ბექაპი და აღდგენა: ავტომატური ასლები, ფაილი, აღდგენა და განულება

ყველაფერი ამ თავში არის „პარამეტრები“ → „მონაცემები“ (ადმინისტრატორი; ქსელში — მთავარ კომპიუტერზე).

ავტომატური ბექაფი

პროგრამა ყოველდღე (და ჩართვისას) ქმნის ბაზის სრულ ასლს იმავე კომპიუტერზე — %APPDATA%\CloudPos\data-cloudfast\backups. ინახება ბოლო 14 დღიური ასლი.

ბარათი „ავტომატური ბექაფი“: „ბოლო ბექაფი“, „შენახული ასლები“, „ბექაფის შექმნა ახლა“ (მაგ. მენიუს დიდი ცვლილების წინ), ასლების სია სახეობით — „დღიური“, „ხელით“, „აღდგენამდე“, „სერვერიდან აღდგენამდე“, „გასუფთავებამდე“ — და ღილაკი „აღდგენა“.

აღდგენა ავტომატური ასლიდან

1. დარწმუნდით, რომ სამზარეულოში შეკვეთა აღარ მზადდება და სხვა სალაროებზე არავინ მუშაობს.
2. სასურველ ასლთან — „აღდგენა“ → დაადასტურეთ („მიმდინარე ბაზის ასლი ჯერ შეინახება…“).
3. „ბაზა აღდგა ასლიდან … — შედით ხელახლა“.

ასლის შემდეგ გადახდილი ჩეკები და შეკვეთები აღდგენისას ქრება (აღდგენამდე მდგომარეობა „აღდგენამდე“ ასლად რჩება) — აღდგენა ბოლო საშუალებაა.

ყურადღება: ავტომატური ასლები იმავე კომპიუტერზეა. დისკის გაფუჭებისას ისინიც დაიკარგება — პერიოდულად ჩამოტვირთეთ სარეზერვო ფაილი და შეინახეთ სხვაგან.

სარეზერვო ფაილი

ბარათი „მონაცემები“:

• „სარეზერვო ასლი“ → „ჩამოტვირთვა“ — cloudpos-backup_თარიღი.json: მენიუ, რეცეპტები, კომბოები, ჩეკები, შეკვეთები, თანამშრომლები, საწყობი, ბუღალტერია. ფაილში არ შედის ლიცენზია, RS.ge-ს სერვის-იუზერი და ტერმინალების პარამეტრები.
• „აღდგენა“ → „ფაილის ატვირთვა“ — ყველა მიმდინარე მონაცემი ფაილით ჩანაცვლდება (მიმდინარე ბაზის ასლი ჯერ ინახება).
• „თემა“ — ღია / მუქი.

დაშიფრული ასლი Activi-ის სერვერზე

ლიცენზიის მიბმის შემდეგ პროგრამა დღეში ერთხელ აგზავნის ამ კომპიუტერზევე დაშიფრულ ასლს Activi-ის სერვერზე (ბოლო 14). ეს გადაგარჩენთ, თუ კომპიუტერი გაფუჭდა ან მოიპარეს; აღდგენისთვის დაგვიკავშირდით.

ბაზის სრული განულება

ბარათი „ბაზის სრული განულება“ შლის ყველაფერს (გაყიდვები, მენიუ, საწყობი, ბუღალტერია, თანამშრომლები); რჩება ლიცენზია და პრინტერის პარამეტრები. „განულება“ → (სურვილისამებრ „მაღაზიის პარამეტრები დარჩეს…“) → ეკრანზე ნაჩვენები ციფრები → „სამუდამოდ წაშლა“. განულებამდე ასლი ინახება („გასუფთავებამდე“).

რჩევა: დემოთი ვარჯიშისთვის განულება საჭირო არ არის — დემო ცალკე ბაზაა; სამუშაოდ შექმენით ახალი ბაზა (თავი ქსელი და ბაზები).

კომპიუტერის შეცვლა

1. ძველ კომპიუტერზე ჩამოტვირთეთ სარეზერვო ფაილი (ან დააკოპირეთ %APPDATA%\CloudPos\data-cloudfast — ტრეიდან „სრულად გამორთვის“ შემდეგ).
2. ახალზე დააყენეთ Activi Fast; აღადგინეთ ფაილი („მონაცემები“ → „აღდგენა“) ან დაამატეთ საქაღალდე („ბაზები“ → „არსებული ბაზის დამატება“).
3. ლიცენზია: ძველზე „ლიცენზიის გათავისუფლება ამ კომპიუტერიდან“, ახალზე — იგივე კოდი (თავი ლიცენზია).
4. ეკრანების ბმულები და ტოკენები ბაზაშია — ტაბლეტებსა და ტელევიზორებზე მხოლოდ IP მისამართი შეცვალეთ (http://ახალი-IP:3036/tv და იგივე კოდი).