ხშირი კითხვები და პრობლემების მოგვარება

თუ პრობლემა აქ აღწერილი არ არის, გამოიყენეთ ღილაკი „დახმარება“ (თავი დახმარება და Activi Remote).

სალარო და გადახდა

კლიენტმა გადახდის შემდეგ კიდევ რამე ითხოვა — როგორ დავამატო?

გადახდილი შეკვეთა არ იცვლება. გაუფორმეთ ახალი შეკვეთა (ახალი ნომრით) — ან, თუ სჯობს ერთი ნომერი, გააუქმეთ პირველი („ჩეკები“ → „დაბრუნება“) და აკრიფეთ ყველაფერი ერთად.

გადახდის ფანჯარაში „გადმორიცხვა“ არ ჩანს, თუმცა პარამეტრებში ჩართულია

Activi Fast-ის სალარო მხოლოდ ნაღდს და ბარათს იღებს — პარამეტრი „გადახდის მეთოდები“ მასზე არ მოქმედებს (თავი გადახდა და ჩეკი).

როგორ დავაბრუნო მხოლოდ სასმელი?

სწრაფი კვების ჩეკი მხოლოდ მთლიანად ბრუნდება. დააბრუნეთ ჩეკი და დანარჩენი ახალ შეკვეთად გაატარეთ (თავი ჩეკები და დაბრუნება).

პოზიციაზე შეხებისას ფანჯარა არ იხსნება — როგორ ავირჩიო ზომა?

ერთი შეხება ამატებს ნაგულისხმევ ვარიანტს (მაგ. M). შეცვალეთ ხაზზე „შეცვლა“-თი. თუ გინდათ, რომ ფანჯარა ყოველთვის გაიხსნას, ჩართეთ „არჩევანის ფანჯარა ყოველ დაჭერაზე“ (თავი მენიუ).

ნომრის ფანჯარა თავისით იხურება

ნაღდით ზუსტი თანხისა და ბარათის შემდეგ ფანჯარა 6 წამში იხურება, რომ შემდეგ კლიენტზე გადახვიდეთ. ხურდისას ის ღია რჩება, სანამ „ახალი შეკვეთა“ არ დააჭირეთ. ნომერი ჩეკზეც და „შეკვეთებშიც“ ჩანს.

სამზარეულო და ტაბლო

გადახდილი შეკვეთა სამზარეულოს ეკრანზე არ ჩანს

• შეკვეთაში მხოლოდ სადგურის გარეშე პოზიციებია (ბოთლი, სოუსი) — ის გადახდისთანავე „გაცემულია“;
• გახსნილია სხვა სადგურის ჩანართი — სცადეთ „ექსპო“ ან „ყველა“;
• პოზიცია მიბმულია გამორთულ სადგურზე — ჩანს მხოლოდ ექსპოში (თავი სამზარეულოს ეკრანი);
• ეს კიოსკის შეკვეთაა „გადავიხდი სალაროში“ — სამზარეულო მას გადახდის შემდეგ ნახავს;
• ეკრანზე წითელი ზოლი „კავშირი დაიკარგა“ — შეამოწმეთ ქსელი და მთავარი კომპიუტერი.

ყველა სადგურმა დაასრულა, ნომერი კი ტაბლოზე „მზადდებაშია“

ჩართულია „„მზადაა“ მხოლოდ ექსპოს (აწყობის) დადასტურებით“ — ექსპომ უნდა დააჭიროს „მზადაა“. ან რომელიმე პოზიცია გამორთულ სადგურზეა — ექსპოზე დააჭირეთ „მზადაა“.

ტაბლო ნომერს არ აცხადებს ხმით

ბრაუზერი ხმას შეხებამდე არ უშვებს — დააჭირეთ „ხმის ჩართვა“ ეკრანის კუთხეში. ქართული ხმა ტელევიზორის / კომპიუტერის სისტემაზეა დამოკიდებული; თუ არ არის, ისმის მხოლოდ ზარი. შეამოწმეთ „ხმოვანი გამოცხადება“ და „ზარი“ ტაბლოს პარამეტრებში.

ტაბლო ან სამზარეულოს ეკრანი „ეკრანი არ არის დაწყვილებული“ / კოდს ითხოვს

ეკრანის ბმული განახლდა („ახალი ბმული“) ან ეკრანი წაიშალა. აკრიფეთ ახალი კოდი („ეკრანები / ნომრები“ → „ეკრანები“). ტელევიზორზე გახსენით http://მთავარი-კომპიუტერის-IP:3036/tv.

მზა ნომერი ტაბლოდან გაქრა, კლიენტს კი ჯერ არ წაუღია

„მზა ნომერი ქრება (წთ)“ (ნაგულისხმევად 10) გავიდა. გაზარდეთ ის ტაბლოს პარამეტრებში. შეკვეთა „შეკვეთებში“ მაინც „მზადაა“ — გასცემისას დააჭირეთ „გაცემულია“.

სადგურის ტალონი არ იბეჭდება

ჩართულია თუ არა „ტალონის ბეჭდვაც სადგურის პრინტერზე“, სადგურს აქვს თუ არა IP, ჩართულია თუ არა პრინტერი. ტალონს სალაროს კომპიუტერი ბეჭდავს გადახდისას; კიოსკის შეკვეთებზე ტალონი 2.38-ში არ იბეჭდება.

კიოსკი

კიოსკზე „ბარათით აქ“ შეცდომას აჩვენებს

კიოსკი მუშაობს მხოლოდ ინტეგრირებული ტერმინალით, რომელიც სიაში პირველია. „ეს ტერმინალი ხელით მუშაობს…“ — პირველი ტერმინალი „ხელით“ ტიპისაა: გადაადგილეთ ან გამორთეთ „კიოსკზე ბარათით გადახდა“ (თავი კიოსკი).

კიოსკის შეკვეთა გადაუხდელი დარჩა

კლიენტი არ მივიდა სალაროსთან. „შეკვეთები“ → ფილტრი „გადასახდელი“ → შეკვეთა → „გაუქმება“.

ნომრები

შუაღამის შემდეგ ნომრები ისევ 100-დან დაიწყო

ნომრები კალენდარულ დღეს მიჰყვება. ღამის ცვლაზე შეგიძლიათ ხელით დააყენოთ შემდეგი ნომერი („ნუმერაციის თავიდან დაწყება“ — თავი შეკვეთის ნომრები).

ორ სალაროში ერთი ნომერი ხომ არ გაიცემა?

არა — ნომერი ბაზაში იცემა გადახდის მომენტში.

საწყობი

ინგრედიენტის ნაშთი მინუსშია

Activi Fast გაყიდვას ნაშთის გამო არ აჩერებს. მიღება არ შეიტანეს ან რეცეპტი არაზუსტია. შეიტანეთ მიღება „მარაგში“ ან ჩაატარეთ ინვენტარიზაცია (თავი საწყობი).

„მარაგში“ ბურგერები და კომბოები „0 ც“-ით „იწურება“

რეცეპტიან პოზიციებს საკუთარი მარაგი არ აქვთ — 2.38-ში ისინი მაინც ჩანს ამ სიაში. ყურადღება მიაქციეთ ინგრედიენტებს.

კომბოს მარჟა „პროდუქციაში“ 98%-ია

კომბოს ბარათზე მხოლოდ მისი საკუთარი რეცეპტია (პარკი). ნამდვილი თვითღირებულება ყოველ ჩეკზე ითვლება და ანგარიშებში სწორად ჩანს (თავი რეცეპტები).

ლიცენზია და შესვლა

„Activi Fast თქვენს ლიცენზიაში არ შედის“

ლიცენზიას სწრაფი კვების მოდული არ აქვს — დაგვიკავშირდით (თავი ლიცენზია).

რამდენ კომპიუტერს ითვლის ლიცენზია — ტელევიზორს და კიოსკსაც?

არა. ითვლება მხოლოდ მოწყობილობები, სადაც თანამშრომელი შედის; ტაბლო, კედლის ეკრანები და კიოსკი ადგილს არ იკავებს.

ადმინისტრატორის პაროლი დამავიწყდა

დაუკავშირდით მხარდაჭერას — ადმინისტრატორის პაროლი აღდგება მონაცემების შეუხებლად (თავი თანამშრომლები).