“ (სათაური — „სწრაფი კვების ანგარიშები“) — სწრაფი კვების საკუთარი ანგარიში. პერიოდი: „დღეს“ (ნაგულისხმევი), „7 დღე“, „30 დღე“, „ეს თვე“, „3 თვე“, „წელი“ ან თარიღები.

ღილაკი „Excel“ ჩამოტვირთავს ანგარიშს CSV ფაილად (activi-fast_…csv), რომელიც Excel-ში იხსნება.

რჩევა: მომზადების დრო სწორად ითვლება მხოლოდ მაშინ, როცა სამზარეულო „გამზადდა“ / „მზადაა“-ს მაშინვე აჭერს, როცა კერძი მზადაა. თუ ღილაკებს მოგვიანებით, „პაკეტურად“ აჭერენ, დრო გაიზრდება.

კომბოში შემავალი ნაწილები (კომბოს ფრი, სასმელი) „ყველაზე გაყიდვადში“ ცალკე არ ითვლება — ისინი კომბოს გაყიდვაშია.

ანგარიშები

გვერდი „ანგარიშები“ („შემოსავალი, მოგება და გაყიდვების ანალიტიკა“) — იგივე, რაც Activi-ის ყველა პროგრამაში: ფილები „შემოსავალი“, „თვითღირებულება“ (რეცეპტებიდან, ყოველი ჩეკის ხაზის ზუსტი ჩამოწერით), „მთლიანი მოგება“, „ხარჯები“, „წმინდა მოგება“, „დღგ“; გრაფიკი დღეებით, კატეგორიები, გადახდის მეთოდები, „მოლარეები“ (ვინც გადახდა მიიღო; კიოსკის ბარათით გადახდილი — მოლარის გარეშე) და „ტოპ 15 პროდუქტი“ მარჟით.

„Excel“ ჩამოტვირთავს ანგარიშს CSV-ად; სიები სხვა გვერდებიდანაც ჩამოიტვირთება („ჩეკები“, „მარაგი“).

ინვოისები

„ინვოისები“ — ინვოისი კომპანიისთვის (მაგ. ოფისის სადილის შეკვეთა): ქართულად, ინგლისურად ან რუსულად, ვალუტით GEL, USD, EUR, GBP ან RUB. ინვოისის სტრიქონები თავისუფალი ტექსტია — ის ჩეკს, საწყობს და ბუღალტერიას არ ცვლის; თვითონ შეკვეთა სალაროში ჩვეულებრივ გაატარეთ.